మహారాష్ట్ర న్యాచురల్ గ్యాస్ ఐపిఒ..రూ. 1,000 కోట్ల పబ్లిక్ ఇష్యూకి బిపిసిఎల్ ఆమోదం..వివరాలు ఇదిగో..

భారత్ పెట్రోలియం కార్పొరేషన్ లిమిటెడ్ (BPCL), గైల్ అండ్ ఇంద్రప్రస్థ గ్యాస్ లిమిటెడ్ (IGL) జాయింట్ వెంచర్ మహారాష్ట్ర నేచురల్ గ్యాస్ లిమిటెడ్ (MNGL) రూ. 1,000 కోట్ల కంటే పైగా ఇనీషియల్ పబ్లిక్ ఆఫరింగ్ (IPO)తో పబ్లిక్ మార్కెట్‌లో ఎంట్రీకి రెడీ అవుతుంది. జనవరి 6న రెగ్యులేటరీ ఫైలింగ్‌లో వెల్లడించిన విధంగా BPCL బోర్డు లిస్టింగ్‌కు ఆమోదం పొందిన తర్వాత ఈ చర్య వచ్చింది.

MNGL న్యాచురల్ గ్యాస్ డిస్ట్రిబ్యూషన్ సెక్టార్లో టాప్ ప్లేస్ లో ఉండగా మహారాష్ట్రలో కంప్రెస్డ్ నేచురల్ గ్యాస్ (CNG) అండ్ పైప్డ్ నేచురల్ గ్యాస్ (PNG) సప్లయ్ చేస్తోంది. ఈ జాయింట్ వెంచర్ ఈక్విటీ నిర్మాణంలో BPCL & GAIL ఒక్కొక్కటి 22.5% వాటా, IGLకి 50% మెజారిటీ వాటా, మహారాష్ట్ర ఇండస్ట్రియల్ డెవలప్‌మెంట్ కార్పొరేషన్ (MIDC)కి 5% వాటా ఉంది.

పూణే, పింప్రి-చించ్వాడ్ అలాగే సమీప ప్రాంతాలతో పాటు MNGL నాసిక్, సింధుదుర్గ్, రత్నగిరి, సతారా వంటి జిల్లాలకు కూడా విస్తరిస్తోంది. కంపెనీ సిటీ గ్యాస్ డిస్ట్రిబ్యూషన్ (CGD) మార్కెట్‌లో తన స్థానాన్ని పటిష్టం చేసుకోవాలని చూస్తుంది. మహారాష్ట్ర సహా ఇతర రాష్ట్రాలలో కొత్త లైసెన్స్‌ కొనసాగిస్తోంది.

ఫైనాన్షియల్ పర్ఫార్మెన్స్
MNGL FY24లో కంపెనీ రూ. 3,000 కోట్ల ఆదాయాన్ని సాధించి బలమైన వృద్ధిని కనబర్చింది. వడ్డీ, పన్నులుకు ముందు ఆదాయాలు (EBITDA) సంవత్సరానికి 41% పెరిగి రూ. 961.53 కోట్లకు చేరుకోగా, నెట్ ప్రాఫిట్ 45% పెరిగి రూ. 610 కోట్లకు చేరుకుంది. ఈ ఆర్థిక సంవత్సరంలో కంపెనీ వ్యయం రూ.562.79 కోట్లుగా ఉండగా ప్రస్తుతం, MNGL 246 CNG స్టేషన్లను నిర్వహిస్తోంది అలాగే 8.58 లక్షల డొమెస్టిక్ PNG కనెక్షన్లను అందిస్తోంది.

IPO వివరాలు
MNGL IPO గురించి కొన్ని వివరాలు రావాల్సి ఉండగా, రూ. 1,000 కోట్ల వృద్ధి ప్రణాళికలకు నిధులు సమకూరుస్తుందని ఇంకా మార్కెట్ స్థానాన్ని బలోపేతం చేస్తుందని భావిస్తున్నారు. IPO BPCL, GAIL అండ్ IGL వంటి ప్రస్తుత వాటాదారులకు జాయింట్ వెంచర్‌లో వారి పెట్టుబడుల నుండి వాల్యూ అన్‌లాక్ చేసే అవకాశాన్ని కూడా అందిస్తుంది.

నేడు మంగళవారం రోజు BPCL షేర్ ధర 2% పైగా పెరిగింది, BSEలో షేరు ఒక్కొక్కటి రూ.287.60 వద్ద ప్రారంభమైంది. ఇంట్రాడే గరిష్ట స్థాయి రూ.290.55 నుండి ఇంట్రాడేలో ఒక్కో షేరుకు రూ.285.70 కనిష్ట స్థాయిని తాకింది. ఇంకా, IGL షేర్ ధరలు 410 - 435 రేంజ్‌లో ట్రేడ్ అవుతున్నాయి. గెయిల్, ఐజీఎల్ షేర్లు కూడా గ్రీన్‌లో ట్రేడవుతున్నాయి.