యూనియన్ బ్యాంకు కస్టమర్లకు శుభవార్త వడ్డీ రేట్లు తగ్గింపు

ప్రభుత్వరంగ యూనియన్ బ్యాంక్ ఆఫ్ ఇండియా వడ్డీ రేట్లను తగ్గించింది. అన్ని కాలవ్యవధిలపై బేసిస్ పాయింట్ల వరకు MCLRను తగ్గిస్తున్నట్లు బుధవారం ప్రకటించింది. కొత్త రేట్లు వెంటనే అమల్లోకి వస్తాయని వెల్లడించింది. యూనియన్ బ్యాంకు ఇలా వడ్డీ రేట్లు తగ్గించడం వరుసగా ఇది తొమ్మిదవసారి. జూలై 2019 నుంచి క్రమక్రమంగా కోతలు పెడుతోంది.

తాజా నిర్ణయంతో ఏడాది MCRL 8.10% నుంచి 8% తగ్గింది. ఓవర్ నైట్ MCLR 7.55 శాతంగా, నెల రోజుల కాలపరిమితి 7.60 శాతంగా ఉన్నాయి. కాగా, ఎస్బీఐ ఇప్పటికే వడ్డీ రేట్లు తగ్గించిన విషయం తెలిసిందే.

నిధుల సమీకరణ వ్యయ ఆధారిత వడ్డీ రేటు (MCLR)ను ఎస్బీఐ తగ్గించిన విషయం తెలిసిందే. ఈ తగ్గింపు వివిధ కాలపరిమితులను బట్టి 0.15% వరకు ఉంది. ఇది మార్చి 10వ తేదీ నుంచి అమల్లోకి వస్తుందని ఎస్బీఐ బుధవారం వెల్లడించింది.

ప్రస్తుత ఆర్థిక సంవత్సరంలో వరుసగా పదోసారి ఎస్బీఐ తన MCRLను తగ్గించింది. ఏడాది కాలానికి సంబంధించిన MCLRను 7.85% నుంచి 7.75% తగ్గించారు. ఓవర్‌నైట్, నెల రోజుల MCLRను 0.15% చొప్పున తగ్గించడంతో ఇది 7.45% చేరుకుంది. రెండేళ్లు, మూడేళ్ల కాలానికి సంబంధించిన MCLRను 0.10 శాతం తగ్గించడంతో వడ్డీ రేట్లు వరుసగా 7.95 శాతం, 8.05 శాతానికి చేరుకున్నాయి.