బంగారం, స్టాక్స్ కాదు.. డబ్బున్నవాళ్లంతా ఇప్పుడు ఇదే కొంటున్నారు!

ప్రస్తుతం అందరూ బంగారం, వెండి గురించి ఆలోచిస్తుంటే ధనవంతులు మాత్రం సైలెంట్ గా వేరే ఆస్తిపై ఫోకస్ పెట్టారు. బంగారం ధరలు, స్టాక్ మార్కెట్ ఊహించని విధంగా ఉన్న ఈ సమయంలో.. పెట్టుబడుల్లో ఒక కొత్త నిర్ణయాత్మకమైన మార్పు జరుగుతోంది. అదే లగ్జరీ రియల్ ఎస్టేట్! ధనవంతులు, పెద్ద కుటుంబాలు, ఎన్నారైలు (NRIs) ఇప్పుడు ఈ కొత్తరకమైన ఇన్వెస్ట్ మెంట్ పై ఫోకస్ పెట్టారు. ఇదెలా ఉంటుందంటే..

బ్లూ-చిప్ అసెట్

ప్రపంచ రియల్ ఎస్టేట్ కన్సల్టెన్సీలైన నైట్ ఫ్రాంక్ (Knight Frank) , CBRE ల నివేదిక ప్రకారం.. అల్ట్రా-లగ్జరీ రెసిడెన్షియల్ ఎన్‌క్లేవ్‌లు , ప్రీమియం గ్రేడ్ కమర్షియల్ స్థలాలు ఇప్పుడు భారతదేశంలో "కొత్త బ్లూ-చిప్ ఆస్తి వర్గం"గా ఉద్భవించాయి. సంపన్న వర్గాలు ఇప్పుడు అత్యంత ప్రత్యేకమైన ఈ మైక్రో-మార్కెట్‌ల వైపు మొగ్గు చూపుతున్నారు. ఇక్కడ ఆస్తుల లభ్యత చాలా తక్కువగా ఉంది. కానీ డిమాండ్ మాత్రం విపరీతంగా ఉంది.

టాప్ ప్లేసులు ఇవే..

ఈ బ్లూచిప్ అసెట్ లకు ముఖ్యంగా కొన్ని ప్రాంతాల్లో ఫుల్ డిమాండ్ ఉంది.

• ఢిల్లీలోని లుటియన్స్ బంగళా జోన్ (Lutyens' Bungalow Zone).
• ముంబైలోని సముద్రం వైపు ఉన్న ఖరీదైన ప్రాంతాలు.
• గురుగ్రామ్ గోల్ఫ్ కోర్స్ రోడ్ వెంబడి ఉన్న స్కైలైన్.
• బెంగళూరులోని ఎంపిక చేసిన అధిక-విలువ ప్రాంతాలు.
• హైదరాబాద్ పరిసరాల్లో కొన్ని ప్రాంతాలు

అపారమైన వృద్ధిని కోరుకునే వాళ్లు ఇలాంటి ప్లేసుల్లో పెట్టుబడి పెట్టేందుకు ప్లాన్ చేస్తున్నారు.

సరఫరా తక్కువ డిమాండ్ ఎక్కువ

ఈ పెరుగుదలకు ప్రధాన కారణం నిర్మాణాత్మక అసమతుల్యత. అంటే సూపర్-ప్రైమ్ జోన్‌లలో కొత్త నిర్మాణాలకు స్థలం లేదు. భూమి బహిరంగ మార్కెట్‌లోకి రావడం చాలా అరుదు. ఈ దీర్ఘకాలిక సరఫరా కొరత ధరలను ఊహించని స్థాయికి పెంచుతోంది. దీని గురించి నిరాలా వరల్డ్ (Nirala World) CMD సురేష్ గార్గ్ మాట్లాడుతూ.. ఈ కొత్త ఇన్వెంటరీ పరిమితంగా ఉన్నప్పటికీ అల్ట్రా-లగ్జరీ , టాప్-ఎండ్ కమర్షియల్ మార్కెట్లు స్థిరమైన వృద్ధిని సాధిస్తున్నాయని తెలిపారు. "ఈ విభాగం కేవలం జీవనశైలి ఎంపిక స్థాయిని దాటింది. ఇది సంపదను కాపాడుకోవడానికి అత్యంత నమ్మకమైన యంత్రాంగంగా మారింది." అని ఆయన అన్నారు. బంగారం వంటి సంప్రదాయ ఆస్తులు ఇవ్వలేని భద్రత , స్థిరత్వాన్ని ఇది అందిస్తుందట.

కమర్షియల్ రియల్ ఎస్టేట్ కూడా..

కమర్షియల్ రియల్ ఎస్టేట్ కూడా ఈ తరహా పెట్టుబడుల్లో ఉంది. వీటిలో అద్దె రాబడి (Rental Yields) 6-10% మధ్య ఉంది. ఇది ఈక్విటీ మార్కెట్ల రాబడి కంటే చాలా స్థిరంగా పరిగణించబడుతుంది. Grade A అభివృద్ధి ప్రాజెక్టులలో మల్టీ నేషనల్ కంపెనీలకు లీజుకిచ్చిన కార్యాలయాలు, అల్ట్రా-రిచ్‌ పీపుల్ కి దీర్ఘకాలిక నగదు యంత్రాలుగా (Long-term cash machines) మారుతున్నాయి. ఎక్సోటికా హౌసింగ్ (Exotica Housing) MD దినేష్ జైన్ ప్రకారం.. సూపర్-ప్రైమ్ ప్రాంతాలలో కొత్త అభివృద్ధి అవకాశాలు లేకపోవడం సహజంగానే ఇప్పటికే ఉన్న అధిక-స్థాయి వాణిజ్య ఆస్తుల విలువను పెంచుతుంది.

విదేశీ పెట్టుబడిదారుల ఆసక్తి

విదేశీ పెట్టుబడిదారుల రికార్డు భాగస్వామ్యం కూడా ఈ మార్కెట్ బలానికి మరొక ముఖ్య కారణం. విదేశీ పెట్టుబడిదారులలో చాలా మందికి, భారతదేశంలోని ప్రీమియం రియల్ ఎస్టేట్ మార్కెట్.. అధిక రాబడి ఇస్తుందన్న నమ్మకం పెరిగింది. అలాగే ఇది తక్కువ రిస్క్ ఉండే పెట్టుబడిగా విదేశీపెట్టుబడి దారులు చూస్తున్నారు.