ఎల్పీజీ సిలిండర్ బిగ్ అప్డేట్.. రూ. 632.55కే 14.2 కేజీల సిలిండర్.. ఎవరు అర్హులంటే..
Ujjwala Yojana 2026: పెరుగుతున్న అంతర్జాతీయ ఇంధన ధరల నేపథ్యంలో సామాన్య, పేద కుటుంబాలకు వంటగ్యాస్ భారంగా మారకుండా ప్రభుత్వం భారీ ఊరటనిస్తోంది. ఇండియన్ ఆయిల్ కార్పొరేషన్ (IOC) విడుదల చేసిన తాజా గణాంకాల ప్రకారం.. ప్రధాన మంత్రి ఉజ్వల యోజన (PMUY) కింద అర్హులైన లబ్ధిదారులకు చెన్నైలో 14.2 కిలోల గృహ అవసరాల ఎల్పీజీ సిలిండర్ కేవలం రూ. 632.55 నికర ధరకే లభిస్తోంది.
సిలిండర్ అసలు మార్కెట్ ధర రూ. 1,308.45 కాగా, వినియోగదారులపై భారం పడకుండా ప్రభుత్వం మొత్తం రూ. 675.90 మేర సబ్సిడీని భరిస్తోంది. నవంబర్ 13, 2026 నుంచి చెన్నై నగరంలో ఈ ధరలు వర్తిస్తాయని ఇండియన్ ఆయిల్ స్పష్టం చేసింది.

ప్రభుత్వం కల్పిస్తున్న ఈ రూ. 675.90 ఉపశమనం మూడు వేర్వేరు మార్గాల ద్వారా లబ్ధిదారులకు అందుతోంది. ఇండియన్ ఆయిల్ వెల్లడించిన వివరాల ప్రకారం.. అర్హులైన ఉజ్వల యోజన వినియోగదారుల బ్యాంకు ఖాతాలకు కేంద్ర ప్రభుత్వం నేరుగా రూ. 300 లక్షిత సబ్సిడీని (Targeted Subsidy), అదనంగా రూ. 24.95 పహల్ (PAHAL) సబ్సిడీని జమ చేస్తోంది.
వీటికి తోడు, గృహ ఎల్పీజీ వినియోగదారులందరికీ ప్రయోజనం చేకూర్చేలా ప్రభుత్వం ప్రతి సిలిండర్పై రూ. 350.95 మేర పరోక్ష సబ్సిడీని (Indirect Subsidy) భరిస్తోంది. ఈ మూడు రకాల ప్రయోజనాలు కలవడం వల్ల ఉజ్వల లబ్ధిదారులకు సిలిండర్ నికర ధర సగానికంటే తక్కువకు దిగివచ్చింది.
అయితే, రూ. 632.55 నికర ధర కేవలం ప్రధాన మంత్రి ఉజ్వల యోజన కింద నమోదైన అర్హులైన లబ్ధిదారులకు మాత్రమే వర్తిస్తుందని అధికారులు స్పష్టం చేశారు. సాధారణ గృహ వినియోగదారులకు పరోక్ష సబ్సిడీ రూపంలో కొంత ఉపశమనం లభిస్తున్నప్పటికీ, ఉజ్వల లబ్ధిదారులకు మాత్రమే ఈ ప్రత్యేక తగ్గింపు అందుబాటులో ఉంది.
మరోవైపు, అంతర్జాతీయ మార్కెట్లో ఇంధన ధరల ఒడిదుడుకుల దృష్ట్యా ప్రజలు ఎల్పీజీని అత్యంత పొదుపుగా వినియోగించుకోవాలని ఇండియన్ ఆయిల్ విజ్ఞప్తి చేసింది. వంటగ్యాస్ను ఆదా చేయడం వల్ల సామాన్యుల నెలవారీ ఇంటి బడ్జెట్పై భారం తగ్గడమే కాకుండా, ఇంధన దిగుమతుల కోసం ఖర్చయ్యే దేశ విదేశీ మారక నిల్వలపై (Forex Reserves) ఒత్తిడిని తగ్గించడంలోనూ కీలక పాత్ర పోషిస్తుందని సంస్థ పేర్కొంది.
డిస్క్లైమర్: ఈ వెబ్సైట్లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్సైట్లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.


Click it and Unblock the Notifications
