H-1b వీసా పై ట్రంప్ మరో కీలక నిర్ణయం.. ఉద్యోగులకు హై ప్రొఫైల్స్ ఉంటేనే ఎంట్రీ

ఈ మంగళవారం ట్రంప్ పరిపాలన H-1B వీసా సిస్టమ్‌లో పెద్ద మార్పులు చేసేందుకు ఒక కొత్త ప్రపోజల్ విడుదల చేసింది. కొత్త నియమాల ప్రకారం, ఎక్కువ నైపుణ్యం కలిగిన, ఎక్కువ జీతం పొందే ఉద్యోగులకే ప్రాధాన్యత ఇస్తారు. ఈ వివరాలు ఫెడరల్ రిజిస్టర్ నోటీస్‌లో వెల్లడించబడ్డాయి. ఈ ప్రపోజల్ వైట్ హౌస్ గత శుక్రవారం ప్రకటించిన $100,000 ఫీజు నిర్ణయం తర్వాత వచ్చింది.

కొత్త H-1B విధానం అమలైతే, ప్రతి సంవత్సరం 85,000 H-1B వీసాల పరిమితిని మించిపోయే అప్లికేషన్లు వస్తే, ఎక్కువ జీతం ఇచ్చే ఉద్యోగులను ముందుగా తీసుకుంటారు. అంటే, కంపెనీలు ఎక్కువ జీతం ఇచ్చే స్కిల్డ్ ఉన్న ఉద్యోగుల అప్లికేషన్లను ముందుగా పరిగణిస్తాయి. ఈ విధానం ద్వారా, తక్కువ జీతం ఇచ్చే ఉద్యోగులను ఎంపిక చేసుకోవడం వల్ల కంపెనీలకు ప్రత్యేక లాభం దొరకదు.

ఈ మార్పు ముఖ్యంగా అమెరికాలో ఇప్పటికే ఉన్న ఉద్యోగులను రక్షించడానికి తీసుకొచ్చారు. సాధారణంగా, కొన్ని సందర్భాల్లో కంపెనీలు ఎక్కువ నైపుణ్యం లేకపోయినా, తక్కువ జీతం ఇచ్చి విదేశీ ఉద్యోగులను తీసుకుంటాయి. దీని వల్ల స్థానిక ఉద్యోగుల జీతం తగ్గకుండా, అన్యాయమైన వేతన పోటీ కూడా రాకూడదు. కానీ ఈ కొత్త విధానం వల్ల, కంపెనీలు ఎక్కువ జీతం ఇచ్చే, మంచి నైపుణ్యాలు కలిగిన ఉద్యోగులను ప్రథమంగా తీసుకుంటాయి. అలా చేయడం వల్ల తక్కువ జీతం ఇచ్చి ఉద్యోగులను తీసుకోవడం కష్టమవుతుంది. ఫలితంగా, స్థానిక ఉద్యోగుల జీతాలు కాపాడతాయి, వారి హక్కులు రక్షించబడతాయి, మరియు విదేశీ ఉద్యోగుల వల్ల ఎలాంటి ప్రయోజనం రాదు.

ట్రంప్ జనవరిలో అధ్యక్షుడైన తర్వాత, అమెరికాలో ఇమ్మిగ్రేషన్ పై కఠినమైన చర్యలు తీసుకున్నారు. చాలా మంది వలసదారులును దేశం నుంచి బయటకు పంపడం, వారి పిల్లలకు అమెరికా పౌరసత్వం ఇవ్వకుండా ఆపడం వంటి చర్యలు తీసుకున్నారు. అంతే కాక, H-1B వీసా ప్రోగ్రామ్ పై కూడా ఎక్కువ దృష్టి పెట్టారు. ఈ వీసా టెక్ కంపెనీలు, అవుట్‌సోర్సింగ్ కంపెనీలకు నైపుణ్యమున్న విదేశీ ఉద్యోగులను నియమించడానికి చాలా పాపులర్.

గత శుక్రవారం ట్రంప్ పరిపాలన కొత్తగా $100,000 ప్రతి సంవత్సరం ఫీజు విధించనున్నట్టు ప్రకటించింది. కొన్ని పెద్ద టెక్ కంపెనీలు, వీసా హోల్డర్లకు U.S. లో ఉండమని లేదా వెంటనే తిరిగి రావాలని హెచ్చరించాయి. దీంతో అమెరికాకు తిరిగి వెళ్లే పరిస్థితి కొంచెం గందరగోళంగా మారింది. తర్వాత వైట్ హౌస్ స్పష్టత ఇచ్చి, ఈ ఫీజు కొత్త వీసాలకు మాత్రమే వర్తిస్తుందని చెప్పింది.

H-1B వీసా అనేది అమెరికాలో నైపుణ్యాలున్న విదేశీ వర్కర్లను నియమించుకునేందుకు ఉపయోగించే ప్రత్యేక వీసా. ప్రతి ఆర్థిక సంవత్సరానికి 85,000 కొత్త H-1B వీసాలు మాత్రమే అందుబాటులో ఉంటాయి. అయితే, ఈ పరిమితికి మించి అప్లికేషన్లు వస్తే, ఎంపిక ప్రక్రియ లాటరీ ద్వారా జరుగుతుంది. గత కొన్ని సంవత్సరాల్లో, H-1B వీసాల కోసం వచ్చిన అప్లికేషన్ల సంఖ్య 85,000 కంటే చాలా ఎక్కువగా ఉంది. ఉదాహరణకు, 2024 ఆర్థిక సంవత్సరంలో, USCIS 7,80,884 రిజిస్ట్రేషన్లు అందుకున్నది. కానీ అందులో 85,000 మాత్రమే ఎంపికయ్యాయి. ఇది లాటరీ ప్రక్రియ ద్వారా ఎంపిక చేయబడింది. అలాగే, 2025 ఆర్థిక సంవత్సరంలో 4,79,953 రిజిస్ట్రేషన్లు అందుకున్నాయి, అందులో 1,20,603 మాత్రమే ఎంపికయ్యాయి. ఈ సంఖ్యలు చూపిస్తున్నాయి, H-1B వీసాల కోసం పోటీ ఎంత ఎక్కువగా ఉందో.

H-1B వీసా ప్రాసెస్ ఇప్పుడు సౌకర్యం కంటే కఠినంగా మారుతుంది. ఎక్కువ స్కిల్, ఎక్కువ జీతం ఉండే ఉద్యోగులకే ప్రాధాన్యం ఇవ్వడం, అమెరికా లోని స్థానిక ఉద్యోగులను కాపాడడమే లక్ష్యం.