నెల రోజుల్లోనే రెండోసారి: 140 శాతం టీవీఎస్ మధ్యంతర డివిడెండ్

TVS మోటార్స్ కంపెనీ తన వాటాదారులకు రెండో మధ్యంతర డివిడెండ్ అందించనుంది. ఈ ఆర్థిక సంవత్సరానికి గాను ఒక్కో షేర్‌కు రూ.1.40 చొప్పున (140 శాతం) రెండో మధ్యంతర డివిడెండ్‌ను ఇవ్వడానికి కంపెనీ డైరెక్టర్ల బోర్డు ఆమోదం తెలిపింది. మార్చి 18వ తేదీ నాటికి తమ షేర్లను హోల్డ్ చేస్తున్న వాటాదారులకు ఈ నెల 20వ తేదీలోపు డివిడెండ్ చెల్లిస్తారు.

ఈ మేరకు టీవీఎస్ మోటార్ కంపెనీ తెలిపింది. ఈ నెల 18వ తేదీ నాటికి షేర్లను హోల్డ్ చేస్తున్న షేర్ హోల్డర్లకు 20వ తేదీలోపు డివిడెండ్ చెల్లిస్తామని తెలిపింది. మొత్తం 47.5 కోట్ల షేర్లకు రూ.80 కోట్లు చెల్లించనున్నట్లు తెలిపింది. గత నెలలోనే ఈ కంపెనీ ఒక్కో షేర్‌కు రూ.2.10 డివిడెండ్‌ను ప్రకటించింది.

టీవీఎస్ కేవలం నెల రోజుల వ్యవధిలోనే రెండోసారి మధ్యంతర డివిడెండ్ ప్రకటించింది. మధ్యంతర డివిడెండ్ చెల్లించనున్నట్లు బీఎస్ఈకి సమాచారం ఇచ్చింది. రూపాయి ముఖ విలువ కలిగిన 47,50,87,114 ఈక్విటీ షేర్లకు గాను రూ.1.40 లేదా 140 శాతం డివిడెండ్ రూపంలో చెల్లిస్తారు.