TVS ఎలక్ట్రిక్ స్కూటర్, ఐక్యూబ్ ధర రూ.1.15 లక్షలు

TVS మోటార్ కంపెనీ ఎలక్ట్రిక్ వెహికిల్స్ ఉత్పత్తిలోకి ప్రవేశించింది. ఈ మేరకు ప్రకటన చేసింది. ఐక్యూబ్ పేరిట సరికొత్త ఈ-స్కూటర్‌ను తీసుకు వస్తున్నట్లు తెలిపింది. దీని ధర రూ.1.15 లక్షల వరకు ఉంటుంది. ఐక్యూబ్‌లో 4.4 కిలోవాట్ల విద్యుత్ మోటార్‌ను అమర్చారు. ఒకసారి ఛార్జింగ్ చేస్తే గరిష్టంగా 78 కిలోమీటర్ల వేగంతో 75 కిలోమీటర్లు ప్రయాణిస్తుంది.

కేవలం 4.2 సెకన్లలో 0 నుంచి 40 కి.మీ. వేగాన్ని అందుకుంటుంది. జియో ఫెన్సింగ్, రిమోట్ బ్యాటరీ చార్జ్ నేవిగేషన్ వంటి ప్రత్యేకతలు ఈ స్కూటర్‌లో ఉన్నాయి. ఐక్యూబ్ తొలి ఎలక్ట్రిక్ బైక్‌ను టీవీఎస్ శనివారం ఆవిష్కరించింది. కర్ణాటక సీఎం యడ్యూరప్ప, కేంద్రమంత్రి నితిన్ గడ్కరీ చేతుల మీదుగా దీనిని మార్కెట్‌కు పరిచయం చేశారు.

పర్యావరణహిత వాహనాలతో యువతను ఆకట్టుకునే దిశగా వెళ్తున్నామని టీవీఎస్ సంస్థ చైర్మన్ వేణు శ్రీనివాసన్ అన్నారు. ఒక్కసారి పూర్తిస్థాయిలో చార్జింగ్ చేస్తే 75 కి.మీ. ప్రయాణించవచ్చునని చెప్పారు. టీవీఎస్ ఐక్యూబ్ ఎలక్ట్రిక్ స్కూటర్లు బెంగళూరులో 27 జనవరి 2020 నుంచి అందుబాటులో ఉంటాయని తెలిపింది.