ట్రంప్ సుంకాల దాడి.. బంగారం కొనుగోలుపై నిపుణులు కీలక అప్‌డేట్.. తప్పక తెలుసుకోండి

ప్రపంచవ్యాప్తంగా ఆర్థిక అనిశ్చితి, సుంకాల ఉద్రిక్తతలు, భారతదేశంలో పండుగ సీజన్‌కు సంబంధిత స్థిరమైన డిమాండ్..ఇవన్నీ కలిసి ఆగస్టు నెలలో బంగారం ధరలు పెరిగేలా చేశాయి. ఇక ఎప్పటిలాగే, ద్రవ్యోల్బణం (inflation), మార్కెట్‌లోని ఒడిదుడుకులకు (volatility) వ్యతిరేకంగా ఒక సురక్షితమైన డిమాండ్ గా బంగారం తన ఆకర్షణను నిలుపుకుంటోంది. రిటైల్ కొనుగోలుదారులు (వ్యక్తిగత కస్టమర్లు) నుంచి సంస్థాగత పెట్టుబడిదారుల వరకు అందరూ బంగారంపై ఆసక్తి కనబరుస్తున్నారు.

అంతర్జాతీయ మార్కెట్‌లో ఆగస్టులో Gold ధరలు 1శాతం పైగా పెరిగి ఔన్సుకు 3,335 డాలర్ల వద్ద ట్రేడ్ అయ్యాయి. జూలైలో మాత్రం పెరుగుదల 0.3 శాతం మాత్రమే ఉంది. విశ్లేషకుల అభిప్రాయం ప్రకారం, బలహీనంగా ఉన్న అమెరికన్ డాలర్, ద్రవ్యోల్బణ భయాలు, అమెరికా ఫెడరల్ రిజర్వ్ మరిన్ని వడ్డీ రేటు కోతలకు అవకాశం వంటి అంశాలు Gold పెరుగుదలకు కారణమయ్యాయి.

దీనికి అదనంగా, ట్రంప్ ప్రభుత్వంలో సుంకాలకు సంబంధిత పరిణామాలు కూడా పెట్టుబడిదారులను బంగారం వైపు మళ్లించాయి. ఈ నేపథ్యంలోనే 2025 లో ఇప్పటివరకు బంగారం 28 శాతం రాబడి ఇచ్చి, ఈ ఏడాది అత్యుత్తమ పనితీరు కనబరుస్తున్న ఆస్తులలో ఒకటిగా నిలిచింది.

భారతదేశంలో ఆగస్టు నెలలో బంగారం ధరలు 1.6 శాతం పెరిగి 10 గ్రాములకు రూ.లక్షకు పైగా చేరుకున్నాయి. ఈ పెరుగుదలతో సంవత్సరం ప్రారంభం నుంచి ఇప్పటివరకు (YTD) లాభాలు 31 శాతం వరకు చేరాయి. రూపాయి విలువ తగ్గడం వలన విదేశీ మార్కెట్‌తో పోలిస్తే దేశీయ మార్కెట్‌లో ఉన్న డిస్కౌంట్లు తగ్గిపోయాయి. జూన్‌లో ఔన్సుకు 27 డాలర్ల నుంచి ఆగస్టు మధ్య నాటికి కేవలం 3.7 డాలర్లకు పడిపోయాయి.

పండుగల సీజన్ బంగారం కొనుగోళ్లకు ప్రధాన కేంద్రంగా మారింది. వినియోగదారుల ధర-సున్నితత్వాన్ని దృష్టిలో పెట్టుకుని, జ్యువెలర్స్ తేలికపాటి బరువు గల ఆభరణాల డిజైన్లను ఎక్కువగా తయారు చేస్తున్నారు. అదే సమయంలో, పెట్టుబడిదారుల ఆసక్తి కూడా పెరుగుతోంది. జూలై నెలలో గోల్డ్ ETFs లో 12.6 బిలియన్ డాలర్ల కొత్త పెట్టుబడులు వచ్చాయి. ఫలితంగా నిర్వహణలో ఉన్న ఆస్తులు (AUM) సంవత్సరం ప్రారంభం నుండి ఇప్పటి వరకు 96 శాతం పెరిగాయి.

దిగుమతులు కూడా ఈ ఊపును ప్రతిబింబించాయి. పండుగల డిమాండ్ ముందు నుంచే వ్యాపారులు నిల్వ చేసుకోవడంతో జూలైలో బంగారం దిగుమతులు 4 బిలియన్ డాలర్లకు పెరిగాయి.దేశంలో కూడా బంగారానికి ప్రాముఖ్యత పెరుగుతోంది. భారతీయ రిజర్వ్ బ్యాంక్ తన బంగారం నిల్వలను 880 టన్నుల వద్ద కొనసాగిస్తోంది, ఇది మొత్తం ఫారెక్స్ నిల్వల్లో సుమారు 12 శాతం ప్రాతినిధ్యం వహిస్తోంది.

2023 ఆగస్టు నుండి 2025 ఆగస్టు వరకు రెండు సంవత్సరాలలో బంగారం ధరలు అద్భుతంగా పెరిగాయి. అంతర్జాతీయంగా ధరలు ఔన్సుకు 1,940 డాలర్ల నుండి 3,340 డాలర్లకు పెరిగి దాదాపు 72 శాతం వృద్ధిని సాధించాయి. భారతదేశంలో 24 క్యారెట్ల బంగారం రూ.59,220 నుంచి రూ.1,00,750 వరకు పెరిగింది. అంటే సుమారు 70 శాతం పెరుగుదల నమోదు చేసింది. ఈ ఆగస్టులో COMEX ఫ్యూచర్స్ 3,534.10 డాలర్ల నుంచి మొదలై ఆల్‌టైమ్ హై తాకాయి, MCX ఫ్యూచర్స్ కూడా 10 గ్రాములకు రూ.1,02,250 దాటాయి.

1 ఫైనాన్స్ లోని పెట్టుబడి వ్యూహ నిపుణుడు యష్ సెడాని మాట్లాడుతూ.. బంగారం ఒక్కటే పెట్టుబడి పరిష్కారం కాదు. ఒకరి రిస్క్ సామర్థ్యం, ఆర్థిక లక్ష్యాల ప్రకారం ఆస్తి కేటాయింపు (asset allocation) సమతుల్యంగా ఉండాలని తెలిపారు.గోల్డ్ ETFs చాలా సమర్థవంతమైనవని.. లిక్విడ్ (తేలికగా కొనుగోలు-అమ్మకం చేయగలిగినవి), నిల్వ సమస్యలు లేకుండా పెట్టుబడిదారులకు ఉపయోగకరంగా ఉంటాయని తెలిపారు. వాణిజ్య యుద్ధాలు, సుంకాలు, అస్థిర మూలధన ప్రవాహాలు తిరిగి ఎక్కువవుతున్నందున బంగారం ధరలు పెరిగే అవకాశమే కాని తగ్గే అవకాశం లేదన్నారు.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి