ఆవిరైన ఆనందం.. ఫార్మా సుంకాలను విధిస్తు ట్రంప్ ప్రకటన.. దెబ్బకి షేర్స్ ఢమాల్...

stockmarket updates: నిన్న గురువారం ప్రపంచ మార్కెట్లు క్షీణించినప్పటికీ, భారత స్టాక్ మార్కెట్ మాత్రం స్ట్రాంగ్ పర్ఫార్మెన్న్ కనబరిచింది, కానీ శుక్రవారం ఉదయం సెన్సెక్స్ అండ్ నిఫ్టీ భారీ క్షీణతను చూశాయి. సెన్సెక్స్ 800 పాయింట్లకు పైగా పడిపోయి 75,435 స్థాయిని తాకగా, నిఫ్టీ 50 కూడా 1% పైగా పడిపోయి 22,921 స్థాయిని తాకింది. అలాగే మిడ్‌క్యాప్, స్మాల్‌క్యాప్ సూచీలు 3% వరకు పడిపోయాయి.

ఔషధ రంగానికి ప్రత్యేక సుంకం విధించడం గురించి అమెరికా అధ్యక్షుడు డొనాల్డ్ ట్రంప్ చేసిన ప్రకటన తర్వాత స్టాక్ మార్కెట్ క్షిణించింది. ఈ ప్రకటన తర్వాత, భారతీయ ఫార్మా కంపెనీల షేర్లు పడిపోయాయి అలాగే గురువారం నాటి ఆనందం ఇవాళ ఆవిరైంది. ఈరోజు ఫార్మా స్టాక్స్ 2% నుండి 7% మధ్య పడిపోయాయి. ఐపీసీఏ లాబొరేటరీస్, లారస్ ల్యాబ్స్, అరబిందో ఫార్మా, లుపిన్ వంటి కంపెనీల షేర్లు తీవ్రంగా నష్టపోయాయి. నిఫ్టీ ఫార్మా ఇండెక్స్ 6% పైగా పడిపోయి 20,089 స్థాయిని తాకింది. పెట్టుబడిదారులు జాగ్రత్తగా ఉండాలని నిపుణులు సూచించారు.

లైవ్ మింట్ ప్రకారం, మార్కెట్ క్యాప్ ఒకే రోజులో రూ.8 లక్షల కోట్లకు పైగా తగ్గి రూ. 405 లక్షల కోట్లకు చేరుకుంది. ట్రంప్ సుంకాల విధానం, ప్రపంచ ఆర్థిక ఆందోళనలు, కార్పొరేట్ ఫలితాలపై అనిశ్చితి కారణంగా స్టాక్ మార్కెట్ భారీగా పడిపోయింది. రాబోయే కొద్ది రోజుల్లో షేర్ మార్కెట్ దిశ ప్రపంచ సంకేతాలు ఇంకా కార్పొరేట్ ఫలితాలపై ఆధారపడి ఉంటుంది.

ఈరోజు స్టాక్ మార్కెట్ పడిపోవడానికి కారణాలు :
1. కొత్త సుంకాల గురించి ట్రంప్ హెచ్చరిక: అమెరికా అధ్యక్షుడు డొనాల్డ్ ట్రంప్ కూడా ఔషధ(pharma) దిగుమతులపై సుంకాలను ప్రకటించారు. ఈ సుంకాలు "అపూర్వమైన స్థాయిలో" ఉంటాయని, దీనివల్ల భారతీయ ఫార్మా కంపెనీల షేర్లు పడిపోతాయని అన్నారు.

2. ప్రపంచ మార్కెట్లలో మందగమనం: US మార్కెట్లలో (NASDAQ: -5.97%, S&P 500: -4.84%) తీవ్ర పతనం ఆసియా మార్కెట్లను కూడా ప్రభావితం చేసింది. జపాన్ నిక్కీ 3%, దక్షిణ కొరియా కోస్పి 2% పడిపోయాయి.

3. సుంకాల ప్రభావం గురించి ఆందోళనలు: ట్రంప్ సుంకాలు ప్రపంచ వాణిజ్యం అలాగే ఆర్థిక వ్యవస్థపై ఒత్తిడిని పెంచుతాయని, ఇవి భారతదేశంపై కూడా ప్రభావం చూపుతుందని నిపుణులు భావిస్తున్నారు. వి.కె. జియోజిత్ ఫైనాన్షియల్ ఇదంతా మార్కెట్లో అనిశ్చితిని పెంచే వాణిజ్య యుద్ధానికి సంకేతం అని అన్నారు.

4. కంపెనీల ఫలితాలపై కన్నేసి ఉంచండి: TCSతో సహా పలు కంపెనీల ఫలితాలు వచ్చే వారం ప్రకటించనున్నాయి. ఈ ఫలితాలు బలహీనంగా ఉంటే షేర్ మార్కెట్ మరింత పడిపోవచ్చు.

5. ద్రవ్యోల్బణం & వడ్డీ రేట్ల ప్రమాదం: ట్రంప్ సుంకాలు అమెరికాలో ద్రవ్యోల్బణాన్ని పెంచవచ్చు, అలాగే ఫెడ్ రేటు తగ్గింపు అంచనాలను తగ్గించింది. ఫెడ్ రేటు తగ్గింపు ఇప్పుడు అసంభవం అని మోర్గాన్ స్టాన్లీ అన్నారు, ఇది విదేశీ పెట్టుబడిదారులపై ఒత్తిడిని పెంచుతుంది