ఇన్‌సైడర్ ట్రేడింగ్: సెబి ఆదేశాలు, ఫ్యూచర్ గ్రూప్‌కు భారీ ఊరట

సెక్యూరిటీస్ అప్పిలేట్ ట్రైబ్యునల్ (SAT)లో ఫ్యూచర్ గ్రూప్‌కు ఊరట లభించింది. ఫ్యూచర్ గ్రూప్ వ్యవస్థాపకులు కిషోర్ బియానీ, ఆయన సోదరుడు అనిల్ బియానీ, ఫ్యూచర్ కార్పోరేట్ రిసోర్సెస్ లిమిటెడ్ సంస్థలు సెక్యూరిటీ మార్కెట్లకు ఏడాది పాటు దూరంగా ఉండాలని ఫిబ్రవరి 3న ఆదేశించింది. ఇన్‌సైడర్ ట్రేడింగ్ ఆరోపణలు రావడంతో సెబి ఈ నిర్ణయం తీసుకుంది. దీంతో పాటు ఫ్యూచర్ రిటైల్ లిమిటెడ్ షేర్ల క్రయవిక్రయాలు రెండేళ్ల పాటు చేయకూడదని ఆదేశించింది. దీనిపై ఫ్యూచర్ గ్రూప్ SATను ఆశ్రయించింది. ఇక్కడ ఫ్యూచర్ గ్రూప్‌కు ఊరట లభించింది.

నిన్న (ఫిబ్రవరి 15) వాదనలు జరిగాయి. ఫ్యూచర్ గ్రూప్ తరఫున సుందరేశన్ వాదనలు వినిపించారు. 2017లో కంపెనీ పునర్య్వస్థీకరణ జరిగిందని, షేర్ల కొనుగోలు మార్చిలో జరిగిందని శాట్‌ తెలిపారు. సంస్థ హోంఫర్నిషింగ్ వ్యాపారం వ్యవస్థీకరణ అంశం 2016 నుండి ప్రజలకు తెలిసిందేనని పేర్కొన్నారు. వాదనల అనంతరం సెబి ఆదేశాలపై SAT స్టే విధించింది. అయితే ఫ్యూచర్ గ్రూప్ రూ.11 కోట్లను డిపాజిట్ చేయాలని ఆదేశించింది. ఈ కేసును ఏప్రిల్ 12వ తేదీన విచారించనుంది.

కంపెనీకి చెందిన కొన్ని వ్యాపారాల విభజనకు సంబంధించి, ధరలపై ప్రభావం చూపే అప్రచురిత సమాచారం ఆధారంగా 2017లో కొంతమంది వ్యక్తులు, సంస్థలు వ్యక్తులు, సంస్థలు ట్రేడింగ్ నిర్వహించారా లేదా అనే అంశంపై సెబి దర్యాఫ్తు చేపట్టింది. వీరు ట్రేడింగ్ జరిపి చట్ట వ్యతిరేకంగా లాభాలు పొందినట్లు తేలడంతో ఈ చర్యలు చేపట్టింది.