టాప్ 10 కంపెనీల మార్కెట్ క్యాప్ రూ.2.61 లక్షల కోట్లు పెరిగింది

గతవారం మార్కెట్‌లో కొనుగోళ్ల మద్దతు లభించడంతో సూచీలు లాభాల్లో ముగియడంతో టాప్ 10 కంపెనీల మార్కెట్ క్యాపిటలైజేషన్ రూ.2,61,767.61 కోట్లు పెరిగింది. భారీగా లాభపడిన కంపెనీల్లో HDFC బ్యాంకు, రిలయన్స్ ఇండస్ట్రీస్ ఉన్నాయి. గతవారం సెన్సెక్స్ 1914.49 పాయింట్లు లేదా 3.33 శాతం ఎగిసింది. టాప్ 10 మార్కెట్ క్యాపిటలైజేషన్‌లో HDFC బ్యాంకు గతవారం రూ.41,469.24 కోట్లు ఎగిసి రూ.8,35,324.84 కోట్లకు చేరుకుంది.

రిలయన్స్ ఇండస్ట్రీస్ మార్కెట్ క్యాప్ రూ.39,073.7 కోట్లు ఎగిసి రూ.17,95,709.10 కోట్లకు చేరింది. హిందూస్తాన్ యూనీలీవర్ లిమిటెడ్ మార్కెట్ క్యాప్ రూ.29,687.09 కోట్లు లాభపడి రూ.4,88,808.97 కోట్లుగా నమోదయింది. భారతీ ఎయిర్‌టెల్ రూ.27,103.16 కోట్లు పెరిగి రూ.4,16,625.19కి, HDFC రూ.26,851.9 కోట్లు ఎగిసి రూ.4,44,363.28కి, బజాజ్ ఫైనాన్స్ రూ.26,672.18 కోట్లు లాభపడి రూ.4,48,810.74కి, ఐసీఐసీఐ బ్యాంకు రూ.25,975.05 కోట్లు లాభపడి రూ.5,11,777.01కి, టాటా కన్సల్టెన్సీ సర్వీసెస్ రూ.18,088.37 కోట్లు ఎగిసి రూ.13,89,678.12కు, ఎస్బీఐ రూ.15,930.43 ఎగిసి రూ.4,53,548.76కు, ఇన్ఫోసిస్ రూ.10,916.49 కోట్లు లాభపడి రూ.8,00,268.93కు పెరిగింది.

టాప్ టెన్ కంపెనీల విషయానికి వస్తే వరుసగా రిలయన్స్ ఇండస్ట్రీస్, టీసీఎస్, HDFC బ్యాంకు, ఇన్ఫోసిస్, ఐసీఐసీఐ బ్యాంకు, హిందూస్తాన్ యూనీలీవర్, ఎస్బీఐ, బజాజ్ ఫైనాన్స్, HDFC, భారతీ ఎయిర్‌టెల్ ఉన్నాయి.