చైనాకి ఏమైంది... ఆమ్మో దేశ జనాభా ఇంత ఉందా.. ఆశ్చర్యపరుస్తున్న లెక్కలు..

ప్రపంచ జనాభా సమీక్ష (WPR) నుండి తాజా డేటా ప్రకారం భారతదేశం జనాభాలో 1.45 బిలియన్లకు పైగా ప్రజలతో మొదటి స్థానంలో ఉంది. కేవలం 1.42 బిలియన్ల జనాభాతో చైనా రెండో స్థానంలో ఉంది. గత సంవత్సరంలో చైనా తర్వాత అత్యధిక జనాభా ఉన్న దేశంగా భారతదేశం రెండవ స్థానంలో ఉండగా ఇప్పుడు అగ్రస్థానాన్ని ఆక్రమించింది. వరల్డ్ పాపులేషన్ రివ్యూ (WPR) నుండి వచ్చిన ప్రొజెక్షన్ ప్రకారం, 2030 తర్వాత భారతదేశం ప్రపంచంలోనే అత్యధిక జనాభా కలిగిన దేశం కానుంది.

20260లో భారతదేశ జనాభా గరిష్టంగా 1.65 బిలియన్లకు చేరుతుందని అంచనా, ఆ తర్వాత వృద్ధి తగ్గడం ప్రారంభమవుతుంది. 2023 నుండి 2024 వరకు జనాభా పెరుగుదలలో మార్పు గురించి మాట్లాడినట్లయితే 0.88% పెరిగింది. 2023లో దేశ జనాభా సంఖ్య 1.44 బిలియన్లు కాగా, 2024లో జనాభా 1.45 బిలియన్లకు పెరిగింది. ఈ పెరుగుదల చిన్నదిగా అనిపించవచ్చు, కానీ ఇది కేవలం ఒక సంవత్సరంలోపు జనాభాకు తోడైన పెంపును సూచిస్తుంది. భారతదేశం ఆసియాలో మూడవ-అతిపెద్ద ఆర్థిక వ్యవస్థగా ఉండగా, ప్రస్తుతం ఆహారోత్పత్తిలో స్వయం సమృద్ధిగా, చక్కెర అతిపెద్ద వినియోగదారిగా కూడా ఉంది ఇంకా ముడి చమురు కొనుగోలులో మూడవ అతిపెద్ద మార్కెట్. 2025 నాటికి భారతదేశ జనాభా మొత్తం ప్రపంచ జనాభాలో దాదాపు 18% వరకు ఉంటుందని అంచనా.

చైనా
చైనా జనాభా దాదాపు 1.5 బిలియన్లు, వన్ చైల్డ్ పాలసీ (1980-2015) వంటి విధానాల కారణంగా తాజగా క్షీణత ఉన్నప్పటికీ దశాబ్దాలుగా గొప్ప వృద్ధిని సాధించింది. దేశం ఇప్పుడు వృద్ధాప్య జనాభా, తగ్గుతున్న జననాల రేటుకు సంబంధించిన సవాళ్లను ఎదుర్కొంటోంది.

యునైటెడ్ స్టేట్స్
దాదాపు 340 మిలియన్ల జనాభాతో యునైటెడ్ స్టేట్స్ ప్రపంచవ్యాప్తంగా మూడవ స్థానంలో ఉంది. తక్కువ సంతానోత్పత్తి రేటు కారణంగా సహజ పెరుగుదల కంటే దాని జనాభా పెరుగుదల ప్రధానంగా వలసల ద్వారా అవుతుంది.

ఇండోనేషియా& పాకిస్థాన్‌
ఇండోనేషియాలో 277 మిలియన్లు, పాకిస్థాన్‌లో 240 మిలియన్ల జనాభా ఉంది. ఈ రెండు దేశాలు అధిక సంతానోత్పత్తి రేట్లు, పెరుగుతున్న జనాభాకు దోహదం చేసే యువ జనాభాను చూపియిస్తున్నాయి.

నైజీరియా
నైజీరియా సుమారుగా 224 మిలియన్ల జనాభాతో ఆఫ్రికాలో అత్యధిక జనాభా కలిగిన దేశంగా మారింది. అధిక సంతానోత్పత్తి రేటు ఇంకా అర్బనైజేషన్ ట్రెండ్ కారణంగా జనాభా మరింత పెరుగుతుందని అంచనా.

బ్రెజిల్
బ్రెజిల్ జనాభా 219 మిలియన్లుగా అంచనా ఇంకా స్థిరమైన పెరుగుదలను చూపుతోంది, 2041 నాటికి దాదాపు 220 మిలియన్లకు చేరుకోవచ్చని అంచనా.

బంగ్లాదేశ్
బంగ్లాదేశ్లో సుమారు 173 మిలియన్ల జనాభా ఉంది. సంతానోత్పత్తి రేటు ప్రతి స్త్రీకి 2 పిల్లలు, ఈ పాలసీ గొప్ప పెరుగుదలకు దోహదం చేస్తుంది.

రష్యా
రష్యా జనాభా దాదాపు 144 మిలియన్లు, తక్కువ జనన రేట్లు, వృద్ధాప్య జనాభా కారణంగా జనాభాపరమైన సవాళ్లను ఎదుర్కొంటుంది.

మెక్సికో
మెక్సికో దాదాపు 128 మిలియన్ల జనాభాతో మొదటి పదవ స్థానాల్లో నిలిచింది. ఇక్కడ ప్రతి స్త్రీకి 2 పిల్లలు అనే సంతానోత్పత్తి రేటు రాబోయే దశాబ్దాలలో మంచి వృద్ధిని సూచిస్తున్నాయి.

ప్రపంచ జనాభా వేగంగా మారుతోంది, భారతదేశం ఇంకా నైజీరియా వంటి దేశాలు అధిక జననాల రేటు అలాగే యువత జనాభా కారణంగా గొప్ప వృద్ధిని చూస్తున్నాయి. అలాగే చైనా, రష్యా వంటి దేశాలు వృద్ధాప్య జనాభా, తగ్గుతున్న జననాల రేటుకు సంబంధించిన సవాళ్లను ఎదుర్కొంటున్నాయి.