Year Ender 2023: మార్కెట్ క్యాప్ భారీగా పెంచుకున్న టాప్-10 కంపెనీలు ఇవే..!!

Valued Companies: 2023లో భారత స్టాక్ మార్కెట్లలో నెలకొన్న భారీ ర్యాలీ కారణంగా అనేక కంపెనీలు తమ విలువను పెంచుకున్నాయి. ఈ క్రమంలో దిగ్గజ కంపెనీల మార్కెట్ క్యాప్ సైతం ఊహలకందని స్థాయిలో పెరిగింది.

డిసెంబర్ చివరికి వస్తున్న కొద్ది భారీ ర్యాలీ కొనసాగుతుండటంతో.. టాప్-10 అత్యంత విలువైన కంపెనీల్లో తొమ్మిదింటి మార్కెట్ క్యాపిటలైజేషన్ గడచిన వారంలో ఏకంగా రూ.2.26 లక్షల కోట్ల మేర పెరిగి ఇన్వెస్టర్లను ధనవంతులుగా చేశాయి. ప్రస్తుతం ఈక్విటీ మార్కెట్లు మెుత్తంగా బుల్లిష్ ధోరణి ద్వారా నడపబడుతున్న సంగతి తెలిసిందే. వీటిలో టీసీఎస్, ఇన్ఫోసిస్ ప్రధానంగా లాభాలను అందుకున్నాయి.

వారంలో BSE బెంచ్‌మార్క్ 1,658.15 పాయింట్లు పెరిగింది. సెన్సెక్స్ 969.55 పాయింట్లు పెరిగి శుక్రవారం రికార్డు ముగింపు గరిష్ట స్థాయి 71,483.75 వద్ద స్థిరపడింది. ఈ క్రమంలో ఇంట్రాడేలో 71,605.76 వద్ద ఆల్-టైమ్ గరిష్ట స్థాయిని తాకింది. రిలయన్స్ ఇండస్ట్రీస్, టీసీఎస్, ఐసీఐసీఐ బ్యాంక్, ఇన్ఫోసిస్‌తో సహా తొమ్మిది కంపెనీల మార్కెట్ క్యాప్ ఏకంగా రూ.2.26 లక్షల కోట్ల మేర పెరిగాయి. అయితే ఇదే సమయంలో టాప్-10 కంపెనీల్లో ఒకటిగా ఉన్న భారతీ ఎయిర్‌టెల్ మాత్రమే ర్యాలీలో లాభపడటంలో వెనుకబడి ఉంది.

- టీసీఎస్ ప్రస్తుత మార్కెట్ విలువ రూ.14,12,412.13 కోట్లు, పెరిగిన మెుత్తం రూ.85,493.74 కోట్లు
- స్టేట్ బ్యాంక్ ప్రస్తుత మార్కెట్ క్యాప్ రూ.5,78,671.84 కోట్లు, పెరిగిన మెుత్తం రూ.30,700.67 కోట్లు
- ఇన్ఫోసిస్ ప్రస్తుత మార్కెట్ క్యాప్ రూ.6,55,457.54 కోట్లు, పెరిగిన విలువ రూ.36,793.61 కోట్లు
- రిలయన్స్ ఇండస్ట్రీస్ మార్కెట్ విలువ రూ.16,88,173.26 కోట్లు, పెరిగిన మార్కెట్ విలువ రూ.26,386.16 కోట్లు
- ఐసీఐసీఐ బ్యాంక్ మార్కెట్ క్యాప్ రూ.7,27,330.82 కోట్లు, ప్రస్తుతం పెరిగిన విలువ రూ.18,493.9 కోట్లు
- ఎల్ఐసీ ప్రస్తుత మార్కెట్ క్యాప్ రూ.5,03,722.82 కోట్లు, ప్రస్తుతం పెరిగిన విలువ రూ.14,294.5 కోట్లు
- ఐటీసీ మార్కెట్ క్యాప్ రూ.5,71,636.39 కోట్లు, పెరిగిన మార్కెట్ విలువ రూ.11,412.78 కోట్లు
- హెచ్డీఎఫ్సీ బ్యాంక్ మార్కెట్ క్యాప్ రూ.12,57,093.46 కోట్లు, ర్యాలీతో పెరిగిన విలువ రూ.2,428.72 కోట్లు
- హిందుస్థాన్ యూనీలివర్ మార్కెట్ క్యాప్ రూ.5,92,801.88 కోట్లు, పెరిగిన విలువ రూ.387.69 కోట్లు
- భారతీ ఎయిర్‌టెల్ ప్రస్తుత మార్కెట్ విలువ రూ.5,58,242.75 కోట్లు, తగ్గిన మార్కెట్ క్యాప్ రూ.3,654.15 కోట్లు