Multibagger Stock: లక్షను రూ.45 లక్షలు చేసిన స్టాక్.. తక్కువ కాలంలో.. దిమ్మతిరిగే లాభం..

Multibagger Stock: ఇటీవల మార్కెట్లలో ఒడిదొడుకులు కొనసాగుతున్నప్పటికీ.. మల్టీబ్యాగర్ స్టాక్స్ మాత్రం తమ పని తాము చేసుకుపోతున్నాయి. పెట్టుబడిదారులకు ఊహించని లాభాలను అందిస్తూ ముందుకు సాగుతున్నాయి.

ఇప్పుడు మనం మాట్లాడుకోబోతున్నది నాన్ బ్యాంకింగ్ ఫైనాన్స్ కంపెనీ ఆథమ్ ఇన్వెస్ట్‌మెంట్ షేర్ల గురించే. గత మూడేళ్లలో మల్టీబ్యాగర్ స్టాక్ ధర 4,475 శాతానికి పైగా రాబడిని అందించింది. సెప్టెంబర్ 4, 2020న కంపెనీ షేర్ ధర కేవలం రూ.10.23గా ఉంది. గడచిన మూడేళ్లలో మల్టీబ్యాగర్ రాబడులను అందించిన కంపెనీ స్టాక్ ధర ప్రస్తుతం రూ.468.05 వద్ద బీఎస్ఈలో ఉంది.

ఎవరైనా ఇన్వెస్టర్ మూడేళ్ల కిందట కంపెనీ షేర్లలో రూ.లక్ష పెట్టుబడిగా పెట్టి ఇప్పటి వరకు కొనసాగించినట్లయితే దాని విలువ రూ.45.75 లక్షలకు చేరుకుంది. ఈ ఏడాది ఆగస్టు 8న కంపెనీ షేర్ ధర బీఎస్ఈలో సరికొత్త రికార్డు ధర రూ.580ని తాకింది. అలాగే ఫిబ్రవరి 23, 2023న కంపెనీ స్టాక్ ధర 52 వారాల కనిష్ఠ ధర రూ.154.50ని పడిపోయింది. శుక్రవారం మార్కెట్లు ముగిసే సమయంలో కంపెనీ షేర్ ధర రూ.464.05గా ఉంది.

NBFC స్టాక్ ఏడాది కాలంలో 135% పెరిగింది. అలాగే 2023 ప్రారంభం నుంచి 112 శాతం మేర లాభపడింది. ఆరు నెలల కాలాన్ని పరిశీలిస్తే స్టాక్ ధర 114% పెరిగింది. బీఎస్‌ఈలో కంపెనీ మార్కెట్ క్యాప్ రూ.7,949.60 కోట్లుగా ఉంది. జూన్ తో ముగిసిన త్రైమాసికంలో కంపెనీ రూ.62.5 కోట్ల అదాయాన్ని నమోదు చేసింది. అలాగే రూ.32.26 కోట్ల నికర లాభాన్ని నివేదించింది. ఈ కంపెనీ షేర్లు, సెక్యూరిటీల్లో పెట్టుబడి వ్యాపారాన్ని, ఫైనాన్సింగ్ కార్యకలాపాలను నిర్వహిస్తోంది.