ఈ ఛాన్స్ వదులుకోకండి: 9% కంటే ఎక్కువ వడ్డీ ఇస్తున్న బ్యాంకులు ఇవే..

ఈ నెల ఏప్రిల్ 9న రిజర్వ్ బ్యాంక్ ఆఫ్ ఇండియా (RBI) రెపో రేటును 25 బేసిస్ పాయింట్లు (bps) తగ్గించిన సంగతి మీకు తెలిసిందే. అయితే రేపో రేటు తగ్గించినప్పటి నుండి చాల బ్యాంకులు ఫిక్స్‌డ్ డిపాజిట్ల (FDలు) వడ్డీ రేట్లపై కోత విధించాయి. మొదట స్టేట్ బ్యాంక్ ఆఫ్ ఇండియా (SBI), HDFC బ్యాంక్, ICICI బ్యాంక్, పంజాబ్ నేషనల్ బ్యాంక్, ఫెడరల్ బ్యాంక్ సహా ఇలా అన్ని బ్యాంకులు FDలపై వడ్డీని తగ్గించాయి. అయితే కొన్ని బ్యాంకులు ఇప్పటికీ ఫిక్స్‌డ్ డిపాజిట్లపై ఎక్కువ వడ్డీని అందిస్తున్నాయి. ముఖ్యంగా సీనియర్ సిటిజన్లకు FDలు ఒక బెస్ట్ డీల్'గా మిగిలిపోయింది.

చిన్న బ్యాంకుల నుండి పెద్ద ఆఫర్: వడ్డీ రేట్ల తగ్గింపు మధ్య కొన్ని స్మాల్ ఫైనాన్స్ ఇంకా ప్రాంతీయ బ్యాంకులు ఇప్పటికీ FDలపై ఆకర్షణీయమైన వడ్డీ రేట్లను అందిస్తున్నాయి. అయితే ఈ బ్యాంకులు లాంగ్ టర్మ్ డిపాజిట్లను ఆకర్షించాలని చూస్తున్నాయి. అందుకే తక్కువ వడ్డీ రేటు సమయంలో కూడా ఆవరేజ్ కంటే ఎక్కువ వడ్డీని అందిస్తున్నాయి. ముఖ్యంగా సీనియర్ సిటిజన్లకు 9 శాతం కంటే ఎక్కువ వడ్డీని ఇస్తున్నాయి.

మీరు సీనియర్ సిటిజన్ అయితే ఇంకా మీ వడ్డీ రాబడి పెంచుకోవాలనుకుంటే ప్రస్తుతం బెస్ట్ FD రేట్లను అందిస్తున్న కొన్ని బ్యాంకులు లిస్ట్ ఇక్కడ ఉంది:
*AU స్మాల్ ఫైనాన్స్ బ్యాంక్ 18 నెలల కాలానికి 8.25% వడ్డీని అందిస్తున్నాయి.
*ఈక్విటాస్ స్మాల్ ఫైనాన్స్ బ్యాంక్ 888 రోజుల 8.55% వడ్డీని ఇస్తుండగా,
*ESAF స్మాల్ ఫైనాన్స్ బ్యాంక్ 444 రోజుల కాలానికి 8.25% వడ్డీని పొందుతుంది.
*జన స్మాల్ ఫైనాన్స్ బ్యాంక్ 2 నుండి 3 సంవత్సరాల కాలానికి 8.75% వడ్డీని ఇస్తుంది.
*నార్త్ ఈస్ట్ స్మాల్ ఫైనాన్స్ బ్యాంక్ 18 నుండి 36 నెలల కాలానికి 9% వడ్డీని అందిస్తున్నాయి.
*సూర్యోదయ్ స్మాల్ ఫైనాన్స్ బ్యాంక్ 5 సంవత్సరాల కాలానికి 9.1% వడ్డీని అందిస్తుంది.
*ఉజ్జీవన్ స్మాల్ ఫైనాన్స్ బ్యాంక్ 18 నెలల కాలానికి 8.75% వడ్డీని ఇస్తున్నాయి.
*యూనిటీ స్మాల్ ఫైనాన్స్ బ్యాంక్ 1001 రోజుల కాలానికి 9.1% వడ్డీని అందిస్తున్నాయి.
*ఉత్కర్ష్ స్మాల్ ఫైనాన్స్ బ్యాంక్ 2 నుండి 3 సంవత్సరాల కాలానికి 9.1% వడ్డీని ఇస్తుంది.

వడ్డీ రేట్లు ఎందుకు తగ్గాయి: బ్యాంకులు సాధారణంగా ఎక్కువ వడ్డీ రేట్లు ఇవ్వడం ద్వారా ఫిక్స్డ్ డిపాజిట్లను ఆకర్షణీయంగా చేస్తాయి, అందుకే ప్రజలు బ్యాంకుల్లో ఎక్కువ డబ్బును ఉంచుకుంటారు అలాగే బ్యాంకులు కూడా ఆర్థిక కార్యకలాపాలను సజావుగా నిర్వహించుకోగలవు. ఆర్‌బిఐ రెపో రేటును తగ్గించినప్పుడు బ్యాంకులు తక్కువ వడ్డీకే ఆర్బీఐ నుండి నిధులు తీసుకోవచ్చు. కాబట్టి ఆర్‌బిఐ రెపో రేటును తగ్గించినప్పుడు బ్యాంకులు కూడా ఎఫ్‌డిలపై వడ్డీ రేట్లను తగ్గించడం ప్రారంభించాయి.