24 గంటల్లో 50%కి పైగా ఎగిసిపడిన క్రిప్టోలు ఇవే: బిట్ కాయిన్, ఎథేరియం జంప్

క్రిప్టో మార్కెట్ కుప్పకూలుతోంది. ఇటీవల పలు సెషన్లుగా భారీగా నష్టపోయిన వివిధ క్రిప్టో కరెన్సీలు, నేడు కాస్త సానుకూలంగా ఉన్నప్పటికీ, మొత్తానికి భారీ నష్టాల్లోనే ఉన్నాయి. ప్రపంచ అతిపెద్ద క్రిప్టోలు బిట్ కాయిన్, ఎథేరియంలు ఆల్ టైమ్ గరిష్టంతో పోలిస్తే మూడింతలకు పైగా పడిపోయాయి. నేడు కాస్త పుంజుకున్నప్పటికీ అది స్వల్పమే. కానీ గత ఇరవై నాలుగు గంటల్లో కొన్ని క్రిప్టోలు మాత్రం పరుగు పెట్టాయి.

అందులో మొదటిది ఔగర్. ఇది ఏకంగా 60 శాతం ఎగిసిపడింది. గత ఇరవై నాలుగు గంటల్లో భారీగా లాభపడి 9.20 డాలర్ల వద్ద ట్రేడ్ అయింది. ఆ తర్వాత ఆరాగోన్ 51 శాతం లాభపడింది. ఓఎక్స్ 28 శాతం, ఎల్‌రోండ్ 25 శాతం, ట్రోన్ 22 శాతం, ఎన్‌కేఎన్ 20 శాతం, ఏప్ కాయిన్ 20 శాతం, యూనిస్వాప్ 20 శాతం లాభపడ్డాయి. నష్టపోయిన వాటిలో దాదాపు ఏవీ లేవు.

ఇక ప్రపంచ అతిపెద్ద క్రిప్టో బిట్ కాయిన్ నేడు ఆరు శాతం లాభపడి 21,430.90 డాలర్ల వద్ద ట్రేడ్ అయింది. గత ఇరవై నాలుగు గంటల్లో 20,087 డాలర్ల వద్ద కనిష్టాన్ని, 22,950 డాలర్ల వద్ద కనిష్టాన్ని తాకింది. నేడు బిట్ కాయిన్ మార్కెట్ క్యాప్ 408 డాలర్లు పెరిగింది. టాప్ క్రిప్టోల్లో అయితే ఏథేరియం 10 శాతానికి పైగా, సోలానా దాదాపు 18 శాతం లాభపడింది. మీమ్ కాయిన్స్ డోజీకాయిన్ 12.7 శాతం, షిబా ఇను 8.11 శాతం ఎగిసిపడ్డాయి.