Union Budget 2023: నిర్మలమ్మపై సీనియర్ సిటిజన్ల ఆశలు.. రైళ్లలో రాయితీ కోసం ఎదురు చూపు..

ఆర్థిక మంత్రి నిర్మలా సీతారామన్ ఫిబ్రవరి 1, 2023న చివరి సాధారణ బడ్జెట్‌ను సమర్పించనున్నారు. ఈ రానున్న బడ్జెట్‌లో పన్ను చెల్లింపుదారులతో పాటు రైల్వే, ఇతర రంగాలు కూడా ఎన్నో ఆశలు పెట్టుకున్నాయి. గత కొన్నేళ్లుగా ప్రభుత్వం బడ్జెట్‌లో పన్ను చెల్లింపుదారులకు ఊరటనివ్వలేదు. రాబోయే బడ్జెట్ 2023 లో, పన్నుతో పాటు, సీనియర్ సిటిజన్లకు మినహాయింపు లభిస్తుందని ఆశిస్తున్నారు.

సీనియర్ సిటిజన్

రానున్న బడ్జెట్‌లో సీనియర్‌ సిటిజన్‌లకు రైలు ఛార్జీల్లో రాయితీ ఇచ్చే అవకాశం ఉంది. కోవిడ్-19 మహమ్మారి సమయంలో సీనియర్ సిటిజన్లకు రాయితీ ఎత్తేశారు. ఈసారి బడ్జెట్ లో ఆర్థిక మంత్రి నిర్మలా సీతారామన్ రైలు ఛార్జీలలో సీనియర్ సిటిజన్లకు రాయితీని ప్రకటించవచ్చు భావిస్తున్నారు.

రైల్వేలకు భారీ లాభాలు

గత కొన్ని నెలల్లో రైల్వేలు భారీగా ఆదాయాన్ని ఆర్జించాయి. రైల్వేలు సమర్పించిన డేటా ప్రకారం, ఏప్రిల్ 2022 నుంచి డిసెంబర్ 2022 వరకు అంటే 9 నెలల కాలంలో, కేవలం రైలు ఛార్జీల ద్వారా రైల్వే 48,913 కోట్లు ఆర్జించింది. రైల్వేలు సంపాదించిన బలమైన ఆదాయాల కారణంగా, సీనియర్ సిటిజన్లు ఛార్జీలపై రాయితీ ప్రకటించవచ్చని అంచనా వేస్తున్నారు.

రాయితీ

కరోనా కంటే ముందు, రైల్వే ఉద్యోగులు, వృద్ధులకు ఛార్జీలలో మినహాయింపు ఇచ్చారు. కానీ కోవిడ్ కారణంగా అది 2020 ఈ రాయితీని నిలిపివేశారు. అప్పటి నుంచి వృద్ధులకు మినహాయింపు లభించడం లేదు. గతంలో 60 ఏళ్లు పైబడిన వారికి ఛార్జీల్లో 40 శాతం రాయితీ ఇవ్వగా, 58 ఏళ్లు పైబడిన మహిళలకు 50 శాతం రాయితీ ఇచ్చేవారు.