Amazon: ఉద్యోగులకు షాకిచ్చిన అమెజాన్.. 10,000 మందిపై ప్రభావం..

అమెజాన్ ఈ వారంలో ఉద్యోగాలను తగ్గించే ప్రక్రియను ప్రారంభించిందని యుఎస్ మీడియా నివేదికలు బుధవారం తెలిపాయి. " సుదీర్ఘ సమీక్షల తర్వాత, మేము ఇటీవల కొన్ని బృందాలు, ప్రోగ్రామ్‌లను ఏకీకృతం చేయాలని నిర్ణయించుకున్నాము. ఈ నిర్ణయాల కారణంగా కొంత మంది ఉద్యోగులు ఇకపై అవసరం లేదు" అని హార్డ్‌వేర్ చీఫ్ డేవ్ లింప్ బుధవారం కార్మికులకు మెమోలో రాశారు. "పరికరాలు & సేవల సంస్థ నుంచి ప్రతిభావంతులైన అమెజోనియన్‌లను కోల్పోతామని మాకు తెలుసు కాబట్టి ఈ వార్తలను అందించడం నాకు చాలా బాధ కలిగించింది" అని ఆయన తెలిపారు.

ఇప్పటికే నోటిఫై

తొలగించే ఉద్యోగులకు కంపెనీ ఇప్పటికే నోటిఫై చేసిందని లింప్ చెప్పారు. కార్పోరేట్, టెక్నాలజీలో సుమారు 10,000 మంది ఉద్యోగులను తొలగించాలని అమెజాన్ యోచిస్తున్నట్లు న్యూయార్క్ టైమ్స్ ఈ వారం నివేదించింది. కంపెనీ చరిత్రలోనే ఈ కోతలు అతిపెద్దవని నివేదిక పేర్కొంది. ఈ సంఖ్య కంపెనీ ఉద్యోగుల్లో దాదాపు 3 శాతంగా ఉంది. వార్షిక ఆపరేటింగ్ ప్లానింగ్ సమీక్ష ప్రక్రియలో భాగంగా కొంత మంది ఉద్యోగులు ఇకపై అవసరం లేదని అమెజాన్ ప్రతినిధి కెల్లీ నాంటెల్ తెలిపారు.

నిర్ణయాలను తేలికగా తీసుకోలేదు

"మా వార్షిక నిర్వహణ ప్రణాళిక సమీక్ష ప్రక్రియలో భాగంగా, మేము ఎల్లప్పుడూ మా ప్రతి వ్యాపారాన్ని పరిశీలిస్తాము. కొన్ని బృందాలు సర్దుబాట్లు చేస్తున్నాయి. కొన్ని సందర్భాల్లో కొంత మంది ఉద్యోగులు ఇకపై అవసరం లేదని అర్థం. మేము ఈ నిర్ణయాలను తేలికగా తీసుకోలేదు. ప్రభావితమయ్యే ఉద్యోగులకు న్యాయం చేస్తాం" అని నాంటెల్ బుధవారం టెక్ క్రంచ్ నివేదికలో పేర్కొన్నట్లు పేర్కొంది.

పరికరాల సంస్థ, రిటైల్ విభాగం

కోతలు ప్రధానంగా దాని పరికరాల సంస్థ, రిటైల్ విభాగం, మానవ వనరులపై ప్రభావం చూపుతాయట.అమెజాన్‌తో పాటు, యుఎస్ టెక్ దిగ్గజాలు మెటా, ట్విట్టర్ కూడా పెద్ద ఎత్తున తొలగింపులను ప్రకటించాయి.