Bengaluru News: బెంగళూరు వాసులకు గుడ్ న్యూస్.. మడ్గావ్ మంగళూరు వందే భారత్ బెంగళూరు వరకు పొడిగింపు..

రైల్వే శాఖ బెంగళూరు వాసులకు గుడ్ న్యూస్ చెప్పింది. మడ్గావ్ నుంచి మంగళూరుకు నడుస్తున్న వందే భారత్ ఎక్స్ ప్రెస్ ను బెంగళూరు వరకు పొడగించారు. దీంతో ప్రయాణికులు గోవా నుంచి ఇప్పుడు ఈ రైలులో బెంగళూరుకు చేరుకోవచ్చు. మడ్గావ్-మంగళూరు వందే భారత్ ఎక్స్‌ప్రెస్ ఇకపై యశ్వంత్‌పూర్-మంగళూరు-మడ్గావ్ వందే భారత్ ఎక్స్‌ప్రెస్ అనే పేరుతో నడవనుంది. రైలుకు26655, 26656 నంబర్లు కేటాయించారు. వందే భారత్ రైలును బెంగళూరు వరకు పొడగించడంతో రైలు షెడ్యూల్ లో మార్పులు జరిగాయి. ఈ ట్రైన్ ను బెంగళూరు వరకు పొడగించడం వల్ల చాలా మందికి ఉపయోగపడనుంది. బెంగళూరు దేశంలో ఒక ముఖ్యమైన ఐటీ, పారిశ్రామిక కేంద్రంగా ఉంది.

ఇక్కడి గోవా నుంచి విద్యార్థులు, ఉద్యోగులు, పారిశ్రామికవేత్తలు, వ్యాపారవేత్తలు వస్తూ పోతూ ఉంటారు. వందే భారత్ ఎక్స్‌ప్రెస్ పొడిగింపు బెంగళూరు, కర్ణాటకలోని ఇతర ప్రాంతాల నుంచి గోవాకు వెళ్లే పర్యాటకులకు కూడా ఉపయోగకరంగా ఉంటుంది. గోవా పర్యాటక పరిశ్రమకు కర్ణాటక ఒక ముఖ్యమైన దేశీయ పర్యాటక మార్కెట్ గా ఉంది. గోవా ముఖ్యమంత్రి డాక్టర్ ప్రమోద్ సావంత్ ఈ నిర్ణయాన్ని స్వాగతించారు. గోవా, మహారాష్ట్ర, కర్ణాటకల మధ్య రైలు అనుసంధానాన్ని బలోపేతం అవుతుందని అన్నారు. మరో పక్క బెంగళూరు, ముంబై మధ్య వందే భారత్ స్లీపర్ రైలు త్వరలోనే ప్రారంభం కానుంది.

అక్టోబర్ లోనే ఈ రైలును ప్రారంభించే అవకాశం ఉంది. ఇప్పటికే బెంగళూరు, ముంబై మధ్య ట్రయల్ రన్స్ ముగిశాయి. దసరా తర్వాత వందే భారత్ స్లీపర్ రైలు ప్రారంభం అయ్యే అవకాశం ఉన్నట్లు తెలుస్తోంది. ప్రస్తుతం ఈ రెండు నగరాల మధ్య ఉన్న ఏకైక డైరెక్ట్ రైలు ఉద్యాన్ ఎక్స్‌ప్రెస్. ఈ మార్గంలో ప్రయాణించడానికి దాదాపు 24 గంటల సమయం తీసుకుంటుంది. వందే భారత్ స్లీపర్ ఈ ప్రయాణాన్ని 16 గంటలలోపే పూర్తి చేస్తుందని అంచనా. దీనివల్ల బెంగళూరు, ముంబై మధ్య ప్రతి ప్రయాణ సమయం దాదదాపు 8 గంటలు తగ్గుతుంది. దీంతో ఇది ప్రస్తుతం ఈ కారిడార్‌లో అత్యంత వేగవంతమైన డైరెక్ట్ రైలుగా నిలుస్తుంది.

ఈ రైలు రెండు దిశలలోనూ వారానికి ఆరు రోజులు నడిచే అవకాశం ఉంది. సోమవారాల్లో బెంగళూరు వెళ్లే సర్వీసు నడవదని సమాచారం. మంగళవారాల్లో ముంబై వెళ్లే సర్వీసు నడవదు. తుది టైమ్‌టేబుల్‌ను భారతీయ రైల్వే ఇంకా అధికారికంగా ధృవీకరించలేదు. ఈ రైలు SMVT బెంగళూరు నుండి రాత్రి 10 గంటలకు బయలుదేరి, మరుసటి రోజు మధ్యాహ్నం 1:50 గంటలకు ముంబై CSMT చేరుకుంటుంది. ముంబై CSMT నుండి రాత్రి 10:30 గంటలకు బయలుదేరి, మరుసటి రోజు మధ్యాహ్నం 2:50 గంటలకు బెంగళూరు చేరుకుంటుంది. ఈ రైలు హుబ్బళ్లి గుండా వెళ్లదు. అనంతపురం, గుంతకల్, రాయచూర్, కలబురగి, సోలాపూర్ మరియు కళ్యాణ్‌లలో ఆగే అవకాశం ఉంది. ఇవి తుది గమ్యస్థానానికి చేరడానికి ముందు కర్ణాటక, తెలంగాణ సరిహద్దు ప్రాంతం, మహారాష్ట్రలోని కీలక పట్టణాలను కవర్ చేస్తాయి.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.