SBI ATM: ఎస్బీఐ ఖాతాదారులకు అలర్ట్.. అక్టోబర్ 1 నుంచి ఏటీఎం ఛార్జీల సవరణ..!

అక్టోబర్ నుంచి అనేక మార్పులు వచ్చే అవకాశం ఉంది . బ్యాంకింగ్, రుణాలు, పొదుపు, పన్నులు గృహ ఖర్చులపై ప్రభావం చూపే అనేక మార్పులు రానున్నాయి. సవరించిన SBI ATM లావాదేవీ పరిమితుల నుంచి అధిక విలువ కలిగిన వ్యాపార లావాదేవీల కోసం కొత్త UPI MDR విధానం వరకు, వినియోగదారులు ఈ నెలలో అమల్లోకి వచ్చే అనేక మార్పుల గురించి తెలుసుకోవాల్సి ఉంటుంది. స్టేట్ బ్యాంక్ ఆఫ్ ఇండియా ఏటీఎం ఛార్జీలకు సంబంధించి కీలక మార్పులు చేసింది. ఇతర బ్యాంకుల ATMలు మరియు ఆటోమేటెడ్ డిపాజిట్-కమ్-విత్‌డ్రాయల్ మెషీన్‌ల (ADWMలు)లో తమ SBI డెబిట్ కార్డులను ఉపయోగించే శాలరీ ప్యాకేజీ ఖాతాదారులకు అందుబాటులో ఉన్న ఉచిత నెలవారీ లావాదేవీల సంఖ్యను SBI సవరించింది.

సవరించిన నిబంధనలు 2026 అక్టోబర్ 1 నుంచి అమలులోకి వస్తాయి. అన్ని SBI శాలరీ ప్యాకేజీ ఖాతా వేరియంట్‌లలో అన్ని కేంద్రాలలో ఇతర బ్యాంకుల ATMలలో ఉచిత లావాదేవీల సంఖ్యను నెలకు 10 నుంచి ఐదుకు తగ్గించనున్నారు. ఈ పరిమితిలో ఆర్థిక, ఆర్థికేతర లావాదేవీలు రెండూ ఉంటాయి. బేసిక్ సేవింగ్స్ బ్యాంక్ డిపాజిట్ (BSBD) ఖాతాల కోసం నెలకు నాలుగు నగదు ఉపసంహరణలు ఉచితంగా కొనసాగుతాయి. ఆ తర్వాత ప్రతి లావాదేవీకి రూ. 15 ప్లస్ GST ఛార్జీ విధించనున్నారు. అక్టోబర్ లోనే అక్టోబర్ ఆర్బీఐ ద్రవ్య విధాన సమీక్ష ఉండనుంది. RBI ద్రవ్య విధాన కమిటీ (MPC) సమావేశం అక్టోబర్ 5 నుంచి అక్టోబర్ 7, 2026 వరకు జరగనుంది.

అక్టోబర్ 1 నుంచి గృహ వినియోగ LPG వినియోగదారులు వర్తించే సబ్సిడీతో కూడిన నియంత్రిత రిటైల్ అమ్మకపు ధర (RSP) వద్ద రీఫిల్స్‌ను బుక్ చేసుకోవడానికి బయోమెట్రిక్ ఆధార్ ధృవీకరణను పూర్తి చేయాల్సి ఉంటుంది. ధృవీకరణను పూర్తి చేయడంలో విఫలమైనంత మాత్రాన ఆ కుటుంబానికి LPG సరఫరా నిలిచిపోదు. ప్రక్రియను పూర్తి చేయని వినియోగదారులు కూడా, ఆయిల్ మార్కెటింగ్ కంపెనీలు (OMCలు) నిర్దేశించిన షరతులకు లోబడి, వర్తించే మార్కెట్ ధరకే (సబ్సిడీ లేకుండా) LPGని పొందగలరు. అక్టోబర్-డిసెంబర్ త్రైమాసికానికి చిన్న పొదుపు పథకాల వడ్డీ రేట్లను సమీక్షించనున్నారు.

అక్టోబర్ 1 నుంచి కొత్త పీఓపీ ఫీజు విధానం. పెన్షన్ ఫండ్ రెగ్యులేటరీ అండ్ డెవలప్‌మెంట్ అథారిటీ (పీఎఫ్‌ఆర్‌డీఏ), నేషనల్ పెన్షన్ సిస్టమ్ (ఎన్‌పిఎస్), ఎన్‌పిఎస్ లైట్ కింద చందాదారుల నుంచి పాయింట్స్ ఆఫ్ ప్రెజెన్స్ (పీఓపీలు) వసూలు చేయగల ఛార్జీలను సవరించింది. ఈ సవరించిన ఛార్జీలు అక్టోబర్ 1, 2026 నుంచి వర్తిస్తాయి. ఈ కొత్త విధానం ప్రకారం పీఓపీ ద్వారా నమోదు చేసుకునే చందాదారుడు ప్రతి పర్మనెంట్ రిటైర్మెంట్ అకౌంట్ నంబర్ (PRAN) కోసం ఒకేసారి రూ. 200 ఆన్‌బోర్డింగ్ ఛార్జీని చెల్లించాల్సి ఉంటుంది. అక్టోబర్ 1 నుంచి బల్క్ డిపాజిట్ వడ్డీ రేటు నిబంధనలు మారనున్నాయి.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.