Edible Oil: సామాన్యులకు శుభవార్త.. తగ్గిన వంట నూనెల ధరలు..

గత మార్చి, ఏప్రిల్, మే నెలల్లో భారీగా పెరిగిన వంట నూనెల ధరలు భారీగా పెరిగాయి. మార్చిలో ఉక్రెయిన్‌పై రష్యా దా డుల కారణంగా మన దేశానికి ఉక్రెయిన్‌ నుంచి దిగుమతులు తగ్గిపోయాయి. దీంతో ఎడిబుల్ ఆయిల ధరలు పెరిగి సామాన్య జనంపై భారం పడింది. పామాయిల్, సన్‌ఫ్లవర్ నూనె ధరలుఎక్కువగా పెరిగాయి. పెరిగిన ధరలను అదుపులోకి తెచ్చేందుకు కేంద్ర ప్రభుత్వం చర్యలు చేపట్టింది.

పెరిగిన సరఫరా
దిగుమతులపై పన్నులు తగ్గించింది. అలాగే ప్రపంచ మార్కెట్‌లో ఎడిబుల్ ఆయిల్ సరఫరా పెరిగింది. ఇండోనేషియా, మలేషియాలో పామాయిల్ నూనె గింజల ఉత్పత్తి మరింత పెరుగుతుండడంతో క్రమంగా ధరలు తగ్గుతూ వస్తున్నాయి. గతంలో సన్‌ఫ్లవర్‌ నూనె లీటర్‌కు రూ.210గా ఉండగా, ఇప్పుడు రూ.150కి తగ్గింది. పల్లి నూనె లీటర్‌కు రూ.220 నుంచి రూ.165కి చేరింది.

పామాయిల్‌ ధర లీటర్‌కు రూ.150 నుంచి రూ.95కు తగ్గిందని వ్యాపారులు చెబుతున్నారు. ప్రస్తుతం నూనె ధరలు రూ.55 నుంచి రూ.60 వరకు తగ్గడంతో ప్రజలకు ఉపశమనం లభించింది. దసరా, దీపావళి పండుగకు ముందు వంట నూనె తగ్గడంపై సామాన్యులు హర్షం వ్యక్తం చేస్తున్నారు.