Retail Inflation: జులైలో తగ్గిన రిటైల్ ద్రవ్యోల్బణం..

జులైలో రిటైల్ ద్రవ్యోల్బణం తగ్గినట్లు గణంకాలు చెబుతున్నాయి. ఇందుకు సంబంధించి కార్మిక, ఉపాధి మంత్రిత్వ శాఖ గురువారం నివేదిక విడుదల చేసింది. జులైలో వ్యవసాయ కార్మికులు, గ్రామీణ కూలీలు రిటైల్ ద్రవ్యోల్బణం తగ్గినట్లు మంత్రిత్వ శాఖ పేర్కొంది. జూన్ తో పోలిస్తే, వ్యవసాయ కార్మికుల రిటైల్ ద్రవ్యోల్బణం జులై నెలలో 7.02 శాతం నుంచి 6.17 శాతానికి తగ్గింది. అదేవిధంగా గ్రామీణ కార్మికుల ద్రవ్యోల్బణం 7.04 శాతం నుంచి 6.20 శాతానికి తగ్గింది.

జూన్ లో వ్యవసాయ కార్మికులు, గ్రామీణ కార్మికుల రిటైల్ ద్రవ్యోల్బణం రేటు 7 శాతం కంటే ఎక్కువగా ఉంది. ఒక సంవత్సరం క్రితం అంటే జులై 2023లో వ్యవసాయ కార్మికుల రిటైల్ ద్రవ్యోల్బణం రేటు 7.43 శాతం, గ్రామీణ కార్మికులకు 7.26 శాతంగా ఉంది. అయితే ఆహార ద్రవ్యోల్బణం ఇప్పటికీ ఆందోళన కలిగిస్తోంది. డేటా ప్రకారం జులై నెలలో ఆహార తగ్గినప్పటికీ 5 శాతం కంటే ఎక్కువగా ఉంది. జులైలో ఆహార ద్రవ్యోల్బణం 5.42 శాతంగా ఉంది.

జులైలో మొత్తం రిటైల్ ద్రవ్యోల్బణం 59 నెలల కనిష్ట స్థాయి 3.54 శాతానికి చేరుకుంది. జూన్‌లో ఆహార ద్రవ్యోల్బణం 9.36 శాతంగా ఉంది. అంతకు ముందు ఆహార పదార్థాల ద్రవ్యోల్బణం మే నెలలో 8.69 శాతంగా ఉండగా, ఏప్రిల్‌లో 8.70 శాతంగా ఉంది. వ్యవసాయ కార్మికులు, గ్రామీణ కూలీలకు ద్రవ్యోల్బణం పెరగడానికి ఆహార ద్రవ్యోల్బణం అత్యంత కారణమని చెబుతున్నారు.