IMF: భారత్ జీడీపీ అంచనాను పెంచిన ఐఎంఎఫ్..

అంతర్జాతీయ ద్రవ్య నిధి సంస్థ భారతదేశ ఆర్థికాభివృద్ధి వృద్ధి అంచనాను పెంచింది. ప్రస్తుత ఆర్థిక సంవత్సరం 2024-25లో 20 బేసిస్ పాయింట్ల పెరుగుదలతో భారతదేశ జీడీపీ 7 శాతానికి పెరుగుతుందని IMF అంచనా వేసింది. 2024 ఏప్రిల్‌లో ఐఎంఎఫ్ జీడీపీ 6.8 శాతంగా అంచనా వేసింది. అంతర్జాతీయ ద్రవ్య నిధి 16 జూలై 2024న వరల్డ్ ఎకనామిక్ ఔట్‌లుక్ గ్రోత్ అంచనాలను విడుదల చేసింది.

ప్రస్తుత ఆర్థిక సంవత్సరంలో భారత ఆర్థిక వృద్ధి అంచనా 6.8 శాతం నుంచి 7 శాతానికి పెరిగిందని ఐఎంఎఫ్ తెలిపింది. గ్రామీణ ప్రాంతాల్లో ప్రైవేట్ వినియోగం పెరగడం వల్ల భారతదేశ ఆర్థిక వృద్ధి వేగవంతమవుతుందని ఐఎంఎఫ్ పేర్కొంది. 2025-26 ఆర్థిక సంవత్సరంలో ఆర్థిక వృద్ధి రేటు 6.5 శాతంగా అంచనా వేసింది. 2023-24 ఆర్థిక సంవత్సరంలో భారతదేశ జీడీపీ 8.2 శాతంగా ఉంది.

ప్రస్తుత ఆర్థిక సంవత్సరంలో ఆర్థిక వృద్ధి రేటు 7.2 శాతంగా ఉంటుందని ఐఎంఎఫ్ అంచనా వేసింది. జూన్‌లో ఆర్‌బీఐ తన అంచనాను 7 శాతం నుంచి 7.2 శాతానికి పెంచింది. అయితే ఐఎంఎఫ్ కంటే ఆర్బీఐ అంచనా ఎక్కువ గా ఉంది. రిజర్వ్ బ్యాంక్ ఆఫ్ ఇండియా ప్రకారం.. 2024-25లో భారతదేశ జీడీపీ 7.2 శాతంగా అంచనా వేసింది. భారతదేశం ఏటా 8 శాతం వృద్ధిరేటును సాధించే బాటలో ఉందని, ఇది చాలా కాలం పాటు కొనసాగుతుందని గత నెలలోనే ఆర్‌బీఐ గవర్నర్‌ చెప్పిన సంగతి తెలిసిందే.

గత మూడు ఆర్థిక సంవత్సరాల్లో భారతదేశ ఆర్థిక వృద్ధి రేటు నిరంతరంగా 7 శాతం కంటే ఎక్కువగా ఉంది. ఐఎంఎఫ్ తన వృద్ధి అంచనాలో ప్రపంచ ఆర్థిక వ్యవస్థ 2024లో 3.2 శాతం వృద్ధిని చూపుతుందని పేర్కొంది. ఇది 2023లో 3.3 శాతం కంటే తక్కువగా ఉంటుందని పేర్కొంది. అమెరికా జీడీపీ 2024లో 2.6 శాతంగా అంచనా వేశారు. ఇది 2023లో 2.5 శాతం కంటే ఎక్కువ.