Tesla: ఏపీలో టెస్లా ప్లాంట్ కు ఛాన్స్.. ఆహ్వానం పలికిన ప్రభుత్వం..!

అమెరికాకు చెందిన ఎలక్ట్రిక్ వాహనాల తయారీ సంస్థం టెస్లా ఇండియాలో పరిశ్రమ ఏర్పాటు చేసే అవకాశం ఉంది. ఈ నేపథ్యంలో ఆంధ్రప్రదేశ్‌లో టెస్లా తయారీ కర్మాగారాన్ని ఏర్పాటు చేయాలని రాష్ట్ర ప్రభుత్వం ఆహ్వానించింది. టెస్లా కంపెనీకి ఇప్పటికే రెండు మెయిల్స్ పంపినట్లు, ప్లాంట్ ఏర్పాటు చేసుకోవడానికి తగిన స్థలాన్ని పరిశీలించేందుకు బృందాన్ని ఆహ్వానిస్తున్నట్లు తెలిసింది.టెస్లా వ్యవస్థాపకుడు ఎలోన్ మస్క్ ఏప్రిల్ 22న ప్రధాని నరేంద్ర మోడీని కలవనున్నందున, రాష్ట్ర ప్రభుత్వం ఈ ప్రతిష్టాత్మక ప్రాజెక్ట్‌ను చేజిక్కించుకోవడానికి తన ప్రయత్నాలను వేగవంతం చేసింది.

రాష్ట్రం టెస్లాకు వివిధ జిల్లాల్లో తగినంత ల్యాండ్ బ్యాంకులను కలిగి ఉందని తెలియజేసింది. టెస్లా ప్రైవేట్ భూమిని కొనుగోలు చేయాలని ఎంచుకుంటే ప్రభుత్వం కూడా సహాయం అందించనున్నట్లు ప్రకటించింది. " టెస్లా బృందాన్ని రాష్ట్రాన్ని సందర్శించాలని కోరాం. వారి యూనిట్‌ను గుర్తించడానికి అవసరమైన సైట్‌లను చూడమని ఆహ్వానించాము. వారి స్పందన కోసం ఎదురు చూస్తున్నాం. అన్ని జిల్లాల్లో ల్యాండ్‌బ్యాంకులు ఉన్నందున వారు తమ ప్లాంట్‌ను నెలకొల్పేందుకు కావాల్సిన చోట భూమిని అందిస్తున్నామన్నారు. అయితే, చెన్నై, బెంగళూరు, కృష్ణపట్నం ఓడరేవులకు సమీపంలో ఉన్నందున, మేము అనంతపురం జిల్లాలో కియా ప్లాంట్‌లో భూములను ప్రతిపాదించాము.
ఇది బెంగళూరుకు దగ్గరగా ఉంటుంది, చెన్నై, కృష్ణపట్నం పోర్టుకు దగ్గరగా ఉండాలనుకుంటే నాయుడుపేట, శ్రీ సిటీ సమీపంలో " అని ఒక సీనియర్ అధికారి చెప్పారు.

టెస్లా నుంచి ఒక బృందం రాష్ట్రానికి వచ్చి వారి అవసరాలకు తగిన ప్రదేశాన్ని ఎంచుకుంటే, ప్రైవేట్ పార్టీల నుంచి భూమిని కొనుగోలు చేసినప్పటికీ వారికి అందించడానికి ప్రభుత్వం సిద్ధంగా ఉందని అధికారి వివరించారు. సార్వత్రిక ఎన్నికల తర్వాత టెస్లా టీమ్‌లు ఏపీకి వస్తాయన్నారు
టెస్లా ప్లాంట్ నిర్మాణానికి 2,500 ఎకరాలకు పైగా భూమి అవసరమని అంచనా వేస్తున్నారు. అయితే మస్క్ ప్రధానిని కలుస్తున్నప్పటికీ, మోడల్ కోడ్ ఆఫ్ కండక్ట్ (MCC) కారణంగా టెస్లా తయారీ ప్లాంట్ కు సంబంధించిన చర్చల ఫలితం బయటకు రాకపోవచ్చని అధికారి అభిప్రాయపడ్డారు.

దీని ప్రకారం, ఎన్నికలు పూర్తయ్యే వరకు ప్లాంట్ స్థానాల కోసం టెస్లా నుంచి బృందాల సందర్శనలు ఉండకపోవచ్చని భావిస్తున్నారు.వాస్తవానికి 2021, 2022లో ఏపీ ప్రభుత్వం టెస్లా వ్యవస్థాపకుడిని రాష్ట్రంలో తన వ్యాపారాన్ని స్థాపించమని ఆహ్వానించింది. ఇప్పుడు మరోసారి మస్క్ భారతదేశ పర్యటన గురించి తెలుసుకున్న తర్వాత ప్రతిష్టాత్మక ప్రాజెక్ట్‌ను పొందడానికి ప్రయత్నాలు ముమ్మరం చేసింది ఏపీ ప్రభుత్వం.టెస్లా ప్లాంట్‌ను చేజెక్కించుకునేందుకు ఆంధ్రప్రదేశ్‌తో పాటు మహారాష్ట్ర, గుజరాత్, తెలంగాణ రాష్ట్ర ప్రభుత్వాలు పోటీపడుతున్న సంగతి తెలిసిందే.