Bro Movie Collections: అంచనాలను మించిన బ్రో మూవీ కలెక్షన్స్..

పవర్ స్టార్ పవన్ కళ్యాణ్, సాయి ధరమ్ తేజ్ నటించిన BRO జులై 28న ప్రపంచవ్యాప్తంగా ప్రేక్షకుల ముందుకు వచ్చింది. ఈ చిత్రం ప్రపంచవ్యాప్తంగా విడుదలైంది. విడుదల రోజున, BRO చిత్రం భారతదేశంలోని అన్ని రాష్ట్రాల నుంచి సుమారు రూ. 20 కోట్లు వసూలు చేస్తుందని అంచనా వేస్తున్నారు. చిత్రం కోసం ఆక్యుపెన్సీ రేషియో 73.92 శాతంగా నమోదయింది.

అయితే, సినిమా ఓపెనింగ్స్ అంచనాలను మించాయి. బాక్సాఫీస్ వద్ద భారతదేశం నలుమూలల నుంచి దాదాపు 30 కోట్ల రూపాయలను వసూలు చేసింది. బ్రో చిత్రం నైజాం ఏరియాలోనే 14 కోట్లు రాబట్టింది. ఈస్ట్, వెస్ట్ లో ఐదు కోట్లు, ఉత్తర ఆంధ్ర, గుంటూరు రెండున్నర కోట్ల చొప్పున వసూలు చేసింది. వర్షాల వల్ల కలెక్షన్లు తగ్గుతాయని భావించారు. కానీ ప్రేక్షకులు వర్షంలోనూ వచ్చి సినిమా చూశారు. అయితే ఇదంతా పవన్ కల్యాణ్ క్రేజ్ వల్ల వచ్చిందని పవన్ ఫ్యాన్స్ చెబుతున్నారు.

తమిళ మూవీ సిత్తం ఆధారంగా బ్రో సినిమాను తెరకెక్కించారు. మెగా హీరోలు పవన్ కల్యాణ్, సాయిధరమ్ తేజ్ నటించిన ఈ సినిమాలో బ్రహ్మానందం, కేతిక శర్మ, ప్రియా ప్రకాష్ వారియర్, సుబ్బరాజు, అభిమన్యు సింగ్, ముకుల్ దేవ్, అశుతోష్ రాణా, వెన్నెల కిషోర్, అలీ రెజా, తదితరులు నటించారు. రోహిణి, తనికెళ్ల భరణి, సమీర్‌హాసన్‌, రాజా రవీంద్ర తదితరులు కీలక పాత్రలు పోషించారు.

బాలీవుడ్ నటి ఊర్వశి రౌతేలా 'మై డియర్ మార్కండేయ'లో సిత్ర మంజరిగా డ్యాన్స్‌లో అలరించింది. ఈ చిత్రానికి రచయిత-దర్శకుడు త్రివిక్రమ్ శ్రీనివాస్ స్క్రీన్ ప్లే, డైలాగ్స్ రాశారు. ZEE స్టూడియోస్‌తో కలిసి పీపుల్ మీడియా ఫ్యాక్టరీ కింద టిజి విశ్వ ప్రసాద్, వివేక్ కూచిబొట్ల ఈ చిత్రాన్నినిర్మించారు.