Click it and Unblock the Notifications
దేశంలోని మూడు ప్రధాన టెలికామ్ కంపెనీలు టారిఫ్ ప్లాన్లను భారీగా పెంచాయి. దీంతో సామాన్యులపై భారం పడనుంది. ఈ నేపథ్యంలో టారిఫ్ ల పెంపుపై కేంద్ర ప్రభుత్వం జోక్యం చేసుకోవచ్చని ఊహాగానాలు వచ్చాయి. అయితే ఇందులో ప్రభుత్వం జోక్యం చేసుకునే ప్రసక్తే లేదని ఇప్పుడు తేలిపోయింది. టారిఫ్ల పెంపు విషయంలో జోక్యం చేసుకునేందుకు కేంద్ర ప్రభుత్వం లేదా టెలికాం నియంత్రణ సంస్థ TRAI సిద్ధంగా లేవని ప్రభుత్వ అధికారులను ఉటంకిస్తూ ET నివేదిక పేర్కొంది.
చాలా దేశాల కంటే భారత్లో మొబైల్ టారిఫ్ లు ఇప్పటికీ తక్కువగానే ఉన్నాయని అధికారులు భావిస్తున్నారు. టెలికాం కంపెనీలు సేవల నాణ్యతను మెరుగుపరుచుకోవాలన్నదే అధికారులు ఉద్ఘాటించారు. ఈ వారం నుంచి మూడు ప్రధాన టెలికాం కంపెనీలు రిలయన్స్ జియో, భారతీ ఎయిర్టెల్, వొడాఫోన్ ఐడియా ప్లాన్లు ఖరీదైనవిగా మారాయి. కంపెనీలు మొబైల్ టారిఫ్లను 11 నుంచి 25 శాతం పెంచాయి.
ముందుగా రిలయన్స్ జియో టారిఫ్ను పెంచుతున్నట్లు ప్రకటించింది. ఆ తర్వాత భారతీ ఎయిర్టెల్, వొడాఫోన్ ఐడియా కూడా టారిఫ్ను పెంచుతున్నట్లు ప్రకటించాయి. టెలికాం కంపెనీలు టారిఫ్లు పెంచిన తర్వాత వినియోగదారుల జేబులకు చెల్లు పడే అవకాశం ఉంది. టారిఫ్ల పెంపుతో పట్టణ, గ్రామీణ వినియోగదారుల వ్యయం పెరుగుతుందని విశ్లేషకులు భావిస్తున్నారు. పట్టణ వినియోగదారుల విషయానికొస్తే, టెలికాం సేవలపై ప్రజల వ్యయం గత ఆర్థిక సంవత్సరంలో వారి మొత్తం వ్యయంలో 2.7 శాతానికి సమానం.
ఇది ప్రస్తుత ఆర్థిక సంవత్సరంలో 2.8 శాతానికి పెరగవచ్చు. అదే సమయంలో గ్రామీణ వినియోగదారుల మొత్తం వ్యయంలో టెలికాం సేవలపై చేసే వ్యయం వాటా 4.5 శాతం నుంచి 4.7 శాతానికి పెరగవచ్చు. వినియోగదారులపై అదనపు ఒత్తిడి కారణంగా, మొబైల్ కంపెనీలపై ప్రభుత్వం కొన్ని ఆంక్షలు విధిస్తుందని భావించారు. అయితే, ఇప్పుడు ఆ ఆశకు తెరపడింది. భారతదేశ టెలికాం రంగంలో ఇప్పటికీ విస్తారమైన పోటీ ఉంది.
Sign in with Google