Click it and Unblock the Notifications
ఎలక్ట్రిక్ కార్ల దిగ్గజం టెస్లా ఇంక్ చైనాలో 285,000 కార్లని రీకాల్ చేయనుంది. క్రూజ్ కంట్రోల్ వ్యవస్థలో సమస్యలు తలెత్తన ఫిర్యాదులు రావడంతో ఈ నిర్ణయం తీసుకుంది ఈ ఎలక్ట్రిక్ కార్ దిగ్గజం. ఈ వ్యవస్థ ఆటోమేటిక్‌గా ఆన్ అవుతుంది. దీంతో వాహనాల వేగం ఒక్కసారిగా పెరుగుతోంది. ఇది భద్రతాపరమైన సమస్యగా మారిందని చైనా అధికారులు తెలిపారు. దీంతో కొన్ని కార్లలో భద్రతాపర సమస్యలు ఉన్నాయని చెప్పిన టెస్లా, వీటిని రీకాల్ చేయనున్నట్లు తెలిపింది.
ఈ సమస్య 3 రకాల కార్లలో ఉన్నట్లు గుర్తించారు. డిసెంబర్ 2019 నుండి జూన్ 2021 వరకు విక్రయించిన కార్లను రీకాల్ చేస్తున్నారు. వీటిల్లో మోడల్ మూడు కార్లు 2,11,256, మోడల్ వై కార్లు 38,599, మోడల్ 3ఎస్ కార్లు 35,665 వరకు ఉన్నట్లుగా తెలుస్తోంది. టెస్లా ఆ వాహనాల్లో క్రూజ్ కంట్రోల్ సాఫ్టువేర్‌ను రిమోట్ మాధ్యమలో అప్‌డేట్ చేయనుంది. దీంతో ఓనర్లు ఆయా కార్లను కంపెనీ స్టోర్లకు తీసుకెళ్లే పని తప్పుతుంది.
ఈ అంశంపై చైనా నియంత్రణ సంస్థలు స్పందించాయి. టెస్లా క్రూజ్ కంట్రోల్‌ను అప్ గ్రేడ్ చేయాలని భావిస్తున్నట్లు పేర్కొన్నాయి. ఈ సమస్య వల్ల నిదానంగా వెళ్లే వాహనాలు ఒక్కసారిగా వేగం పుంజుకుంటున్నాయని, కొన్ని సందర్భాల్లో ప్రమాదాలు జరుగుతున్నట్లు తెలిపింది.
Sign in with Google