టెస్లా కార్లు వచ్చేస్తున్నాయి.. ఇండియాలో ట్యాక్స్ కలిపి దీని ధర ఎంతంటే..?

స్పెస్ ఎక్స్ అధినేత ఎలోన్ మస్క్ యాజమాన్యంలోని టెస్లా త్వరలో భారతదేశంలో ఎలక్ట్రిక్ కార్లను అమ్మకాలు ప్రారంభించనుంది. ఎలోన్ మస్క్ యాజమాన్యంలోని యునైటెడ్ స్టేట్స్‌లో హెడ్ ఆఫీస్ ఉన్న టెస్లా అనే కంపెనీ ఈ ఎలక్ట్రిక్ కార్లను తయారు చేసి విక్రయిస్తుంది. ఈ కంపెనీ చాలా కాలంగా భారత మార్కెట్లోకి రావాలని ఆసక్తి చూపుతోంది. కానీ అధిక పన్నుల కారణంగా టెస్లా భారతదేశంలోకి ప్రవేశించలేకపోయింది. అయితే తాజాగా కేంద్ర ప్రభుత్వం ఎలక్ట్రిక్ వాహన విధానాన్ని మార్చింది దింతో టెస్లా కార్లను భారత మార్కెట్లో అమ్మకాలు ప్రారంభించడానికి వీలుగా దిగుమతి సుంకాలను తగ్గించింది. దీంతో టెస్లా భారతదేశంలో అమ్మకాలు ప్రారంభించడానికి సిద్ధమవుతోంది. ఈ కంపెనీ ఎలక్ట్రిక్ వాహనాలను విక్రయించడానికి భారతదేశంలో షోరూమ్స్ ఏర్పాటు చేయాలని యోచిస్తోంది. ఈ విషయంలో ఉద్యోగాలు కోరుతూ ప్రకటనలను కూడా చేసింది.

ప్రధానమంత్రి నరేంద్ర మోడీ ఇటీవల అమెరికా పర్యటన సందర్భంగా టెస్లా సీఈఓ ఎలాన్ మస్క్‌తో సమావేశమయ్యారు. ఈ సమావేశం తర్వాత, భారతదేశంలో టెస్లా కార్లను మార్కెట్‌లోకి తీసుకురావడానికి పనులు ముమ్మరం అయ్యాయి. దింతో భారతదేశంలో ఇప్పటికే ఎలక్ట్రిక్ కార్లను విక్రయిస్తున్న కంపెనీలలో ఆందోళన కలిగించింది. మరోవైపు భారతదేశంలో టెస్లా కార్లు ఎంతకు అమ్ముడవుతాయనే దాని గురించి కూడా సమాచారం విడుదలైంది. CLSA విడుదల చేసిన సమాచారం ప్రకారం, టెస్లా మోడల్ 3 కార్లు భారతదేశంలో 35 లక్షల నుండి 40 లక్షల రూపాయల ధరకు అమ్ముడవుతాయి. ప్రస్తుతం, మోడల్ 3 యునైటెడ్ స్టేట్స్‌లో అత్యంత ఖరీదైన టెస్లా కారు. అమెరికాలో దీని ధర $35,000 అంటే భారత రూపాయలలో 30.4 లక్షల రూపాయలు.

టెస్లా మోడల్ 3 కార్లను కారు ధరతో పాటు బీమా, రోడ్డు పన్నుతో సహా 35 లక్షల నుంచి 40 లక్షల రూపాయల మధ్య విక్రయించనున్నట్లు చెబుతున్నారు. భారతదేశంలో ఇప్పటికే అమ్ముడైన కార్ల కంటే టెస్లా కార్లు ఖరీదైనవి కాబట్టి అవి వెంటనే ప్రాచుర్యం పొందవు. ప్రభుత్వ ఎలక్ట్రిక్ వాహన విధానం ప్రకారం, టెస్లా భారతదేశంలో కార్ల తయారీ కర్మాగారాన్ని ఏర్పాటు చేస్తే, దాని ఉత్పత్తి వ్యయం తగ్గుతుంది అలాగే దిగుమతి సుంకం ఉండదు, కాబట్టి భారత మార్కెట్ ప్రకారం కారు ధరలను తగ్గించవచ్చు. కానీ దానికి మరికొన్ని సంవత్సరాలు పట్టవచ్చు. ప్రస్తుతానికి, టెస్లా భారతదేశంలో విక్రయించడానికి మాత్రమే కార్లను దిగుమతి చేసుకుంటుంది. మొదట ఢిల్లీ అండ్ ముంబైలో షోరూమ్స్ ప్రారంభించాలని అడుగులు వేస్తుంది.