Airtel Q2 Results: అంచనాలు మిస్ అయిన ఎయిర్‌టెల్.. 37 శాతం తగ్గిన లాభం..

Airtel Q2 Results: టెలికాం రంగంలోని దిగ్గజ కంపెనీ భారతీ ఎయిర్ టెల్ నేడు తన రెండవ త్రైమాసిక ఫలితాలను ప్రకటించింది. ఈ క్రమంలో కంపెనీ ఫలితాలు మార్కెట్ అంచనాలను అందుకోలేకపోయాయి.

టెలికాం మేజర్ ఎయిర్‌టెల్ 2023-24 ఆర్థిక సంవత్సరం సెప్టెంబర్ త్రైమాసికంలో రూ.1,341 కోట్ల నికర లాభాన్ని నమోదు చేసింది. గత ఏడాది ఇదే కాలంలో కంపెనీ నమోదు చేసిన రూ.2,145.2 కోట్ల కంటే 37.7 శాతం తక్కువ. క్యూ2లో ఎయిర్‌టెల్ వినియోగదారుల నుంచి సగటు ఆదాయం రూ.203గా నమోదైంది. ఇది మునుపటి ఆర్థిక సంవత్సరం ఇదే కాలంలో రూ.190గా ఉంది.

సెప్టెంబరు 2023 త్రైమాసికంలో కంపెనీ రూ.34,527 కోట్ల ఆదాయాన్ని ఆర్జించింది. ఇది క్రితం సంవత్సరం ఇదే కాలంతో నమోదైన రూ.37,044 కోట్ల కంటే 7 శాతం అధికం. నిర్ణీత వ్యవధిలో చెల్లించే లైసెన్స్ ఫీజును మూలధన వ్యయంగా వర్గీకరించాలని సుప్రీం కోర్టు ఇచ్చిన తీర్పును అనుసరించి రూ.226.3 కోట్ల అదనపు పన్ను ప్రొవిజన్ రూపొందించినట్లు టెలికాం కంపెనీ తెలిపింది. జూలై-సెప్టెంబర్ వరకు త్రైమాసికంలో మొత్తం క్యాపెక్స్ రూ.9,197 కోట్లుగా ఉంది.

జూన్‌తో ముగిసిన త్రైమాసికంతో పోలిస్తే 2.1% వృద్ధితో 16 దేశాల్లో భారతి ఎయిర్‌టెల్ భారతదేశ కస్టమర్ బేస్ 54 కోట్ల మందికి పెరిగింది. భారతదేశంలో టెలికాం దిగ్గజం కస్టమర్ బేస్ ఏడాది ప్రాతిపదికన 7% పెరిగి 38.94 కోట్లకు చేరుకుంది. ఫలితాలు మార్కెట్ వర్గాల అంచనాలకు వ్యతిరేకంగా ఉన్నందున స్టాక్ ధర రేటు మార్కెట్లో క్షీణించే అవకాశం ఉందని నిపుణులు అభిప్రాయపడుతున్నారు. ఈ రోజు మార్కెట్లు ముగిసే సమయంలో ఎన్ఎస్ఈలో కంపెనీ షేర్ ధర 1.3 శాతం తగ్గి రూ.536.35గా ఉంది.