Vodafone Lay off's: 11,000 మంది ఉద్యోగులను తొలగించేందుకు సిద్ధమైన వోడాఫోన్..

బ్రిటీష్ బహుళజాతి టెలికమ్యూనికేషన్స్ కంపెనీ, వోడాఫోన్ మరో ధఫా ఉద్యోగులను తొలగించాలని భావిస్తోంది. 11,000 ఉద్యోగాలను తగ్గించాలని కంపెనీ యోచిస్తోన్నట్లు సమాచారం. ఈ తొలగింపు టెల్కో వ్యూహాత్మక ప్రణాళికలో భాగమని.. 11,000 మందిని రాబోయే 3 సంవత్సరాల కాలంలో తొలగించనున్నారు. వోడాఫోన్ కొత్త చీఫ్ ఎగ్జిక్యూటివ్ మార్గరీటా డెల్లా FY23 పనితీరు తగినంతగా లేనందున ఈ నిర్ణయం తీసుకున్నట్లు తెలిపారు.

"నేను Vodafone కోసం నా ప్రణాళికలను ప్రకటిస్తున్నాను. మా పనితీరు తగినంతగా లేదు. వోడాఫోన్ తప్పనిసరిగా మారాలి" అని డెల్లా వల్లే చెప్పారు. నాలుగు సంవత్సరాలలో మార్పును అమలు చేయడానికి, Vodafone ఇప్పటికే ఒక కార్యాచరణ ప్రణాళికను రూపొందించిందన్నారు. "మేము మా సంస్థను సరళీకృతం చేస్తాము, మా పోటీతత్వాన్ని తిరిగి పొందడానికి సంక్లిష్టతను తగ్గించుకుంటాము. మా కస్టమర్‌లు ఆశించే నాణ్యమైన సేవను అందించడానికి మేము వనరులను తిరిగి కేటాయిస్తాము. వోడాఫోన్ వ్యాపారం ప్రత్యేక స్థానం నుంచి మరింత వృద్ధిని పెంచుతాము" అని చెప్పారు.

వోడాఫోన్ FY24లో కస్టమర్ అనుభవం, బ్రాండ్ కోసం గణనీయమైన పెట్టుబడులు పెడుతోంది. వృద్ధికి సంబంధించి, వోడాఫోన్ జర్మనీ టర్న్‌అరౌండ్ ప్లాన్, నిరంతర ధరల చర్య మరియు స్పెయిన్‌లో వ్యూహాత్మక సమీక్షను కలిగి ఉందని మార్గరీటా డెల్లా పేర్కొన్నారు. "మేము మా వనరులను ఉత్పత్తులు, భౌగోళిక పోర్ట్‌ఫోలియోపై దృష్టి పెడతాము, ఇది వృద్ధికి, కాలక్రమేణా రాబడికి సరైన పరిమాణంలో ఉంటుంది" అని తెలిపారు.

ఇటు భారత్ లో కూడా వోడాఫోన్ గడ్డు పరిస్థితులు ఎదుర్కొంటోంది. జియో, ఎయిర్ టెల్ నుంచి పోటీని తట్టుకోవడంలో విఫమవుతుంది. వోడాఫోన్ ఇప్పటికే భారీ సంఖ్యలో కస్టమర్లను కోల్పోయింది.