Telangana Budget 2026-27 LIVE: తెలంగాణ బడ్జెట్‌..కేటాయింపుల వివరాలు..కొత్తగా చేర్చిన అంశాలు ఇవిగో..

తెలంగాణ ఉప ముఖ్యమంత్రి భట్టి విక్రమార్క శాసనసభలో రాష్ట్రానికి వార్షిక బడ్జెట్‌ను ప్రవేశపెట్టారు. మొత్తం బడ్జెట్ ₹3,24,234 కోట్లు. ప్రతి పౌరుని సామాజిక, ఆర్థిక న్యాయంతో ముందుకు తీసుకెళ్లడం వారి ప్రథమ లక్ష్యం అని ఆయన పేర్కొన్నారు. పాలనలో డాక్టర్ అంబేడ్కర్ ఆలోచనలను ఆధారంగా అమలు చేస్తున్నట్లు తెలిపారు. ఇక శాసనమండలిలో ఉత్తమ్ కుమార్ రెడ్డి కూడా బడ్జెట్‌ను వివరించారు.

Mar 20, 2026, 1:59 pm IST

సభ సోమవారానికి వాయిదా

అసెంబ్లీలో రాష్ట్ర బడ్జెట్ ప్రవేశపెట్టిన తర్వాత సభ సోమవారానికి వాయిదా పడింది. సభలో ఆర్థిక మంత్రి మల్లు భట్టి విక్రమార్క బడ్జెట్ ని చదివి వినిపించారు. 2026-27 ఆర్థిక సంవత్సరానికి గాను రూ. 3,24,234 కోట్ల బడ్జెట్‌ను అసెంబ్లీలో ప్రవేశపెట్టారు.

Mar 20, 2026, 1:56 pm IST

WE-Hub: మహిళా వ్యాపార వేత్తలకు మద్దతు

తెలంగాణ రాష్ట్ర ప్రభుత్వం WE-Hub ద్వారా రాష్ట్రంలోని 33 జిల్లాలలో 700 పైగా మహిళా వ్యాపార వేత్తలకు మద్దతు అందిస్తూ, వారి సమగ్ర అభివృద్ధికి సహకరిస్తోంది. ఇందులో ఈ బడ్జెట్‌లో పరిశ్రమల శాఖకు ₹3,490 కోట్లు కేటాయింపుగా ప్రతిపాదించబడ్డాయి. ఈ నిధులు మహిళా ఉత్సాహకారులు, స్టార్టప్‌లు, మరియు పరిశ్రమల విస్తరణలో వినియోగించనున్నారు.

Mar 20, 2026, 1:55 pm IST

ఇందిరమ్మ ఇండ్లు పథకం: పేదలకు స్వంత ఇళ్లకు భారీ సహాయం

తెలంగాణ ప్రభుత్వం “ఇందిరమ్మ ఇండ్లు” అనే బృహత్తర పథకాన్ని ప్రారంభించింది. ఈ పథకం ద్వారా పేద కుటుంబాలకు సొంత స్థలాల్లో ఇళ్ల నిర్మాణానికి ఒక్కొక్క ఇంటికి ₹5 లక్షల ఆర్థిక సహాయం అందించబడుతుంది. ప్రస్తుతం ఈ పథకం కింద 4,50,000 ఇళ్లను మంజూరు చేసింది. ప్రతి అసెంబ్లీ నియోజకవర్గంలో అర్హత కలిగిన అన్ని వర్గాలవారికి ఈ ఇళ్లు కేటాయించబడతాయి. ప్రత్యేకంగా గిరిజన జనాభా ఉన్న ప్రాంతాలకు ప్రాధాన్యత ఇవ్వడం జరిగింది, ప్రతి నియోజకవర్గానికి అదనంగా 1,000 ఇళ్లను కేటాయించారు.ఈ పథకం మొత్తం ఖర్చు ₹22,500 కోట్లుగా అంచనా వేయబడింది. ఇప్పటి వరకు ₹5,073.84 కోట్లు ఖర్చు అయ్యాయి.ఈ పథకం ద్వారా పేద కుటుంబాలకు స్వంత ఇల్లు కల్పించడం, గృహ భద్రతను మెరుగుపరచడం, మరియు సామాజిక న్యాయాన్ని ప్రోత్సహించడం లక్ష్యంగా ఉంది.

Mar 20, 2026, 1:36 pm IST

విశ్వవిద్యాలయాల మౌలిక సదుపాయాలకు పెద్ద ఎత్తున నిధులు

తెలంగాణ రాష్ట్ర బడ్జెట్‌లో మౌలిక సదుపాయాల అభివృద్ధికి ప్రత్యేకంగా నిధులు కేటాయించామని ఆర్థిక మంత్రి తెలిపారు. ఉస్మానియా విశ్వవిద్యాలయానికి రూ.1,000 కోట్ల రూపాయలు, వీరనారి చాకలి ఐలమ్మ మహిళా విశ్వవిద్యాలయానికి రూ. 400 కోట్ల రూపాయలు కేటాయించామన్నారు. ఈ నిధులు సదుపాయాల అభివృద్ధి, పరిశోధన,విద్యార్ధుల సౌకర్యాలను మెరుగుపరచడానికి వినియోగిస్తామన్నారు.

Mar 20, 2026, 1:26 pm IST

పాలిటెక్నిక్ కళాశాలల్లో 15 కొత్త కోర్సులు ప్రారంభం

తెలంగాణలో ఉన్న 57 పాలిటెక్నిక్ కళాశాలలను అడ్వాన్స్డ్ టెక్నాలజీ సెంటర్లుగా అభివృద్ధి చేస్తున్నట్లు ప్రభుత్వం ప్రకటించింది. ఈ చర్య ద్వారా యువతకు భవిష్యత్ ఉద్యోగావకాశాలు సృష్టించడం, ఎంటర్‌ప్రెన్యూర్లుగా ఎదగడం సాధ్యమవుతుంది. 2026–27 విద్యా సంవత్సరం నుంచి పాలిటెక్నిక్ కళాశాలల్లో 15 కొత్త కోర్సులు ప్రారంభించనున్నట్లు ప్రభుత్వం వెల్లడించింది.

Mar 20, 2026, 1:24 pm IST

ఇంటర్, ఐటీఐ విద్యార్థులకు ప్రభుత్వం గుడ్ న్యూస్

తెలంగాణలో ఇంటర్మీడియట్, ఐటీఐ విద్యార్థులకు రాష్ట్ర ప్రభుత్వం కీలక నిర్ణయం తీసుకుంది. ఇప్పటివరకు ప్రభుత్వ పాఠశాలలకే పరిమితమైన మధ్యాహ్న భోజన పథకాన్ని ఇకపై ప్రభుత్వ జూనియర్ కాలేజీల్లో కూడా అమలు చేయనున్నట్లు ప్రకటించింది. దీంతో పాటు, ఐటీఐ మరియు ఏటీసీల్లో చదువుతున్న విద్యార్థులకు నెలకు ₹2,000 ఉపకార వేతనం అందించనున్నట్లు ప్రభుత్వం వెల్లడించింది.

Mar 20, 2026, 1:21 pm IST

ఆరు గ్యారెంటీలకు భారీ కేటాయింపులు

ఎన్నికల ముందు ఇచ్చిన హామీల మేరకు కాంగ్రెస్ ప్రభుత్వం బడ్జెట్‌లో ఆరు గ్యారెంటీల అమలుకు ప్రాధాన్యం ఇచ్చింది. ఈ పథకాల కోసం మొత్తం ₹50,713 కోట్లు కేటాయించినట్లు ఆర్థిక మంత్రి మల్లు భట్టి విక్రమార్క తెలిపారు. ఈ కేటాయింపుల్లో రైతు భరోసా, చేయూత, ఇందిరమ్మ ఇండ్లు, మహాలక్ష్మి, గృహ జ్యోతి, సన్న వడ్ల కొనుగోలు వంటి కీలక పథకాలకు నిధులు కేటాయించినట్లు మంత్రి వెల్లడించారు.

Mar 20, 2026, 1:19 pm IST

ఇందిరమ్మ కుటుంబ జీవిత బీమా పథకం ప్రకటన

తెలంగాణ ప్రజల సంక్షేమం కోసం రాష్ట్ర ప్రభుత్వం “ఇందిరమ్మ కుటుంబ జీవిత బీమా” పథకాన్ని ప్రవేశపెట్టనున్నట్లు డిప్యూటీ సీఎం మల్లు భట్టి విక్రమార్క ప్రకటించారు.ఈ పథకం ద్వారా రాష్ట్రంలోని సుమారు 1.15 కోటి కుటుంబాలకు రూ. 5 లక్షల బీమా రక్షణ అందించనున్నట్లు తెలిపారు. ఈ పథకాన్ని జూన్ 2 నుంచి అమలు చేయనున్నట్లు ఆయన వెల్లడించారు.

Mar 20, 2026, 1:12 pm IST

గిరిజన రైతులకు సౌర పంపుసెట్లు – 2.10 లక్షల మందికి లాభం

తెలంగాణలో గిరిజనుల అభివృద్ధికి ప్రభుత్వం మరింత ప్రాధాన్యం ఇస్తుందని ఆర్థిక మంత్రి మల్లు భట్టి విక్రమార్క తెలిపారు. ₹12,600 కోట్ల వ్యయంతో "ఇందిరా సౌర గిరి జల వికాసం" పథకంను అమలు చేయనున్నట్లు వెల్లడించారు. ఈ పథకం కింద గిరిజన రైతులకు 100% సబ్సిడీతో సౌర పంపుసెట్లు అందించనున్నారు. పోడు భూముల్లో అటవీ ఉత్పత్తులకు సంబంధించిన పంటల సాగును ప్రోత్సహిస్తూ, సుమారు 6 లక్షల ఎకరాల్లో సాగు చేపట్టేలా చర్యలు తీసుకుంటున్నారు. దీంతో 2.10 లక్షల గిరిజన రైతులకు నేరుగా లాభం చేకూరనుంది. ఇప్పటికే ఈ పథకానికి సంబంధించిన పైలట్ ప్రాజెక్టును అచ్చంపేటలో ప్రారంభించిన ప్రభుత్వం, విధివిధానాలు పూర్తయ్యాక రాష్ట్రవ్యాప్తంగా అమలు చేయనున్నట్లు మంత్రి తెలిపారు.

Mar 20, 2026, 1:07 pm IST

2026–27 విద్యా సంవత్సరం నుంచి ప్రీ-ప్రైమరీ నుంచి ఇంటర్మీడియట్ వరకు చదువుతున్న విద్యార్థుల కోసం రాష్ట్ర ప్రభుత్వం నూతన బ్రేక్‌ఫాస్ట్ పథకాన్ని ప్రారంభించనుంది. ఈ పథకం ద్వారా విద్యార్థులకు నాణ్యమైన పోషకాహారం అందించడమే లక్ష్యంగా పెట్టుకుంది.ఈ బ్రేక్‌ఫాస్ట్‌లో భాగంగా ప్రతి విద్యార్థికి వారంలో మూడు రోజులు పాలు, మిగతా మూడు రోజులు రాగి జావ అందించనున్నట్లు ప్రభుత్వం ప్రకటించింది.

Mar 20, 2026, 1:00 pm IST

రాష్ట్రవ్యాప్తంగా డిజిటల్ హెల్త్ కార్డులు -ఉద్యోగులు, పెన్షనర్లకు క్యాష్‌లెస్ హెల్త్ స్కీమ్ :తెలంగాణ ఆర్థిక మంత్రి మల్లు

Mar 20, 2026, 1:00 pm IST

డ్రగ్స్ నియంత్రణకు EAGLE ప్రత్యేక దళం ఏర్పాటు: మల్లు

Mar 20, 2026, 12:59 pm IST

ప్రజావాణి కార్యక్రమం ద్వారా నేరుగా ఫిర్యాదుల స్వీకరిస్తాం: విక్రమార్క

Mar 20, 2026, 12:58 pm IST

భూ భారతి చట్టం–2025 అమలుకు గ్రీన్ సిగ్నల్. AI ఆధారిత ‘భూ మిత్ర’ చాట్‌బాట్ ప్రవేశపెట్టడం చేస్తున్నామని తెలిపిన ఆర్థిక మంత్రి

Mar 20, 2026, 12:57 pm IST

రైతులకు సోలార్ పంపు సెట్లు ఇస్తాం. వాటికి 100 శాతం సబ్సిడీ అందిస్తాం: మల్లు

Mar 20, 2026, 12:57 pm IST

హైదరాబాద్‌కు “భారత్ ఫ్యూచర్ సిటీ” నిర్మాణం, CURE–PURE–RARE మోడల్ ద్వారా రాష్ట్ర అభివృద్ధి

Mar 20, 2026, 12:56 pm IST

తెలంగాణ బడ్జెట్‌లో కొత్త అంశాలు ఇవే..

జీహెచ్‌ఎంసీ పునర్వ్యవస్థీకరణ చేస్తాం. ఇందులో 3 కార్పొరేషన్లు ఏర్పాటు చేస్తాం: మల్లు

Mar 20, 2026, 12:55 pm IST

తెలంగాణ బడ్జెట్‌లో కొత్త అంశాలు ఇవే..

యంగ్ ఇండియా ఇంటిగ్రేటెడ్ రెసిడెన్షియల్ స్కూళ్లు అన్ని నియోజకవర్గాల్లో ఏర్పాటు, యంగ్ ఇండియా స్కిల్ యూనివర్సిటీ స్థాపన. దీంతో పాటుగా ఫిజికల్ ఎడ్యుకేషన్ అండ్‌ స్పోర్ట్స్ యూనివర్సిటీ ప్రారంభం. అలాగే దివ్యాంగ విద్యార్థులకు మోటరైజ్డ్ వాహనాల పంపిణీ చేస్తాం: మల్లు భట్టి విక్రమార్క

Mar 20, 2026, 12:54 pm IST

తెలంగాణ బడ్జెట్‌లో కొత్త అంశాలు ఇవే..

విద్యార్థులకు బ్రేక్‌ఫాస్ట్ పథకం ప్రారంభం. అలాగే ఇంటర్ విద్యార్థులకు మధ్యాహ్న భోజనం కొత్తగా అమలు

Mar 20, 2026, 12:54 pm IST

తెలంగాణ బడ్జెట్‌లో కొత్త అంశాలు ఇవే..

ఇందిరమ్మ కుటుంబ జీవిత బీమా.. ఇందులో భాగంగా ప్రతి కుటుంబానికి రూ.5 లక్షల కవరేజ్

Mar 20, 2026, 12:52 pm IST

గత కేసీఆర్ ప్రభుత్వం పదేళ్ళ పాటు రేషన్ కార్డులు ఇవ్వక పోవడంతో ఎందరో పేద ప్రజలు అనేక రకాలైన సంక్షేమ కార్యక్రమాలకు దూరమయ్యారు. ప్రజా ప్రభుత్వం ఏర్పడిన తర్వాత అర్హులైన పేద కుటుంబాలకు 15 లక్షల 12 వేల కొత్త రేషన్ కార్డులు జారీ చేశామని తెలిపిన మల్లు..

Mar 20, 2026, 12:50 pm IST

అన్నదాతకు పెట్టుబడి సహాయం కోసం రైతు భరోసా పథకం ద్వారా ప్రతీ సీజన్ కు ఎకరాకు 6,000 ల చొప్పున రెండు పంటలకు కలిపి సంవత్సరానికి రూ. 12,000 సహాయం అందిస్తున్నాం: ఆర్థిక మంత్రి

Mar 20, 2026, 12:50 pm IST

రాష్ట్రంలోని 3 కోట్ల 38 లక్షల లబ్ధిదారులకు పబ్లిక్ డిస్ట్రిబ్యూషన్ సిస్టమ్ కింద అన్ని రేషన్ షాపుల ద్వారా 6 కిలోల సన్న బియ్యం అందిస్తున్నాం: మల్లు

Mar 20, 2026, 12:48 pm IST

బడ్జెట్‌లో ఆరోగ్యశాఖకు ప్రాధాన్యతను ఇచ్చిన రేవంత్ రెడ్డి సర్కారు

ఆరోగ్యశాఖకు రూ.13,679 కోట్లు కేటాయించిన ప్రభుత్వం, తెలంగాణ చరిత్రలో ఆరోగ్యశాఖకు ఇదే అత్యధిక కేటాయింపు

Mar 20, 2026, 12:46 pm IST

వంట గ్యాస్ సిలిండర్ల భారం నుండి మహిళలకు ఉపశమనం కల్పించేందుకు, ప్రభుత్వం కేవలం రూ.500కే గ్యాస్ సిలిండర్లను సరఫరా చేసే పథకాన్ని ప్రారంభించింది. ఈ పథకం కింద, రాష్ట్రంలోని 42 లక్షల 90 వేల కుటుంబాలు లబ్ధి పొందాయి. ఈ పథకం ద్వారా మహిళలు సుమారు రూ.752 కోట్లు ఆదా చేశారు: మల్లు

Mar 20, 2026, 12:43 pm IST

6 గ్యారంటీలకు 50,713కోట్లు.. మొత్తం కేటాయింపులు ఇలా..

ఇందిరమ్మ ఆత్మీయ భరోసాకు రూ.600 కోట్లు, పవర్ సబ్సిడీకి రూ.14,000 కోట్లు, బియ్యం సబ్సిడీ రూ.3,000 కోట్లు, కల్యాణలక్ష్మి / షాది ముబారక్ రూ.3,683 కోట్లు, విద్యార్థుల డైట్ ఛార్జీలు రూ.2,170 కోట్లు,స్కాలర్‌షిప్‌లకు రూ.4,343 కోట్లు,తప్పనిసరి కార్యాలయ ఖర్చులు రూ.2,323 కోట్లు,రైతు భరోసాకు రూ.18,000 కోట్లు,చేయూతకు రూ.14,861 కోట్లు,ఇందిరమ్మ ఇండ్లకు రూ.5,500 కోట్లు,మహాలక్ష్మికి రూ.4,305 కోట్లు,సన్న వడ్ల బోనస్‌కు రూ.3,500 కోట్లు,గృహ జ్యోతి (200 యూనిట్లు ఉచిత విద్యుత్) రూ.2,080 కోట్లు,రాజీవ్ ఆరోగ్య శ్రీ రూ.1,143 కోట్లు,మహాలక్ష్మి పథకం కింద LPG సబ్సిడీ రూ.723 కోట్లు

Mar 20, 2026, 12:40 pm IST

తెలంగాణను దేశానికి భవిష్యత్‌ ఆర్థిక శక్తిగా మారుస్తామని తెలిపిన భట్టి విక్రమార్క. ఈ క్రమంలోనే తెలంగాణ సమ్మిట్‌ నిర్వహణ..అలాగే క్యూర్‌, ప్యూర్‌, రేర్ కాన్సెప్ట్‌తో ముందుకు వెళ్తున్నాం. పలు కంపెనీలతో ఒప్పందాలు చేసుకున్నాం: భట్టి విక్రమార్క

Mar 20, 2026, 12:34 pm IST

తెలంగాణ బడ్జెట్ స్వరూపం ఇదే..

బడ్జెట్ మొత్తం: రూ.3,24,234 కోట్లు రెవెన్యూ వ్యయం : రూ.2,34,406 కోట్లు మూలధన వ్యయం : రూ.47,267 కోట్లు తలసరి ఆదాయం : రూ.4,18,931 కోట్లు వృద్ధి రేటు : 10.2శాతం

Mar 20, 2026, 12:30 pm IST

తెలంగాణ వార్షిక బడ్జెట్‌.. కేటాయింపులు ఎలా ఉన్నాయంటే..

ఐటీ- రూ.875 కోట్లు,చేనేత- రూ.258 కోట్లు,పరిశ్రమలు- రూ. 3490 కోట్లు,పంచాయతీ రాజ్- రూ.33688 కోట్లు,ఆర్‌అండ్‌బీ - రూ.12789 కోట్లు,న్యాయ శాఖ- రూ.2367 కోట్లు,హోంశాఖ- రూ. 121907 కోట్లు,టూరిజం- రూ. 1224 కోట్లు,గోదావరి పుష్కరాలు -రూ.500 కోట్లు

Mar 20, 2026, 12:29 pm IST

తెలంగాణ వార్షిక బడ్జెట్‌.. కేటాయింపులు ఎలా ఉన్నాయంటే..

ఎస్సీ అభివృద్ధి- రూ.11784 కోట్లు,ఎస్టీ అభివృద్ధి రూ.7937 కోట్లు,మైనారిటీ సంక్షేమం- రూ.3769 కోట్లు,ఇరిగేషన్ -రూ.22615 కోట్లు,మున్సిపల్ శాఖ- రూ.17907 కోట్లు,గృహ నిర్మాణం- రూ.7430 కోట్లు

Mar 20, 2026, 12:29 pm IST

తెలంగాణ వార్షిక బడ్జెట్‌.. కేటాయింపులు ఎలా ఉన్నాయంటే..

మహిళ, శిక్ష సంక్షేమం-రూ.3143 కోట్లు, పశుసంవర్థకశాఖ-రూ.1,529 కోట్లు, సివిల్‌ సప్లై-రూ.7,366 కోట్లు,వైద్యారోగ్యశాఖ- రూ.13,679 కోట్లు,రాజీవ్‌ యువవికాసం- రూ. 6000 కోట్లు

Mar 20, 2026, 12:28 pm IST

తెలంగాణ వార్షిక బడ్జెట్‌.. కేటాయింపులు ఎలా ఉన్నాయంటే..

రెవెన్యూ వ్యయం రూ.2,34,406 కోట్లు, మూలధన వ్యయం రూ. 47,267 కోట్లు, వ్యవసాయం-రూ.23,179 కోట్లు, విద్యుత్‌శాఖ-రూ. 21,285 కోట్లు, విద్యాశాఖ-రూ.26,674 కోట్లు.

Mar 20, 2026, 12:25 pm IST

దేశంలో తెలంగాణను నెం.1గా నిలబెట్టాలన్నదే లక్ష్యం. సంక్షేమం, అభివృద్ధి మాకు తొలి ప్రాధాన్యమని తెలిపిన భట్టి విక్రమార్క

Mar 20, 2026, 12:25 pm IST

జాతీయ వృద్ధి రేటు కంటే తెలంగాణది 2.7శాతం ఎక్కువ. తలసరి ఆదాయం 1.9 రెట్లు పెరిగింది. 2034 నాటికి 1 ట్రిలియన్ డాలర్ల ఎకానమీ లక్ష్యంగా పెట్టుకున్నాం. 2047 నాటికి 3 ట్రిలియన్ డాలర్ల ఎకానమీ లక్ష్యం: మల్లు

Mar 20, 2026, 12:24 pm IST

తెలంగాణ రాష్ట్రంలో కోటి 15లక్షల కుటుంబాలకు రూ.5 లక్షల జీవితబీమా, జూన్ 2 నుంచి ఇందిరమ్మ కుటుంబ బీమా పథకం: భట్టి

Mar 20, 2026, 12:21 pm IST

ప్రభుత్వం ప్రధాన లక్ష్యాలు ఇవే..

ఈ బడ్జెట్‌లో రైతు సంక్షేమం, మహిళా సాధికారిత, నైపుణ్యం ఆధారిత విద్య మరియు మౌలిక సదుపాయాల కల్పనపై ప్రధానంగా దృష్టి సారించారు.

Mar 20, 2026, 12:20 pm IST

దేశ వృద్ధి రేటు కంటే ఎక్కువ..

తెలంగాణ రాష్ట్రం 10.7% వృద్ధి రేటును సాధించింది. ఇది దేశ సగటు వృద్ధి రేటు కంటే 2.7% ఎక్కువగా ఉండటం విశేషం.

Mar 20, 2026, 12:15 pm IST

రూ.3,24,234 కోట్లతో తెలంగాణ రాష్ట్ర బడ్జెట్..

రూ.3,24,234 కోట్లతో రాష్ట్ర బడ్జెట్ విడుదల.. పశు సంవర్ధకశాఖ.. రూ.1,529 కోట్లు వ్యవసాయ శాఖ.. రూ.23,179 కోట్లు

Mar 20, 2026, 12:11 pm IST

ప్రజా సంక్షేమమే ధ్యేయం..

తెలంగాణ ఆర్థిక మంత్రి భట్టి విక్రమార్క అసెంబ్లీలో నాలుగోసారి రాష్ట్ర వార్షిక బడ్జెట్‌ను ప్రవేశపెట్టారు. అదే సమయంలో శాసన మండలిలో మంత్రి ఉత్తమ్ కుమార్ రెడ్డి ఈ పద్దును ప్రవేశపెట్టారు. ఈ సందర్భంగా భట్టి విక్రమార్క మాట్లాడుతూ, ప్రజా సంక్షేమమే ధ్యేయంగా తమ ప్రభుత్వం దేశంలోనే ఆదర్శవంతమైన పాలన అందిస్తోందని పేర్కొన్నారు. గడిచిన రెండేళ్లలో అనేక సంక్షేమ పథకాలను సమర్థవంతంగా అమలు చేశామని, తెలంగాణను దేశంలోనే నంబర్ వన్ రాష్ట్రంగా నిలపడమే తమ లక్ష్యమని ఆయన స్పష్టం చేశారు. ఈ బడ్జెట్‌లో ముఖ్యంగా రైతు సంక్షేమం, మహిళా సాధికారిత, యువతకు ఉపాధి కల్పనతో పాటు రాష్ట్ర సంస్కృతి, సంప్రదాయాలకు పెద్దపీట వేసినట్లు ఆయన వివరించారు.

Mar 20, 2026, 12:00 pm IST

స్పీకర్, మండలి చైర్మన్‌కు బడ్జెట్ ప్రతులు అందజేసిన భట్టి విక్రమార్క

తెలంగాణ ఉప ముఖ్యమంత్రి, ఆర్థిక మంత్రి మల్లు భట్టి విక్రమార్క 2026-27 ఆర్థిక సంవత్సరానికి సంబంధించిన బడ్జెట్ పత్రాలను అసెంబ్లీ స్పీకర్ గడ్డం ప్రసాద్ కుమార్, శాసనమండలి చైర్మన్ గుత్తా సుఖేందర్ రెడ్డికి అందజేశారు. బడ్జెట్‌ను అధికారికంగా సభలో ప్రవేశపెట్టడానికి ముందు, నిబంధనల ప్రకారం ఆయన ఈ ప్రతులను వారికి సమర్పించారు. ఈ కార్యక్రమంలో ముఖ్యమంత్రి రేవంత్ రెడ్డి, ఇతర మంత్రులు కూడా పాల్గొన్నారు.

Mar 20, 2026, 11:53 am IST

మరికాసేపట్లో బడ్జెట్ అనౌన్స్ మెంట్

తెలంగాణ బడ్జెట్ ప్రవేశపెట్టడానికి ముందు అసెంబ్లీ ప్రాంగణంలో సందడి నెలకొంది. ముఖ్యమంత్రి రేవంత్‌రెడ్డి అధ్యక్షతన అసెంబ్లీ కమిటీ హాల్‌లో రాష్ట్ర మంత్రివర్గం సమావేశమై, 2026-27 ఆర్థిక సంవత్సరానికి సంబంధించిన బడ్జెట్ ప్రతిపాదనలకు అధికారికంగా ఆమోదం తెలపనుంది. ఈ కేబినెట్ భేటీ ముగిసిన వెంటనే, ప్రభుత్వం నిర్దేశించుకున్న లక్ష్యాలకు అనుగుణంగా రూపొందించిన పద్దును సభ ముందు ఉంచనున్నారు. మరోవైపు, ఉప ముఖ్యమంత్రి మరియు ఆర్థిక మంత్రి భట్టి విక్రమార్క బడ్జెట్ ప్రతులతో కలిసి ప్రజా భవన్‌లోని నల్ల పోచమ్మ ఆలయంలో ప్రత్యేక పూజలు నిర్వహించారు. సంప్రదాయబద్ధంగా పూజా కార్యక్రమాలు ముగించుకుని, ఆయన నేరుగా అసెంబ్లీకి చేరుకున్నారు. మధ్యాహ్నం 12 గంటలకు ఆర్థిక మంత్రి అసెంబ్లీలో బడ్జెట్‌ను ప్రవేశపెట్టనుండగా, అదే సమయంలో శాసనమండలిలో మంత్రి శ్రీధర్ బాబు పద్దును ప్రవేశపెడతారు.

Mar 20, 2026, 11:09 am IST

రాష్ట్ర బడ్జెట్ ప్రతిపాదనలకు ఆమోదం తెలిపిన మంత్రి వర్గం

Mar 20, 2026, 11:08 am IST

సీఎం రేవంత్ రెడ్డి అధ్యక్షతన ప్రారంభమైన తెలంగాణ కేబినెట్ సమావేశం.. బడ్జెట్‌కు ఆమోదం తెలపనున్న తెలంగాణ కేబినెట్

Mar 20, 2026, 9:47 am IST

మధ్యాహ్నం 12 గంటలకు సభలో బడ్జెట్‌ను ప్రవేశపెట్టనున్న డిప్యూటీ సీఎం, ఆర్థికశాఖ మంత్రి భట్టి విక్రమార్క. 2026-27 ఆర్థిక సంవత్సరానికి బడ్జెట్‌ సుమారు రూ.3.30 లక్షల కోట్ల వరకు ఉంటుందని అంచనా

Mar 20, 2026, 9:29 am IST

ఉదయం 9.30 గంటలకు అసెంబ్లీ కమిటీ హాల్‌లో సీఎం రేవంత్ రెడ్డి అధ్యక్షతన కేబినెట్ భేటీ. ఈ భేటీలో బడ్జెట్ ప్రతిపాదనలకు కేబినెట్ ఆమోదం తెలపనుంది.

Mar 20, 2026, 9:28 am IST

బడ్జెట్ ప్రవేశపెట్టే కార్యక్రమం మధ్యాహ్నం 12.00 గంటలకు ఉభయ సభలతో ప్రారంభం కానుంది.

Mar 20, 2026, 8:53 am IST

2024–25లో రూ.2.91 లక్షల కోట్ల బడ్జెట్‌ను ప్రతిపాదించగా.. 2025–26లో 5 శాతం పెంచి రూ.3.05 లక్షల కోట్ల బడ్జెట్‌ను ప్రతిపాదించింది.ఇదే కొనసాగితే 2026–27కు రూ.3.20 లక్షల కోట్ల వరకు ప్రతిపాదించే అవకాశముంది.

Mar 20, 2026, 8:51 am IST

రాష్ట్రంలో కాంగ్రెస్‌ పార్టీ అధికారంలోకి వచ్చిన తర్వాత మూడోసారి బడ్జెట్‌ ప్రవేశపెడుతోంది.

Mar 20, 2026, 7:40 am IST

కొత్త రుణాల సేకరణ కూడా రూ.70 వేల కోట్ల వరకు ఉండే అవకాశముంది. ఇందులో 70 శాతానికి పైగా పాత రుణాల చెల్లింపులకే వినియోగించాల్సి వస్తోంది.

Mar 20, 2026, 7:40 am IST

రాష్ట్ర ఆర్థిక వ్యవస్థపై అత్యధిక ఒత్తిడి రుణాలు మరియు వాటి వడ్డీ చెల్లింపుల వల్లనే. గతంలో వడ్డీల కోసం రూ.19,369 కోట్లు కేటాయించినా, చివరికి రూ.25 వేల కోట్లకు పైగా ఖర్చు అయ్యింది. ఈసారి కూడా ఇదే స్థాయిలో నిధులు అవసరమవుతాయని అంచనా.

Mar 20, 2026, 7:40 am IST

పెన్షన్ల కోసం రూ.16 వేల కోట్లు అవసరమవుతుండగా, రిటైర్ అవుతున్న ఉద్యోగుల బెనిఫిట్స్‌కు కూడా భారీగా నిధులు అవసరం. పెండింగ్ బిల్లులు కూడా ప్రభుత్వంపై అదనపు ఒత్తిడిని సృష్టిస్తున్నాయి.

Mar 20, 2026, 7:40 am IST

ఉద్యోగుల జీతభత్యాలు, పెన్షన్ల భారం కూడా బడ్జెట్‌పై ప్రభావం చూపుతోంది. గతంలో రూ.44,478 కోట్లు కేటాయించినా సరిపోక, ఈసారి రూ.46 వేల కోట్ల వరకు పెంచే అవకాశం ఉంది.

Mar 20, 2026, 7:40 am IST

ఇందిరమ్మ ఇళ్లు, సాగునీటి ప్రాజెక్టులు, యంగ్ ఇండియా స్కూల్స్ వంటి ప్రాజెక్టులకు భారీగా నిధులు అవసరం. ఇందిరమ్మ ఇళ్ల కోసం మాత్రమే రూ.17 వేల కోట్ల వరకు కేటాయించవచ్చని సమాచారం.

Mar 20, 2026, 7:40 am IST

అభివృద్ధి పనుల విషయంలో మూలధన వ్యయం కీలక పాత్ర పోషించనుంది. గత బడ్జెట్‌లో రూ.36,504 కోట్లుగా ఉన్న మూలధన వ్యయం ఈసారి రూ.45 వేల కోట్లకు పెరిగే అవకాశముంది.

Mar 20, 2026, 7:39 am IST

30 లక్షల వ్యవసాయ బోర్లు, 50 లక్షల గృహజ్యోతి ఇళ్లకు విద్యుత్‌ సరఫరా కోసం డిస్కంలు రూ.20 వేల కోట్లు కోరాయి. గతంలో ఇచ్చిన రూ.14 వేల కోట్లు సరిపోకపోవడంతో ఈసారి కేటాయింపులు పెరిగే సూచనలు కనిపిస్తున్నాయి.

Mar 20, 2026, 7:39 am IST

రైతుభరోసా, రైతుబీమా, వ్యవసాయ యాంత్రీకరణ వంటి పథకాల కోసం రూ.20 వేల కోట్లు కేటాయించే అవకాశముంది. అలాగే ఉచిత విద్యుత్‌ పథకాలకు భారీ భారం పడుతోంది.