Telangana Budget: తెలంగాణ బడ్జెట్ ప్రవేశపెట్టిన హరీష్ రావు.. సంక్షేమంలో ముందుకే..

ఈ సారి బడ్జెట్..

తెలంగాణ రాష్ట్ర వార్షిక బడ్జెట్ రూ.2,90,396 కోట్లుగా ప్రతిపాదించినట్లు ఆర్థిక మంత్రి హరీష్ రావు ప్రకటించారు. రెవెన్యూ వ్యయం రూ.2,11,685 కోట్లని తన బడ్జెట్ ప్రసంగంలో స్పష్టం చేశారు. నీటి పారుదల రంగానికి రూ.26,885 కోట్లు, విద్యుత్ రంగానికి రూ.12,727 కోట్లను కేటాయించినట్లు వెల్లడించారు. ప్రజా పంపిణీ వ్యవస్థకు రూ.3,117 కోట్లు, ఆయిల్ ఫామ్ కు రూ.1000 కోట్లను బడ్జెట్లో కేటాయించారు.

సంక్షేమానికి పెద్ద పీట..

తెలంగాణ ప్రభుత్వం అభివృద్ధికి ఇస్తున్న ప్రాధాన్యత ఈ సారి కూడా తగ్గలేదని తెలుస్తోంది. ఈ క్రమంలో దళితబందు పథకానికి రూ.17,700 కోట్లు, ఆసరా పెన్షన్లకు రూ.12,000 కోట్లు, గిరిజన సంక్షేమం ప్రత్యేక ప్రగతి నిధికి రూ.15,223 కోట్లు, బీసీ సంక్షేమానికి రూ.6,229 కోట్లను తెలంగాణ ప్రభుత్వం ఈ బడ్జెట్లో కేటాయించింది.

వ్యవసాయం..

రైతన్నను నిలబెట్టేందుకు రాష్ట్ర ప్రభుత్వం కృషి చేస్తూనే ఉంది. ఇందులో భాగంగా వ్యవసాయ శాఖకు రూ.26,831 కోట్లు, కల్యాణ లక్ష్మీ, షాదీ ముబారక్ పథకాలకు రూ.3,210 కోట్లను వెచ్చించనున్నట్లు ఆర్థిక మంత్రి ప్రకటించారు. ప్రపంచ వ్యాప్తంగా తెలంగాణ తెచ్చిన రైతుబంధు పథకం గుర్తింపు పొందిన విషయాన్ని ఆర్థిక మంత్రి తన ప్రసంగంలో ప్రస్థావించారు.