బీర్ బాబులకు మత్తుదిగే వార్త.. తెలంగాణలో రేట్ల పెంపు.. నేటి నుంచే స్టార్ట్..

తెలంగాణ బేవరేజెస్ కార్పొరేషన్ లిమిటెడ్ (TGBCL) ధరల నిర్ణయ కమిటీ (PFC) సిఫార్సులను అమలు చేయడానికి అనుమతించడంతో తెలంగాణ రాష్ట్ర ప్రభుత్వం బీరు ధరలను 15 శాతం సవరించింది. PFC అమలుకు సంబంధించిన ఉత్తర్వులను ప్రభుత్వ ప్రధాన కార్యదర్శి SAM రిజ్వీ సోమవారం విడుదల చేశారు. ఈ ఉత్తర్వులు ఫిబ్రవరి 11 మంగళవారం నుండి అమలులోకి వస్తాయి. సవరించిన ధరలు IMFL డిపోలో ఉన్న స్టాక్‌పై వర్తిస్తాయి, అలాగే రవాణాలో ఉన్న స్టాక్‌ కూడా సవరించిన MRP ధరలకు విక్రయిస్తారు.

యునైటెడ్ బ్రూవరీస్ గ్రూప్ బీర్ సప్లయ్ నిలిపిత:
కింగ్‌ఫిషర్ అండ్ హీనెకెన్ బీర్ తయారీదారులైన యునైటెడ్ బ్రూవరీస్ TGBCLకి బీర్ సప్లయ్ నిలిపివేసి ధరలను పెంచాలని కోరిన తర్వాత బీర్ ధరలు పెరిగాయి. జనవరి 8న UBL సప్లయ్ తెలంగాణలో నిలిపివేసింది, ఎందుకంటే 2019-20 నుండి బీర్ బేస్ ధర సవరించలేదు, దీని ఫలితంగా కంపెనీకి భారీ నష్టాలు సంభవించాయి.

ధరల సమస్యలను ఇంకా పెండింగ్ బకాయిలను ఇచ్చిన టైంగా పరిష్కరిస్తామని TGBCL హామీ ఇచ్చిన తర్వాత జనవరి 20న కంపెనీ బీర్ సప్లయ్ తిరిగి ప్రారంభించింది. "మాకు పూర్తి సమాచారం, ప్రాథమిక హామీలు వచ్చే వరకు ప్రస్తుతానికి మా సప్లయ్ తిరిగి ప్రారంభించాలని మేము నిర్ణయించుకున్నాము" అని జనవరి 20న ఒక ప్రకటనలో తెలిపారు. 2021లో ప్రపంచంలోని రెండవ అతిపెద్ద బీర్ తయారీదారి అయిన హీనెకెన్ NV, యునైటెడ్ బ్రూవరీస్ లిమిటెడ్‌ను దాని ఆధీనంలోకి తీసుకుంది.

ధరలు పెంచబోమని ముఖ్యమంత్రి హామీ:
కంపెనీ బీర్ల సప్లయ్ నిలిపివేసిన కొద్దిసేపటికే ధరలు పెంచాలని మద్యం కంపెనీల ఒత్తిడికి లొంగబోనని తెలంగాణ ముఖ్యమంత్రి రేవంత్ రెడ్డి హామీ ఇచ్చారు. కొత్త కంపెనీల దరఖాస్తుల కోసం ఒక నెల గడువుతో కొత్త నోటిఫికేషన్ జారీ చేయాలని ముఖ్యమంత్రి అధికారులను కోరారు.

రిటైర్డ్ హైకోర్టు న్యాయమూర్తి నేతృత్వంలోని PFC నివేదిక ఆధారంగా ధరల పెంపు నిర్ణయం తీసుకుంటామని కూడా ఆయన చెప్పారు. బీరు ఇంకా మద్యం ధరలను ఎలా నిర్ణయించాలోసమీక్షించడానికి జూలై 2024లో ఈ ప్యానెల్‌ను ఏర్పాటు చేశారు. జనవరి 12న మద్యం తయారీదారులకు ఎక్సైజ్ శాఖ ద్వారా పెండింగ్ బిల్లులను క్లియర్ చేయాలని ముఖ్యమంత్రి ఆర్థిక శాఖను ఆదేశించారు. TGBCL అనేది రాష్ట్రంలో మద్యం అమ్మకాలను నియంత్రించే ఒక ప్రభుత్వ సంస్థ అలాగే రాష్ట్రంలో మద్యం హోల్ సేల్ & రిటైల్ అమ్మకాలపై గుత్తాధిపథ్యం ఉంది.

బీర్ల ధరలు: కేఎఫ్‌ లైట్‌ ప్రస్తుత ధర రూ.150, కొత్త ధర రూ.180, కేఎఫ్‌ ప్రీమియం ప్రస్తుత ధర రూ.160, కొత్త ధర రూ.190, హేవార్డ్స్‌ ప్రస్తుత ధర రూ.160, కొత్త ధర రూ.190, టూబర్గ్‌ లైట్‌ ప్రస్తుత ధర రూ.185, కొత్త ధర రూ.220, కేఎఫ్‌ అల్ర్టా ప్రస్తుత ధర రూ. 210, కొత్త ధర రూ.250, బడ్వైజర్‌ లైట్‌ ప్రస్తుత ధర రూ.210, కొత్త ధర రూ.250, కేఎఫ్‌ అల్ర్టా మ్యాక్స్‌ ప్రస్తుత ధర రూ.220, కొత్త ధర రూ.260, బడ్వైజర్‌ మ్యాగ్నం ప్రస్తుత ధర రూ.220, కొత్త ధర రూ.260, టూబర్గ్‌ స్ర్టాంగ్‌ ప్రస్తుత ధర రూ.240, కొత్త ధర రూ.280. మరో విషయం ఏంటంటే బీర్ల ధర సరిగ్గా ఎంత పెరుగుతుంది అనేదానిపై స్పష్టత ఇవాళ రానుంది.