లక్ష మంది ఉద్యోగుల రోడ్డు మీదకు, అంధకారంలో ఐటీ ఉద్యోగుల భవిష్యత్తు..చేసిన అప్పులు తీర్చే దారి లేక..

Tech layoffs 2025: ఐటీ, టెక్ కంపెనీలలో పనిచేసే వారికి 2025 చాలా గుణపాఠాలతో పాటుగా విషాదాలను మిగిల్చింది.టెక్ కంపెనీలు తమ రోజువారీ పనిలో AI టెక్నాలజీని ఎక్కువగా ఉపయోగిస్తుండంతో వారి ఉద్యోగాలు గాలిలో దీపంలా మారాయి. గూగుల్, మెటా వంటి పెద్ద కంపెనీలన్నీ తమ కంపెనీల్లో కోడింగ్ పనులను AI టూల్స్‌కు అప్పగించినట్లు బహిరంగంగా ప్రకటించాయి. ఉద్యోగులు తమ రోజువారీ పనుల్లో AI టూల్స్‌ను తప్పనిసరిగా ఉపయోగించాలని ఆదేశాలు కూడా జారీ చేశాయి.

AI టెక్నాలజీ రాకతో మానవ ప్రమేయం ఉన్న ఉద్యోగాలు వేగంగా తగ్గిపోతున్నాయి. 2025లోనే మెటా, అమెజాన్, TCS వంటి ప్రపంచ ప్రముఖ కంపెనీలు వేలాది మంది ఉద్యోగులను తొలగించాయి. AI టెక్నాలజీ కారణంగా టెక్ పరిశ్రమలో ఆటోమేషన్ విప్లవం ఈ ఉద్యోగ నష్టానికి ప్రధాన కారణంగా చెప్పుకోవచ్చు.

Layoff.fyi వెబ్‌సైట్ నివేదిక ప్రకారం ప్రపంచవ్యాప్తంగా 212 టెక్ కంపెనీలు 91,700 మందికి పైగా ఉద్యోగులను తొలగించాయి.అయితే వాస్తవ సంఖ్య దీని కంటే చాలా ఎక్కువగా ఉండవచ్చని నివేదికలు చెబుతున్నాయి. చాలా కంపెనీలు తొలగించిన ఉద్యోగుల layoffs వాస్తవ సంఖ్యను నివేదించకపోవడంతో, తొలగించిన వారి వాస్తవ సంఖ్య లక్ష కంటే ఎక్కువగా ఉండవచ్చని తెలుస్తోంది. వీళ్లంతా ఉద్యోగం ఉందనే భరోసాతో అప్పులు చేసి మరీ ఇల్లు కొనుగోలు లేదా కారు, బైకు, భూములు కొనుగోలు చేశారు. అయితే ఉద్యోగం పోవడంతో ఈ అప్పులు తీర్చే దారెలా అంటూ తలలు బాదుకునే పరిస్థితి కనిపిస్తోంది.

AI టెక్నాలజీ వినియోగం పెరిగేకొద్దీ, ఆ ఉద్యోగాలలో ఉన్న వ్యక్తులను తొలగిస్తున్నారు, AI టెక్నిక్‌లను నేర్చుకోవడంలో, ఉపయోగించడంలో అసమర్థులుగా భావించే వారిని తొలగిస్తున్నాయి. కొన్ని కంపెనీలు AI విభాగంలో పనిచేసే వ్యక్తులను కూడా తొలగిస్తున్నాయి.

మెటా తొలగింపులు: మెటా తన AI విభాగాన్ని బలోపేతం చేయడానికి నియామకాలను చేపడుతోంది. దీని కోసం సూపర్ ఇంటెలిజెన్స్ అనే ప్రత్యేక విభాగాన్ని సృష్టించింది. ఈ నేపథ్యంలోనే మెటా ఈ విభాగంలో పనిచేస్తున్న 600 మందిని త్వరలో తొలగిస్తున్నట్లు ప్రకటించింది. ఏప్రిల్‌ నెలలో దాదాపు 3 వేల మందిని తొలగిస్తున్నట్లు ప్రకటించింది. 2022 నుండి మెటా దాదాపు 30 వేల మందిని తొలగిస్తోంది.

అమెజాన్ లేఆఫ్స్: ప్రపంచంలోని ప్రముఖ కంపెనీ అమెజాన్ తన ఉద్యోగులలో ఎక్కువ మందిని తొలగించబోతోంది. అమెజాన్ విషయానికొస్తే చాలా ఉద్యోగాలు ఆటోమేటెడ్ అవుతున్నాయి. ముఖ్యంగా, రోబోటిక్స్, జనరేటివ్ AI లలో భారీగా పెట్టుబడులు పెట్టిన అమెజాన్, వీలైనంత త్వరగా తన గిడ్డంగులలో మానవుల స్థానంలో రోబోలను నియమించుకోబోతోంది. దీని కారణంగా వేలాది మంది ఉద్యోగులు తమ ఉద్యోగాలను కోల్పోబోతున్నారు. HR విభాగంలో పనిచేస్తున్న 15 శాతం మంది ఉద్యోగులను తొలగించాలని అమెజాన్ నిర్ణయించింది.

మైక్రోసాఫ్ట్ ఉద్యోగుల ఊచకోత: మరో ప్రముఖ టెక్ కంపెనీ మైక్రోసాఫ్ట్ దాదాపు 15 వేల మంది ఉద్యోగులను తొలగించింది. అమ్మకాలు, మార్కెటింగ్, ఇంజనీరింగ్ వంటి వివిధ విభాగాల ఉద్యోగులు కూడా దీని బారిన పడ్డారు. చిప్ తయారీదారు ఇంటెల్ 25 వేల మంది ఉద్యోగులను, సేల్స్‌ఫోర్స్ 8 వేల మంది ఉద్యోగులను తొలగించింది.

TCS తొలగింపులు: AI టెక్నాలజీకి అనుగుణంగా మారలేని 11 వేల మందిని తొలగిస్తున్నట్లు యాక్సెంచర్ ప్రకటించింది. విదేశాలలోనే కాకుండా భారతదేశంలో కూడా ఈ తొలగింపులు జరుగుతున్నాయి. ప్రముఖ ఐటీ కంపెనీ తన ఉద్యోగులలో 2 శాతం లేదా 12 వేల మంది ఉద్యోగులను తొలగిస్తున్నట్లు అధికారికంగా ప్రకటించింది. కానీ సెప్టెంబర్ త్రైమాసికంలో కంపెనీ ఉద్యోగుల సంఖ్య 19 వేలు తగ్గింది.