Accenture: అంచనాలు తలకిందులు.. నీరసంగా నాలుగో త్రైమాసిక రాబడులు..

Accenture: గ్లోబల్ మార్కెట్లలో పెరుగుతున్న ఆందోళనలు ఐటీ కంపెనీల ఆదాయ అంచనాలను తలకిందులు చేస్తున్నాయి. వీటి కారణంగా కొత్త ఒప్పందాలు కుదుర్చుకోవటం కంపెనీలకు ఇబ్బందిగా మారుతోంది.

ఈ క్రమంలో టెక్ దిగ్గజం యాక్సెంచర్ నాలుగో త్రైమాసిక ఆదాయం వాల్ స్ట్రీట్ అంచనాల కంటే తక్కువగా ఉంటుందని స్పష్టం చేసింది. ప్రస్తుతం అమెరికాలో ఐటీ కంపెనీలకు డిమాండ్ చాలా బలహీనంగా ఉంది. కాగ్నిజెంట్ టెక్నాలజీ సొల్యూషన్స్ గత నెలలో విచక్షణతో కూడిన ఖర్చుల కారణంగా చిన్న ఒప్పందాలపై సంతకం చేయడంలో ఒత్తిడిని ఎదుర్కొన్నట్లు తెలిపింది.

ఇక భారత ఐటీ సేవల ఔట్‌సోర్సింగ్ దిగ్గజం టాటా కన్సల్టెన్సీ సర్వీసెస్ ఏప్రిల్‌లో అమెరికా మార్కెట్లలో రికవరీ ఆశించిన విధంగా కార్యరూపం దాల్చలేదని, వాస్తవానికి మరింత దిగజారిందని పేర్కొంది. యాక్సెంచర్ తన ఆదాయం ఈ ఏడాది ఆదాయ వృద్ధి 8-9 శాతం మధ్య ఉంటుందని అంచనా వేస్తోంది. అలాగే నాలుగో త్రైమాసికంలో కంపెనీ ఆదాయం 15.75 బిలియన్ డాలర్ల నుంచి 16.35 బిలియన్ డాలర్ల మధ్య ఉండవచ్చని అంచనా వేస్తోంది. ఇది అక్కడి మార్కెట్ అంచనాల కంటే తక్కువని చెప్పుకోవాలి.

ఐటీ సేవల కంపెనీ TCS బ్రిటీష్ పెన్షన్ స్కీమ్ నెస్ట్‌తో భాగస్వామ్యాన్ని విస్తరించింది. యూకే పెన్షన్ సంస్థతో 10 ఏళ్ల కాలానికి 1.1 బిలియన్ డాలర్ల పలువైన ఒప్పందాన్ని కుదుర్చుకుని సంతకం చేసింది. దీనికి ముందు కంపెనీ అమెరికాకు చెందిన ఇన్సూరెన్స్ కంపెనీతో 2 బిలియన్ డాలర్లకు పైగా విలువైన డీల్ ను అర్థాంతరంగా ముగించింది.