ఉద్యోగులను మళ్ళీ ఇంటికి పంపిస్తున్న గూగుల్.. ఈసారి కారణం ఏంటో తెలుసా ?

టెక్నాలజీ దిగ్గజం గూగుల్ క్లౌడ్ విభాగంలో పనిచేసే ఉద్యోగుల సంఖ్యను తగ్గించిందని బ్లూమ్‌బెర్గ్ న్యూస్ బుధవారం నివేదించింది. డిజిటల్ టెక్నాలజీ వేగంగా అభివృద్ధి చెందుతున్న వాతావరణంలో గూగుల్ తీసుకున్న ఈ చర్య వివిధ ప్రశ్నలను లేవనెత్తింది. ఈ తొలగింపు ఇప్పుడు ఎందుకు జరిగింది..? దీని వెనుక కారణం ఏమిటి..? ఇప్పుడు చూద్దాం.

కస్టమర్ల అవసరాలు అండ్ కొత్త అవకాశాలను తీర్చడానికి గూగుల్ నిరంతరం మార్పులు చేస్తోందని గూగుల్ ప్రతినిధి బ్లూమ్‌బెర్గ్‌తో అన్నారు. మరోవైపు ఈ నెల ప్రారంభంలో గూగుల్ క్లౌడ్ వ్యాపారం ఆదాయం విశ్లేషకుల అంచనాల కంటే తక్కువగా ఉంది. అదే సమయంలో 2025లో కంపెనీ ఖర్చులు ఊహించిన దానికంటే ఎక్కువగా పెరిగాయి. ఈ తొలగింపులు కూడా దీని కారణంగానే జరిగి ఉండవచ్చని చెబుతున్నారు. గూగుల్ క్లౌడ్ విభాగం కంపెనీ వృద్ధికి ఎంతో దోహదపడే ముఖ్యమైన విభాగం. అందువల్ల, మార్కెట్ అవసరాలకు అనుగుణంగా కంపెనీ ఆర్థిక వ్యవస్థను సర్దుబాటు చేయడానికి గూగుల్ కొన్ని మార్పులు చేయాల్సి వచ్చింది. ఫలితంగా, కొంతమంది ఉద్యోగులను ఇప్పుడు తొలగించారు. అయితే తొలగించిన ఉద్యోగుల మొత్తం సంఖ్య వెల్లడికాలేదు.

అయితే గూగుల్ ఉద్యోగులను తొలగించడం ఇదేం మొదటిసారి కాదు. గూగుల్ ఇంతకు ముందు చిన్న తరహా తొలగింపులు చేసింది. ఫలితంగా, ఇప్పుడు మరోసారి తొలగింపు జరిగింది. క్లౌడ్ డివిజన్ తొలగింపులకు ముందు గూగుల్ జనవరి 2024లో తన"Platforms and Devices" విభాగం నుండి స్వచ్ఛంద తొలగింపుల ప్రణాళికను ప్రకటించింది. ఈ ప్రకటన ప్రధానంగా ఆండ్రాయిడ్, పిక్సెల్, క్రోన్ అండ్ నెస్ట్ వంటి గూగుల్ చెందిన ప్రసిద్ధ ఉత్పత్తులలో పనిచేసే ఉద్యోగుల కోసం చేసింది. ఈ ప్లాన్ కింద ఉద్యోగులు తమంతట తాముగా కంపెనీని విడిచిపెట్టాలనుకుంటే వారికి పరిహార మొత్తాన్ని చెల్లిస్తారు. ఈ స్వచ్ఛంద నిష్క్రమణ కార్యక్రమం ఉద్దేశ్యం కంపెనీ కార్యకలాపాలను క్రమబద్ధీకరించే ఉద్దేశ్యంతో తీసుకుంది.

గతంలో చూస్తే సెర్చ్ ఇంజన్ దిగ్గజం గూగుల్ 2022లో ఖర్చు తగ్గింపులను ప్రారంభించింది, ఈ తరుణంలోనే CEO సుందర్ పిచాయ్ కంపెనీని 20 శాతం మరింత సమర్థవంతంగా చేయాలనే లక్ష్యాన్ని ప్రకటించారు. ఈ పునర్నిర్మాణం భారీ తొలగింపులకు దారితీసింది, దింతో జనవరి 2023లో 12 వేల మంది ఉద్యోగులు ఉద్యోగాలు కోల్పోయారు. ఈ సంవత్సరం జనవరిలో యుఎస్ అండ్ కెనడా నుండి గూగుల్ ఉద్యోగులు తరచుగా జరిగే తొలగింపుల గురించి ఆందోళన వ్యక్తం చేస్తూ ఒక ఇంటర్నల్ పిటిషన్‌పై సంతకం చేశారు. దాదాపు 1,250 మంది ఉద్యోగులు మెరుగైన విరమణ నిబంధనలను కూడా డిమాండ్ చేశారు.