IT News: ఇండియాలో ఉత్తమ వర్క్ ప్లేస్ గా TCS.. ప్రతిభావంతుల నియామకాల్లో బెంగళూరు టాప్

IT News: TCS భారతదేశంలో పని చేయడానికి ఉత్తమమైన ప్రదేశం, అమెజాన్ తర్వాత: లింక్డ్ఇన్ యొక్క 2023 అగ్ర కంపెనీల జాబితా ఈ కంపెనీలు ఆధారితంగా మరియు ప్రతిభావంతులను నియమించుకునే అగ్రస్థానంలో బెంగళూరు నిలిచింది, ముంబై, హైదరాబాద్, ఢిల్లీ మరియు పూణే వంటి నగరాలు ఆ తర్వాతి స్థానాల్లో ఉన్నాయి.

దేశీయ IT రంగంలో TCS అగ్రస్థానంలో కొనసాగుతున్న విషయం తెలిసిందే. తాజాగా ఈ ఏడాదికి ఇండియాలో అత్యుత్తమ వర్క్ ప్లేస్ గానూ నిలిచినట్లు ప్రొఫైషనల్ సోషల్ మీడియా లింక్డ్ ఇన్‌ నివేదించింది. ఈ విభాగంలో మొత్తం 25 టాప్ కంపెనీల జాబితాను విడుదల చేసింది.

ఇందులో అమెజాన్, మోర్గాన్ స్టాన్లీ వంటి సంస్థలు తర్వాతి స్థానాల్లో ఉన్నాయని పేర్కొంది. ఇక ప్రతిభావంతులను నియమించుకోవడంలో టాప్ లొకేషన్ గా బెంగళూరు నిలిచినట్లు ప్రకటించింది. ముంబై, హైదరాబాద్, ఢిల్లీ, పూణే వంటి నగరాలు ఆ తర్వాతి స్థానాల్లో ఉన్నాయి.

ఎనిమిది ప్రమాణాల ఆధారంగా ఈ జాబితాను లింక్డ్ ఇన్ రూపొందించింది. ఇవి కెరీర్ పురోగతికి దారితీస్తాయని అభిప్రాయపడింది. తన బాధ్యతలు నిర్వర్తించడంలో ఓ ఉద్యోగిని ముందుకు నడిపించగలవని తెలిపింది. ఎదిగే సామర్థ్యం, నైపుణ్యాలు పెంపుదల, సంస్థ స్థిరత్వం, బయట అవకాశాలు, కంపెనీతో అనుబంధం, లింగ వైవిధ్యం, విద్యా నేపథ్యం మరియు దేశంలో ఉద్యోగుల లభ్యత వంటి పలు ముఖ్యమైన అంశాలను దృష్టిలో పెట్టుకుని లిస్టు తయారు చేశారంది.

లింక్డ్ ఇన్ జాబితాలోని 25 బ్రాండ్ పేర్లలో 17 కొత్తవే ఉండటం విశేషం. ఇ-స్పోర్ట్స్ మరియు గేమింగ్ నుండి Dream11 & Games24x7 వంటి కంపెనీలు మొదటిసారిగా లిస్టులోకి వచ్చాయి. 'లింక్డ్‌ఇన్ టాప్ స్టార్టప్ లిస్ట్ ఆఫ్ ది ఇయర్'‌లో కూడా ఉన్న Zepto సైతం ఈ జాబితాలో 16వ స్థానాన్ని పొందగలిగింది.

ఈ టాప్ 25 కంపెనీలు ఇంజనీరింగ్, కన్సల్టింగ్, ప్రోడక్ట్ మేనేజ్‌మెంట్, బిజినెస్ డెవలప్‌మెంట్, సేల్స్, కస్టమర్ సక్సెస్, డిజైన్, ఫైనాన్స్ మరియు ఆపరేషన్స్ వంటి ఫంక్షన్స్ లో ప్రధానంగా పెట్టుబడులు పెడుతున్నాయి.

ఆర్టిఫిషియల్ ఇంటెలిజెన్స్ (AI), రోబోటిక్స్, ఎలక్ట్రానిక్స్, సాఫ్ట్‌వేర్ టెస్టింగ్ మరియు కంప్యూటర్ సెక్యూరిటీ వంటి టెక్నాలజీలకు సంబంధించిన అభ్యర్థుల కోసం IT కంపెనీలు వెతుకుతున్నట్లు లింక్డ్ ఇన్ నివేదిక వెల్లడించింది. కమర్షియల్ బ్యాంకింగ్, ఫైనాన్షియల్ అకౌంటింగ్, గ్రోత్ స్ట్రాటజీలలో నైపుణ్యం కలిగిన ఉద్యోగుల కోసం ఫైనాన్షియల్ సెక్టార్‌ లోని సంస్థలు చూస్తున్నట్లు పేర్కొంది. పార్టనర్ డెవలప్‌మెంట్, ఇన్‌సైడ్ సేల్స్ లో అనుభవం ఉన్నవారి కోసం గేమింగ్ మరియు ఎడ్యుటెక్ కంపెనీల రిక్రూటర్లు ప్రయత్నిస్తున్నట్లు తెలిపింది.