IT News: ఉద్యోగులకు TCS బంపర్ న్యూస్.. ఫలితాల అనంతరం కీలక ప్రకటనలు..

TCS News: దేశంలోని అతిపెద్ద IT సేవల సంస్థ టాటా కన్సల్టెన్సీ సర్వీసెస్ (TCS) తన ఉద్యోగులకు శుభవార్త చెప్పింది. తాజాగా గత ఆర్థిక సంవత్సరం చివరి త్రైమాసిక ఫలితాల విడుదల అనంతరం కీలక నిర్ణయం తీసుకుంది. దీంతో ఎప్పటినుంచో ఆశగా ఎదురుచూస్తున్న సిబ్బంది ఎగిరి గంతేస్తున్నారు.

మంచి పనితీరు కనబరిచిన ఉద్యోగులకు ఏప్రిల్ నుంచి రెండంకెల మేర జీతం పెంచున్నట్లు TCS తెలిపింది. సిబ్బంది వర్క్ ఆధారంగా 4.5 నుంచి 7 శాతం వరకు హైక్స్ ఉండనున్నట్లు వెల్లడించింది. 'ప్రతి ఏడాది మాదిరిగానే ఈసారి కూడా వార్షిక ఇంక్రిమెంట్స్ ప్రకటించినందుకు సంతోషిస్తున్నాము. అత్యుత్తమ ప్రదర్శనకారులు రెండంకెల పంపును అందుకోనున్నారు' అని చీఫ్ HR ఆఫీసర్ మిలింద్ లక్కడ్ తెలిపారు.

'12.5 శాతం ​​తగ్గిన అట్రిషన్ రేటు మా క్యాంపస్ నియామకాల్లో జోష్ పెంచింది. పెరిగిన కస్టమర్ విజిటింగ్ మరియు ఉద్యోగులు కార్యాలయానికి తిరిగి రావడం వల్ల మా డెలివరీ సెంటర్‌లు మునుపటి కళను సంతరించుకున్నాయి. సహచరుల్లో గొప్ప ఉత్సాహం మరియు మనోధైర్యం పెరిగింది' అని లక్కాడ్ వెల్లడించారు.

గడచిన ఆర్థిక సంవత్సరం చివరి త్రైమాసికంలో TCS నియామకాలు తగ్గుముఖం పట్టాయి. దీనికితోడు సంస్థ హెడ్ కౌంట్ 1,759 మేర తగ్గింది. దీంతో గతేడాది చివరి నాటికి ఉద్యోగుల సంఖ్య 6.01 లక్షలకు చేరింది. కాగా ఈ సంవత్సరం దాదాపు 40 వేల మంది ఫ్రెషర్‌లను నియమించుకోవాలని కంపెనీ లక్ష్యంగా పెట్టుకుంది. చాలా మంది ఇప్పటికే ఆన్-బోర్డింగ్ ప్రక్రియలో ఉన్నట్లు ప్రముఖ మీడియా సంస్థ నివేదించింది.