టీసీఎస్ ఉద్యోగాల తగ్గింపు… భారత IT రంగానికి ఇది హెచ్చరికా లేక కొత్త యుగం ఆరంభమా?

TCS సంస్థ 2025-26లో దాదాపు 12,000 మంది ఉద్యోగులను తొలగించబోతున్నట్లు ప్రకటించిన తర్వాత, ఇది భారతీయ IT రంగంలో కలకలం రేపుతోంది. ఇతర కంపెనీలు కూడా ఇదే దిశగా ముందుకు సాగితే, ఇండియాలోని IT రంగం ఎదుర్కొనాల్సిన పరిణామాలు తీవ్రమయ్యే అవకాశం ఉంది.

1. మధ్యంతరంగా నిరుద్యోగిత పెరుగుతుంది
ఉద్యోగాలను కోల్పోయే వారు ఎక్కువగా మధ్య స్థాయి మేనేజ్‌మెంట్ మరియు 10+ సంవత్సరాల అనుభవం కలిగిన టెక్ ప్రొఫెషనల్స్ కావచ్చు. ఈ వర్గానికి కొత్త ఉద్యోగాలు తక్కువగా ఉంటాయి, ఎందుకంటే కొత్త టెక్నాలజీలకు తగిన నైపుణ్యం లేకపోవడం కారణంగా కంపెనీలు వీరిని తిరిగి నియమించుకోవడానికి వెనుకంజ వేయవచ్చు.

2. పాత నైపుణ్యాలకు డిమాండ్ తగ్గుతుంది
Java, Mainframe, Testing వంటి లెగసీ స్కిల్స్ కలిగిన వారికి కంపెనీలు ఇప్పుడు తక్కువ జీతాలే ఆఫర్ చేసే అవకాశం ఉంది. ఆధునిక నైపుణ్యాల (AI, Cloud, DevOps) తో పోల్చితే పాత నైపుణ్యాల విలువ తగ్గుతోంది. దీని ప్రభావంగా ఉద్యోగులు తమకు తగిన జీతం ఆశించలేకపోతున్నారు.

3. కొత్త నైపుణ్యాలకు డిమాండ్
ఇటీవల కాలంలో AI/ML, డేటా సైన్స్, సైబర్ సెక్యూరిటీ, క్లౌడ్ కంప్యూటింగ్ వంటి రంగాల్లో నైపుణ్యం కలిగినవారికి భారీ డిమాండ్ ఉంది. కంపెనీలు ఇప్పుడు "వెర్షన్ 2.0" ఉద్యోగులను కోరుకుంటున్నాయి. దాదాపు అన్ని సంస్థలు వారి సిబ్బందిని కొత్త టెక్నాలజీలలో ట్రైనింగ్ ఇవ్వడానికి మొగ్గుచూపుతున్నాయి.

4. "Overqualified but Unemployable" ప్రమాదం
కొంతమంది ఉద్యోగులు పెద్ద అనుభవం ఉన్నా, టెక్నాలజీ మార్పులకు సరిపోయేలా తాము మారడం లేదంటే, "Overqualified but unemployable" అనే స్థితికి చేరిపోతున్నారు. అంటే, వాళ్లు చాలా టాలెంటెడ్ అయినా సరే, పరిశ్రమకు అవసరమైన నైపుణ్యాలు లేకపోవడం వల్ల ఉద్యోగాలు దక్కడం లేదు.

5. పరిశ్రమలో మార్పుల వాతావరణం
కంపెనీలు తమ వ్యాపార నమూనాలను (business models) మార్చే ప్రయత్నం చేస్తున్నాయి. కొత్త ప్రాజెక్టులు తీసుకోవడం, ఇంటర్నల్ రీ-స్ట్రక్చరింగ్, సిబ్బంది తిరిగి కేటాయింపు వంటి మార్పులు గణనీయంగా పెరుగుతాయి. ఈ మార్పులకు వెంటనే స్పందించిన సంస్థలు ముందుంటే, మిగతావి వెనుకబడే ప్రమాదం ఉంది.

6. భారీ నిరుద్యోగిత ప్రమాదం
ఒక ప్రైవేట్ అంచనా ప్రకారం, వచ్చే 2-3 సంవత్సరాల్లో ప్రతి సంవత్సరం దాదాపు 2 లక్షల IT ఉద్యోగులు ఉద్యోగాలు కోల్పోయే అవకాశం ఉంది. దీనికి ప్రధాన కారణం - కొత్త నైపుణ్యాలు (Upskilling) లోపించడమే.

ఈ పరిస్థితి జరగితే ఏమవుతుంది?
ఉద్యోగాల కోసం పోటీ పెరుగుతుంది, అనేక మందికి ఉద్యోగం దొరకడం కష్టం అవుతుంది. హైదరాబాద్, బెంగుళూరు, పుణే లాంటి ఐటీ నగరాల్లో ఆర్థిక వ్యవస్థ మందగిస్తుంది. మధ్య తరగతి ప్రజల ఖర్చు చేయగల శక్తి తగ్గిపోతుంది, మార్కెట్‌కి దెబ్బ తగులుతుంది. ప్రపంచంలో భారత IT రంగం పట్ల ఉన్న నమ్మకం, గుర్తింపు తగ్గే ప్రమాదం ఉంది. అందుకే ఉద్యోగాలు నిలబెట్టుకోవాలంటే, కొత్త టెక్నాలజీల్లో నైపుణ్యం పెంచుకోవడం తప్పనిసరి.

ఇతర IT కంపెనీలు ఎందుకు టీసీఎస్ నిర్ణయాన్ని జాగ్రత్తగా గమనిస్తున్నాయంటే
టాటా కన్సల్టెన్సీ సర్వీసెస్ (TCS) decisions భారతదేశ IT రంగానికి మార్గదర్శకంగా కనిపిస్తాయి. ఒక పెద్ద నిర్ణయం తీసుకుంటే, ఇతర కంపెనీలు కూడా అదే దిశగా వెళ్లే అవకాశం ఉంటుంది. ఇప్పుడు ఈ ఉద్యోగాల తొలగింపు పరిస్థితి కేవలం టీసీఎస్ మాత్రమే కాదు. ఇప్పటికే Microsoft, Google, Amazon, Intel వంటి గ్లోబల్ కంపెనీలు కూడా వేల కొలదీ ఉద్యోగాలను తొలగించాయి. ఇవి ఎక్కువగా మధ్య స్థాయి నుంచి సీనియర్ స్థాయిలో ఉన్న ఉద్యోగులపై ప్రభావం చూపుతున్నాయి. ఇక భారతీయ కంపెనీల్లో ఇన్ఫోసిస్, విప్రో, హెచ్‌సిఎల్ టెక్ వర్క్‌ఫోర్స్ హైరింగ్ మిక్స్‌డ్‌గానే ఉంది. కొన్నిచోట్ల నియామకాలు తగ్గడం, బెంచ్‌పైనే ఎక్కువ కాలం ఉంచడం లాంటి విధానాలు కనిపిస్తున్నాయి. నిపుణూలప్రకారం, ఈ విధానాలు ఇంకా ఎక్కువ కంపెనీల్లో అమలవుతాయి అని నిపుణులు చెబుతున్నారు. అందుకే ఇతర IT కంపెనీలు టీసీఎస్ నిర్ణయాలపై తీవ్రంగా దృష్టి పెట్టి ఉన్నాయి.