TCS, ఇన్ఫోసిస్ సహా టాప్ 10 కంపెనీల మార్కెట్ క్యాప్ 1.4 లక్షల కోట్లు పతనం

ముంబై: టాప్ 10లోని ఏడు కంపెనీల మార్కెట్ క్యాపిటలైజషన్ గతవారం రూ.1.4 లక్షల కోట్లు క్షీణించింది. ఇందులో ప్రధానంగా ఐటీ దిగ్గజాలు టీసీఎస్, ఇన్ఫోసిస్ కంపెనీల మార్కెట్ క్యాప్ తగ్గింది. ఏడు కంపెనీల మార్కెట్ క్యాప్ అక్షరాలా రూ.1,41,628.37 కోట్లు తగ్గింది. అంతకుముందు వారం టాటా కన్సల్టెన్సీ సర్వీసెస్(TCS), ఇన్ఫోసిస్ కంపెనీల మార్కెట్ క్యాప్ భారీగా పెరిగింది. ఫలితాల అనంతరం పలు ఐటీ సంస్థల షేర్ క్షీణించింది.

ఈ కంపెనీల మార్కెట్ క్యాప్ క్షీణించింది

టాటా కన్సల్టెన్సీ సర్వీసెస్ (TCS) మార్కెట్ క్యాపిటలైజేషన్ రూ.47,680.78 కోట్లు క్షీణించి రూ.11,81,218.07 కోట్లకు పడిపోయింది.

ఇన్ఫోసిస్ మార్కెట్ క్యాప్ రూ.37,579.03 కోట్లు తగ్గి రూ.5,76,275.68 కోట్లుగా నమోదయింది.

రిలయన్స్ ఇండస్ట్రీస్ ఎం-క్యాప్ రూ.30,841.38 కోట్లు పడిపోయి రూ.12,26,048.07 కోట్లుగా నమోదయింది.

స్టేట్ బ్యాంక్ ఆఫ్ ఇండియా (SBI) మార్కెట్ క్యాప్ రూ.11,735.86 కోట్లు క్షీణించి రూ.3,03,347.55 కోట్లుగా ఉంది.

కొటక్ మహీంద్రా బ్యాంకు ఎం-క్యాప్ రూ.6,620.48 కోట్లు తగ్గి రూ.3,49,903 కోట్లకు పడిపోయింది.

హిందూస్తాన్ యూనీలీవర్ మార్కెట్ క్యాప్ రూ.4,534.66 కోట్లు క్షీణించి రూ.5,77,206.58 కోట్లకు తగ్గింది.

భారతీ ఎయిర్‌టెల్ మార్కెట్ క్యాప్ రూ.2,636.18 కోట్లు తగ్గి రూ.2,96,871.53 కోట్లుగా నమోదయింది.

ఈ కంపెనీల మార్కెట్ క్యాప్ జంప్

మూడు కంపెనీల మార్కెట్ క్యాప్ మాత్రం పెరిగింది. HDFC మార్కెట్ క్యాపిటలైజేషన్ రూ.10,697.4 కోట్లు ఎగిసి రూ.4,64,254.63 కోట్లుగా నమోదయింది.

HDFC బ్యాంకు మార్కెట్ క్యాప్ రూ.3,748.69 కోట్లు పెరిగి రూ.7,87,472.56 కోట్లుగా నమోదయింది.

ICICI బ్యాంకు మార్కెట్ క్యాప్ రూ.123.98 కోట్లు పెరిగి రూ.3,91,902.83 కోట్లకు చేరుకుంది.

టాప్ 10 కంపెనీలు ఇవే..

గత వారం మార్కెట్ క్యాప్ పరంగా టాప్ 10 కంపెనీల విషయానికి వస్తే రిలయన్స్ ఇండస్ట్రీస్ లిమిటెడ్ మొదటి స్థానంలో ఉంది. ఆ తర్వాత వరుసగా టీసీఎస్, HDFC బ్యాంకు, హిందూస్తాన్ యూనీలీవర్ లిమిటెడ్, ఇన్ఫోసిస్, HDFC, ICICI బ్యాంకు, కొటక్ మహీంద్రా బ్యాంకు, స్టేట్ బ్యాంక్ ఆఫ్ ఇండియా, భారతీ ఎయిర్‌టెల్ ఉన్నాయి.