Tata technologies IPO: ఆగస్ట్ లేదా సెప్టెంబర్ లో టాటా టెక్నాలజీస్ ఐపీఓ..

రెండు దశాబ్దాల తర్వాత టాటా గ్రూప్ ఇనీషియల్ పబ్లిక్ ఆఫర్ (ఐపీఓ) రాబోతోంది. మార్కెట్‌లో దీనిపై పెట్టుబడిదారులలో చాలా ఉత్సాహం ఉంది. ఈ IPOకు మార్కెట్ రెగ్యులేటర్ సెక్యూరిటీస్ అండ్ ఎక్స్ఛేంజ్ బోర్డ్ ఆఫ్ ఇండియా (SEBI) గ్రీన్ సిగ్నల్ ఇచ్చింది. అయితే కంపెనీ ఇంకా దాని IPO ధర బ్యాండ్‌ను ప్రకటించలేదు. ఈ IPO ప్రైస్ బ్యాండ్ ఒక్కో షేరుకు రూ.268గా ఉండవచ్చని చాలా మంది మార్కెట్ నిపుణులు భావిస్తున్నారు. కంపెనీ షేర్లు అన్‌లిస్టెడ్ మార్కెట్‌లోకి ప్రవేశించాయి. ఆ తర్వాత దాని GMP దాదాపు రూ. 100గా ఉంది.

అయితే టాటా టెక్నాలజీస్ IPO ప్రారంభ తేదీని టాటా గ్రూప్ ఇంకా ప్రకటించలేదు. గత వారం గ్రే మార్కెట్‌లో టాటా టెక్నాలజీస్ ఐపీఓ ప్రీమియం రూ.84 ఉండగా, ఈ వారం రూ.100కి పెరిగిందని మార్కెట్ నిపుణులు పేర్కొంటున్నారు. ఇలాంటి పరిస్థితుల్లో కేవలం వారం రోజుల్లోనే ఒక్కో షేరుకు రూ.16 పెరుగుదల కనిపిస్తోంది. అటువంటి పరిస్థితిలో, ఇది పెట్టుబడిదారులను ధనవంతులను చేస్తుందని భావిస్తున్నారు.

నిపుణుల అభిప్రాయం ప్రకారం, కంపెనీ ధర బ్యాండ్‌ను నిర్ణయించడానికి టాటా గ్రూప్ ఒకటి నుంచి ఒకటిన్నర నెలలు పట్టవచ్చు చెబుతున్నారు. దీని తర్వాత మాత్రమే కంపెనీ IPO సబ్‌స్క్రిప్షన్ తేదీని ప్రకటించవచ్చు. టాటా టెక్నాలజీస్ IPO ఆగస్టు లేదా సెప్టెంబర్ లో వచ్చే అవకాశం ఉంది. టాటా టెక్నాలజీస్ కంపెనీలో టాటా మోటార్స్ 74.69 శాతం, టాటా క్యాపిటల్ గ్రోత్ ఫండ్ 3.63 శాతం, ఆల్ఫా టిసి హోల్డింగ్ 7.26 శాతం కలిగి ఉన్నాయి.

ఈ కంపెనీ ఇంజనీరింగ్ సేవలను అందించే టాటా మోటార్స్ అనుబంధ సంస్థగా ఉంది. ఇది యంత్రాలు, ఆటో, ఏరోస్పేస్ వంటి ఉత్పత్తుల తయారీలో సహాయపడుతుంది. ఈ కంపెనీ వ్యాపారం భారత్, అమెరికా నుంచి యూరప్ వరకు విస్తరించి ఉంది. ఈ కంపెనీలో ప్రపంచవ్యాప్తంగా 9,400 కంటే ఎక్కువ మంది ఉద్యోగులు పని చేస్తున్నారు.