స్విగ్గీ సెన్సేషన్ ! ఇంటికే బంగారం డెలివరీ.. అది కూడా Z+ సెక్యూరిటీతో!

అక్షయ తృతీయ రోజున మన దేశంలో సంప్రదాయం ప్రకారం బంగారం కొనడం చాలా శుభప్రదంగా, అదృష్టంగా కూడా భావిస్తారు. అయితే ఈసారి అక్షయ తృతీయ ఏప్రిల్ 30న వచ్చింది. ఈ సందర్భంగా స్విగ్గీ ఇన్‌స్టామార్ట్ చాల నగరాల్లో నిమిషాల్లోనే బంగారం ఇంకా వెండి డెలివరీని ప్రారంభించింది. బంగారాన్ని కూడా కిరాణా సామాగ్రిలాగానే డెలివరీ చేస్తామని కంపెనీ స్వయంగా తెలిపింది. అయితే ప్రతి ఇంటికి బంగారం డెలివరీ చేయడానికి కంపెనీ బలమైన భద్రతా ఏర్పాట్లు చేసింది. దీనికి సంబంధించిన కొన్ని వీడియోలు సోషల్ మీడియాలో ప్రస్తుతం వైరల్ అవుతున్నాయి ఇంకా కస్టమర్లు దీని పై రకరకాల ఫన్నీ కామెంట్లు చేస్తున్నారు.

అయితే దీనికి సంబంధించిన ఒక క్లిప్ మాత్రం ఇన్‌స్టాగ్రామ్‌లో తెగ వైరల్ అవుతోంది. ఇందులో స్విగ్గీకి చెందిన ఒక డెలివరీ ఎగ్జిక్యూటివ్ తన బైక్ పై వెళ్తుంటాడు. అతని వెనుక ఒక సెక్యూరిటీ గార్డు కూర్చుని ఉంటాడు. ఆ గార్డు ఒక చేతిలో కర్ర, మరో చేతిలో హై సెక్యూరిటీ లాకర్ మీరు చూడొచ్చు. ఈ వీడియో క్లిప్ పై యూజర్లు చాలా ఫన్నీ కామెంట్స్ చేశారు. ఒక యూజర్, 'ఏం జరుగుతోంది?' అని అడగ్గా దీనికి స్విగ్గీ, 'నిజమైన బంగారాన్ని అందించడానికి, నిజమైన భద్రత అవసరం బ్రదర్' అని బదులిచ్చింది. మరొక యూజరైతే 'ఇందులో నిజంగా బంగారం ఉందా?' అని అడగ్గా దీనిపై కంపెనీ, ' ప్రతి మూలకు బంగారాన్ని స్విగ్గీ డెలివరీ చేస్తోంది' అని రిప్లయ్ ఇచ్చింది.

డెలివరీ ఎప్పుడు అవుతుందంటే : అక్షయ తృతీయ సందర్భంగా కళ్యాణ్ జ్యువెలర్స్ నుండి బంగారు ఇంకా వెండి నాణేలను కస్టమర్లకు నిమిషాల్లోనే డెలివరీ చేస్తున్నట్లు స్విగ్గీ ఇన్‌స్టామార్ట్ ప్రకటించింది. వీటిలో 0.5 గ్రాములు నుండి 1 గ్రాము బంగారు నాణేలు అలాగే 5, 10 ఇంకా 15 గ్రాముల వెండి నాణేలు ఉన్నాయి . ఈ నాణేలు హాల్‌మార్క్ గుర్తుతో సర్టిఫై చేసి ఉంటాయి అంతేకాదు అత్యంత అలంకారంగా కూడా ఉంటాయి. ఇంకా ఈ డెలివరీ సర్వీస్ ఏడాది పొడవునా ఉంటుంది. ఈ కొత్త డెలివరీ స్టయిల్ గురించి స్విగ్గీ పూర్తి వివరాలను వెల్లడించనప్పటికీ, ఈ ప్రచారం ఒక ప్రముఖ డెలివరీ బ్రాండ్‌తో కొత్తగా ప్రకటించిన సహకారం ద్వారా అనుసంధానించినట్లు సమాచారం. అయితే ఈ వీడియో మాత్రం నెటిజన్ల దృష్టిని ఎంతో ఆకర్షించింది. మరోవైపు స్విగ్గి ఇన్‌స్టామార్ట్ తీసుకొచ్చిన ఈ సర్వీస్ ఎంత వరకు సక్సెస్ అవుతుందో వేచి చూడాల్సిందే.