IPO News: విఫలమైన ఐపీవో.. తొలిరోజే ఇన్వెస్టర్లకు భారీ నిరాశ.. మీరూ కొన్నారా..??

IPO News: ఈవారం మెుదలు కావటంతోనే స్టాక్ మార్కెట్లలోకి ఐపీవోలు క్యూకడుతున్నాయి. అయితే ఈరోజు మార్కెట్లోకి అడుగుపెట్టిన ఐపీవో ఇన్వెస్టర్లను తీవ్ర నిరాశకు గురిచేసింది.

ఇప్పుడు మనం మాట్లాడుకుబోతున్నది ఎన్ఎస్ఈ ఎస్ఎమ్ఈ కేటగిరీలో వచ్చిన సన్‌రెస్ట్ లైఫ్ సైన్సెస్ లిమిటెడ్ స్టాక్ గురించే. నేడు మార్కెట్లో ఈ కంపెనీ ఐపీవో రూ.84 రేటు వద్ద షేర్లు ఫ్లాట్ లిస్టింగ్‌ను నమోదు చేశాయి. అయితే కొద్ది సేపటికే షేర్లు 5 శాతం లోయర్ సర్క్యూట్‌ను తాకాయి. దీంతో షేర్ ధర ఒక్కసారిగా రూ.79.80 స్థాయికి పడిపోయింది.

ఐపీవో సబ్‌స్క్రిప్షన్ సమయంలో సన్‌రెస్ట్ లైఫ్ సైన్సెస్ లిమిటెడ్ ప్రైస్ బ్యాండ్ ఒక్కో షేరుకు రూ.84గా నిర్ణయించింది. ఈ క్రమంలో పెట్టుబడిదారుల కోసం లాట్ సైజును 1600 షేర్లుగా నిర్ణయించింది. రిటైల్ ఇన్వెస్టర్లు ఐపీవోలో పాల్గొనేందుకు కనీసం రూ.1,34,000 పందెం వేయాల్సి వచ్చింది. సన్‌రెస్ట్ లైఫ్ సైన్సెస్ లిమిటెడ్ IPO రిటైలర్ల కోసం నవంబర్ 7 నుంచి నవంబర్ 9 వరకు తెరచి ఉంది. అలాగే నవంబర్ 15న దరఖాస్తుదారులకు షేర్ల కేటాయింపు జరిగింది.

తాజా ఐపీవో ద్వారా దేశీయ స్టాక్ మార్కెట్ల నుంచి కంపెనీ రూ.10.85 కోట్లను సమీకరించింది. ఐపీవో తెరవబడిన మూడు రోజుల్లో 62 సార్లు సబ్‌స్క్రిప్షన్ పొందింది. కేవలం చివరి రోజున మొత్తం 48 కంటే ఎక్కువ సార్లు సబ్‌స్క్రిప్షన్ పొందింది. IPO తర్వాత ప్రమోటర్ల వాటా 100 శాతం నుంచి 69.91 శాతానికి తగ్గింది.