సన్నీ లియోన్ కొత్త బిజినెస్.. ఒకేసారి 8 కోట్ల ఖర్చు.. ఈ ఆఫీస్ దేనికంటే..?

ఐటం బాంబ్ సన్నీ లియోన్ కూడా ప్రముఖ బాలీవుడ్ స్టార్ల అడుగుజాడలను అనుసరించడం ప్రారంభించింది. నటనతో పాటు ఆమె మరొక వ్యాపారాన్ని ప్రారంభించింది. ఈ వ్యాపారం రియల్ ఎస్టేట్ కు సంబంధించినది. ఈ రోజుల్లో చాలా మంది బాలీవుడ్ తారలు వివిధ ప్రదేశాలలో ఆస్తులు కొంటున్నారు, అమ్ముతున్నారు. వీరి అడుగుజాడల్లోనే బాలీవుడ్ నటి సన్నీ లియోన్ కూడా ఒక ఆస్తిని కొనుగోలు చేసింది.

ఎంటంటే సన్నీ లియోన్ ముంబైలోని ఓషివారాలో రూ.8 కోట్లకు ఓ ఆఫీస్ స్థలాన్ని కొనుగోలు చేసింది. ఈ సమాచారాన్ని స్క్వేర్ యార్డ్స్ అందించింది. ఆస్తి పేపర్ల ప్రకారం, ఈ ఆఫీస్ స్థలాన్ని కరణ్‌జిత్ కౌర్ వెబర్ పేరుతో కొనుగోలు చేశారు. సన్నీ లియోన్ అసలు పేరు కూడా కరణ్ జిత్ కౌర్ వెబర్. ఈ ఆస్తి ఓషివారాలో ఉన్న వీర్ గ్రూప్ వాణిజ్య ప్రాజెక్ట్ అయిన వీర్ సిగ్నేచర్‌లో ఉంది.

ఆఫీస్ స్థలం ఎంత పెద్దది?
ఆస్తి డాకుమెంట్స్ ప్రకారం, ఈ ఆఫీస్ స్థలం కార్పెట్ స్పెస్ 176.98 చదరపు మీటర్లు. నిర్మాణ ప్రాంతం 194.67 చదరపు మీటర్లు. దీనికి మూడు కార్ల పార్కింగ్ ఉంది. ఈ ఆస్థి కొనుగోలు కోసం రూ. 35.01 లక్షల స్టాంప్ డ్యూటీ, రూ. 30,000 రిజిస్ట్రేషన్ ఫీజుగా తెలుస్తుంది.

ఈ ఆస్తిని ఎవరు అమ్మారు?
ఆనంద్ కమల్నాయన్ పండిట్ అండ్ రూపా ఆనంద్ పండిట్ యాజమాన్యంలోని ఐశ్వర్య ప్రాపర్టీ అండ్ ఎస్టేట్స్ అనే కంపెనీ నుండి సన్నీ లియోన్ ఈ ఆస్తిని కొనుగోలు చేసింది. ఆనంద్ పండిట్ ఒక ప్రసిద్ధ చిత్ర నిర్మాత, డిస్ట్రిబ్యూటర్ అండ్ రియల్ ఎస్టేట్ డెవలపర్. ఆయన టోటల్ ధమాల్, చెహ్రే, ది బిగ్ బుల్ వంటి సినిమాల నిర్మాత.

రియల్ ఎస్టేట్‌లో వారి అదృష్టాన్ని ప్రయత్నిస్తున్న బాలీవుడ్ స్టార్లు
ఈ రోజుల్లో చాలా మంది సినీ తారలు రియల్ ఎస్టేట్‌లో వారి చేతి అదృష్టాన్ని ప్రయత్నించుకుంటున్నారు. ఇటీవల అమితాబ్ బచ్చన్ ఓషివారాలోని తన డ్యూప్లెక్స్ అపార్ట్‌మెంట్‌ను రూ.83 కోట్లకు అమ్మేశారు. అతను దానిని రూ.31 కోట్లకు కొన్నాడు. కొన్ని రోజుల క్రితం, సోనాక్షి సిన్హా కూడా ముంబైలోని బాంద్రా వెస్ట్‌లోని ఒక గృహ సముదాయంలోని తన అపార్ట్‌మెంట్‌ను అమ్మేసింది. ఆమె ఈ ఆస్తిని రూ.22.50 కోట్లకు అమ్మేసింది. సోనాక్షి సిన్హా ఈ ఆస్తిని మార్చి 2020లో రూ. 14.0 కోట్లకు కొనుగోలు చేసింది. సినీ దర్శకుడు సుభాష్ ఘాయ్ తన భార్యతో కలిసి కొన్ని రోజుల క్రితం ముంబైలో రూ.24 కోట్ల విలువైన అపార్ట్‌మెంట్‌ను కొనుగోలు చేశారు.