Sunder Pichai: సుందర్ పిచాయ్ ఇంత భారీ పారితోషికమా.. ఆశ్చర్యపోతున్న ఉద్యోగులు..

ఆల్ఫాబెట్ ఇంక్ చీఫ్ ఎగ్జిక్యూటివ్ సుందర్ పిచాయ్(Sunder Pichai) 2022లో దాదాపు $226 మిలియన్ల మొత్తం పారితోషకాన్ని అందుకున్నారు. ఇది మధ్యస్థ ఉద్యోగి వేతనం కంటే 800 రెట్లు ఎక్కువ అని కంపెనీ శుక్రవారం సెక్యూరిటీస్ ఫైలింగ్‌లో తెలిపింది. ఇదీ భారత కరెన్సీలో రూ.1850 కోట్లకు సమానం. పిచాయ్ పరితోషికంలో సుమారు 218 మిలియన్ డాలర్ల స్టాక్ అవార్డులు ఉన్నాయని ఫైలింగ్ లో పేర్కొన్నారు. గూగుల్ మాతృ సంస్థ ఆల్ఫాబెట్ ప్రపంచవ్యాప్తంగా ఉద్యోగాలను తొలగిస్తున్న సమయంలో పిచాయ్ భారీ ఎత్తున పారితోషికం తీసుకోవడం ఆశ్చర్యాన్ని కలిగిస్తోంది.

సుందర్ పిచాయ్ మూడేళ్ల కాలానికి ఈ పారితోషికాన్ని అందుకున్నారు. 2019 కూడా పిచాయ్ స్థాయిలో పారితోషికం తీసుకున్నట్లు సమాచారం. గత మూడేళ్లుగా పిచాయ్‌ స్థిరంగా 2 మిలియన్‌ డాలర్ల వార్షిక వేతనం అందుకుంటున్నట్లు కంపెనీ సెక్యూరిటీస్ ఫైలింగ్‌లో పేర్కొంది. లే ఆఫ్ ల వేళ సుందర్ పిచాయ్ పెద్ద మొత్తంలో వేతనం పొందడం చర్చనీయంశంగా మారింది. కాలిఫోర్నియాకు చెందిన ది మౌంటైన్ వ్యూ, జనవరిలో ప్రపంచవ్యాప్తంగా 12,000 ఉద్యోగాలను తగ్గించాలని యోచిస్తున్నట్లు ప్రకటించింది. ఇది దాని గ్లోబల్ వర్క్‌ఫోర్స్‌లో 6%కి సమానంగా ఉంది.

ఈ నెల ప్రారంభంలో తొలగింపులపై వివాదం కారణంగా వందలాది మంది గూగుల్ ఉద్యోగులు కంపెనీ లండన్ కార్యాలయాల వద్ద వాకౌట్ చేశారు.మార్చిలో 200 మందికి పైగా కార్మికులను తొలగించిన తర్వాత గూగుల్ ఉద్యోగులు కంపెనీ జ్యూరిచ్ కార్యాలయాల వద్ద నిరసన తెలిపారు.