IT Raids: స్టవ్ క్రాఫ్ట్ కంపెనీపై ఐటీ దాడులు.. భారీగా పడిపోయిన స్టాక్..

IT Raids: ఆదాయపు పన్ను శాఖ అధికారులు స్టవ్ క్రాఫ్ట్ కంపెనీ ప్రాంగణాల్లో సోదాలు నిర్వహిస్తున్నారు. దీనికి సంబంధించిన వివరాలను కంపెనీ స్టాక్ ఎక్స్ఛేంజీలకు అందించటంలో విషయం బయటకు పొక్కింది.

తాము పూర్తిగా అధికారులకు సహకరిస్తున్నామని కంపెనీ వెల్లడించింది. కంపెనీ ప్రస్తుతం దేశంలో కుక్కింగ్ అప్లయెన్సెస్ తయారీలో ప్రఖ్యాత కంపెనీగా కొనసాగుతోంది. కంపెనీ అధికారులు ఆదాయపు పన్ను శాఖ అధికారులతో సహకరిస్తున్నారు మరియు వారు లేవనెత్తిన ప్రశ్నలకు స్పందిస్తున్నట్లు తన ఫైలింగ్స్ లో స్పష్టం చేసింది.

అయితే దాడులు ముగిసిన తర్వాత ఈ వ్యవహారానికి సంబంధించిన సమచారాన్ని వెల్లడిస్తామని తెలిపింది. కంపెనీ తమకు వర్తించే అన్ని చట్టాలకు కట్టుబడి ఉందని.. "ఉత్తమ" కార్పొరేట్ గవర్నెన్స్ పద్ధతులను అనుసరిస్తున్నట్లు వెల్లడించింది. పన్ను అధికారుల సోదాలకు సంబంధించిన వార్త బయటకు రావటంలో స్టాక్ భారీగా నష్టపోయింది. ఇంట్రాడేల్ అత్యధికంగా 5.3 శాతానికి పైగా పతనాన్ని నమోదు చేసింది. సాయంత్రం 3.20 గంటల సమయంలో కంపెనీ షేర్ ధర ఎన్ఎస్ఈలో 3.23 శాతం నష్టంతో రూ.501 వద్ద ట్రేడింగ్ కొనసాగిస్తోంది.

కంపెనీ వ్యాపారాన్ని పరిశీలిస్తే పీజియన్ పేరుతో వంట సామాగ్రిని విక్రయిస్తోంది. అలాగే గిల్మా పేరుతో కిచెన్ సెటప్ సొల్యూషన్స్, పీజియన్ ఎల్ఈడీ పేరుతో లైటింగ్ సొల్యూషన్స్, బ్లాక్ డెక్కర్ పేరుతో జూసర్లు, మిక్సర్లు, ఓవెన్లు, ఫుడ్ స్టీమర్ వంటి ఇతర ఉత్పత్తులను విక్రయిస్తోంది.