Stock Market: నష్టాల్లో ట్రేడవుతున్న సెన్సెక్స్, నిఫ్టీ.. అసలు కారణం అదే..

Maret Closing: దేశీయ స్టాక్ మార్కెట్లు వారం ప్రారంభం రోజున నష్టాలతో ప్రయాణాన్ని మెుదలు పెట్టాయి. వాస్తవానికి ఓలటాలిటీ కారణంగా సూచీలు స్వల్ప నష్టాల్లో కొనసాగుతున్నాయి.

ఉదయం 10 గంటల సమయంలో బెంచ్ మార్క్ సూచీ సెన్సెక్స్ 266 పాయింట్ల నష్టంలో ట్రేడింగ్ కొనసాగిస్తుండగా.. మరో కీలక సూచీ నిఫ్టీ 80 పాయింట్లు కోల్పోయింది. ఇదే క్రమంలో నిఫ్టీ బ్యాంక్ సూచీ 235 పాయింట్లు, నిఫ్టీ మిడ్ క్యాప్ సూచీ 533 పాయింట్లు కోల్పోయింది. ఈ క్రమంలో మార్కెట్లో హీరో మోటార్స్, కోల్ ఇండియా కంపెనీల షేర్లు ప్రధానంగా ఫోకస్‌లో కొనసాగుతున్నాయి.

ఎన్ఎస్ఈలో దివీస్ ల్యాబ్, విప్రో, అపోలో హస్పిటల్స్, డాక్టర్ రెడ్డీస్, ఇన్ఫోసిస్, హెచ్సీఎల్ టెక్నాలజీస్, గ్రాసిమ్, యూపీఎల్, ఎల్ టిఐఎమ్, టెక్ మహీంద్రా, యాక్సిస్ బ్యాంక్, నెస్లే, ఎస్బీఐ లైఫ్, అల్ట్రాటెక్ సిమెంట్స్, టీసీఎస్, హెచ్డీఎఫ్సీ బ్యాంక్, బజాజ్ ఆటో, మహీంద్రా అండ్ మహీంద్రా, సిప్లా, టాటా మోటార్స్ కంపెనీల షేర్లు లాభాలతో టాప్ గెయినర్లుగా కొనసాగుతున్నాయి.

ఇదే క్రమంలో కోల్ ఇండియా, హీరో మోటార్స్, ఓఎన్జీసీ, బీపీసీఎల్, పవర్ గ్రిడ్, ఎన్టీపీసీ, ఎస్బీఐ, రిలయన్స్, ఐటీసీ, బజాజ్ ఫైనాన్స్, అదానీ ఎంటర్ ప్రైజెస్, అదానీ పోర్ట్స్, ఎల్ టి, టాటా స్టీల్, హెచ్డీఎఫ్సీ లైఫ్, టాటా కన్జూమర్, ఏషియన్ పెయింట్స్, ఇండస్ఇండ్ బ్యాంక్, ఐసీఐసీఐ బ్యాంక్, కోటక్ బ్యాంక్ కంపెనీల షేర్లు నష్టాలతో టాప్ లూజర్లుగా కొనసాగుతున్నాయి.