Market Crash: 1% పైగా నష్టపోయిన సెన్సెక్స్, నిఫ్టీ.. అలుముకున్న జీడీపీ డేటా టెన్షన్

Closing Bell: ఉదయం స్వల్ప లాభాలతో ప్రారంభమైన దేశీయ స్టాక్ మార్కెట్లు చివరికి భారీ నష్టాల్లో ట్రేడింగ్ ముగించాయి. ప్రధానంగా ప్రభుత్వ యాజమాన్యంలోని బ్యాంకులు, ఎనర్జీ స్టాక్స్, మీడియా కంపెనీల షేర్లు నష్టాలతో మార్కెట్లను కిందకు లాగాయి.

మార్కెట్లు ముగిసే సమయానికి బెంచ్ మార్క్ సూచీ సెన్సెక్స్ 790 పాయింట్ల నష్టపోగా.. ఇదే క్రమంలో నిఫ్టీ సూచీ 247 పాయింట్లను కోల్పోయింది. ఇదే క్రమంల నిఫ్టీ బ్యాంక్ సూచీ 624 పాయింట్లు క్షీణించగా.. నిఫ్టీ మిడ్ క్యాప్ సూచీ 952 పాయింట్లు నష్టపోయింది. ఈ క్రమంలో బీఎస్ఈ మిడ్ క్యాప్ అండ్ స్మాల్ క్యాప్ సూచీలు నేడు 1.5 శాతం మేర నష్టపోయాయి. సెబీ అసెట్మేనేజర్లను స్మాల్ అండ్ మిడ్ క్యాప్ షేర్లలో పెట్టుబడులలోని రిస్క్ గురించి పెట్టుబడిదారులకు వివరించాలని ఆదేశించింది.

మార్కెట్లు ముగిసే సమయంలో కేవలం హిందుస్థాన్ యూనీలివర్, ఎయిర్ టెల్, ఇన్ఫోసిస్, టీసీఎస్ కంపెనీల షేర్లు లాభాలతో ముగియగా.. పవర్ గ్రిడ్, బజాజ్ ఆటో, అపోలో హాస్పిటల్స్, ఐషర్ మోటార్స్, ఇండస్ఇండ్ బ్యాంక్, మారుతీ, విప్రో, బీపీసీఎల్, జేఎస్డబ్ల్యూ స్టీల్, అదానీ ఎంటర్ ప్రైజెస్, అదానీ పోర్ట్స్, టాటా స్టీల్, మహీంద్రా అండ్ మహీంద్రా, యూపీఎల్, రిలయన్స్, టాటా కన్జూమర్, అల్ట్రాటెక్ సిమెంట్స్, ఓఎన్జీసీ, టెక్ మహీంద్రా కంపెనీల షేర్లు మాత్రం నష్టాల్లో ట్రేడింగ్ కొనసాగిస్తున్నాయి.