Stock Market: లాభాల్లో సానుకూలంగా ముగిసిన మార్కెట్లు.. రిలయన్స్ యాక్టివ్ మూవ్..

Market Closing: ఉదయం మెుదలైన జోష్‌ను దేశీయ స్టాక్ మార్కెట్లు సాయంత్రం ముగిసేంత వరకు కొనసాగించాయి. ఫలితాలు వెలువడనున్న తరుణంలో టీసీఎస్ కంపెనీ షేర్లు స్వల్పంగా నష్టాల్లో ముగిశాయి.

మార్కెట్లు ముగిసే సమయంలో బెంచ్‌మార్క్ సూచీ సెన్సెక్స్ 394 పాయింట్ల లాభంలో ఉండగా.. మరో కీలక సూచీ నిఫ్టీ 120 పాయింట్ల మేర గెయిన్ అయ్యింది. ఇదే క్రమంలో నిఫ్టీ బ్యాంక్ సూచీ 173 పాయింట్లు, నిఫ్టీ మిడ్ క్యాప్ సూచీ 189 పాయింట్లు లాభపడ్డాయి. ఈరోజు మార్కెట్లో ప్రధానంగా హెచ్డీఎఫ్సీ బ్యాంక్, రిలయన్స్ ఇండస్ట్రీస్ కంపెనీల షేర్లు ఎక్కువగా ట్రేడింగ్ చేయబడ్డాయి.

ఎన్ఎస్ఈలో హీరో మోటార్స్, గ్రాసిమ్, విప్రో, అల్ట్రాటెక్ సిమెంట్స్, రిలయన్స్, డాక్టర్ రెడ్డీస్, హిందుస్థాన్ యూనీలివర్, సిప్లా, మహీంద్రా అండ్ మహీంద్రా, హెచ్డీఎఫ్సీ బ్యాంక్, నెస్లే, ఎన్టీపీసీ, కోటక్ బ్యాంక్, యూపీఎల్, ఐషర్ మోటార్స్, దివీస్ ల్యాబ్, ఎయిర్ టెల్, ఐటీసీ, హిందాల్కొ, ఎస్బీఐ లైఫ్ కంపెనీల షేర్లు లాభాలతో ప్రయాణాన్ని ముగించి టాప్ గెయినర్లుగా నిలిచాయి.

ఇదే క్రమంలో టెక్ మహీంద్రా, కోల్ ఇండియా, ఎల్ టిఐఎమ్, ఎస్బీఐ, టీసీఎస్, ఇన్ఫోసిస్, టాటా స్టీల్, ఓఎన్జీసీ, టాటా కన్జూమర్, ఇండస్ఇండ్ బ్యాంక్, అదానీ పోర్ట్స్, అదానీ ఎంటర్ ప్రైజెస్ కంపెనీల షేర్లు నష్టాలతో టాప్ లూజర్లుగా ప్రయాణాన్ని ముగించాయి.