రెండో రోజూ నష్టాల్లోనే మార్కెట్లు: 220 పాయింట్ల నష్టంలో సెన్సెక్స్

స్టాక్ మార్కెట్లు మంగళవారం నష్టాలతో ప్రారంభమయ్యాయి. సోమవారం మార్కెట్లు భారీ నష్టాలలో ముగిశాయి. సెన్సెక్స్ 416 పాయింట్లు, నిఫ్టీ 127 పాయింట్ల నష్టంతో ముగిసింది. డాలరుతో రూపాయి మారకం విలువ 3 పైసలు తగ్గి 71.11 వద్ద క్లోజ్ అయింది. నిన్నటి నష్టాల నుంచి మార్కెట్లు ఈ రోజు కూడా తేరుకోలేదు. ఉదయం సెన్సెక్స్, నిఫ్టీ నష్టాలతో ప్రారంభమైంది.

సాయంత్రం మూడున్నర గంటల సమయానికి సెన్సెక్స్ 221.07 (0.53%) పాయింట్ల నష్టంతో 41,307.84 వద్ద, నిఫ్టీ 60.15 (0.49%) 12,164.40 పాయింట్ల నష్టంతో ట్రేడ్ అయ్యాయి. డాలరుతో రూపాయి మారకం విలువ 70.87 వద్ద ట్రేడ్ అయింది. ఆటో, మెటల్ రంగాల షేర్లు నష్టాలలో ట్రేడ్ అయ్యాయి.

బడ్జెట్ 2020: మరిన్ని కథనాలు చదవండి

టాప్ గెయినర్స్ జాబితాలో భారతీ ఇన్ఫ్రాటెల్, జీ ఎంటర్టైన్మెంట్, బీపీసీఎల్, కొటక్ మహీంద్రా, బ్రిటానియా ఉన్నాయి. టాప్ లూజర్స్ జాబితాలో టాటా స్టీల్స్, మహీంద్రా అండ్ మహీంద్రా, ఐవోసీ, టాటా మోటార్స్, మారుతీ సుజుకీ ఉన్నాయి.